EUSKAL HERRIKO TXISTORRA HOBERENA, BURLATAKOA. LARRAGUETA HARATEGIA IRABAZLE GAURKOAN

Burlatako Larragueta harategia izan da Ordizian irabazle gaur, abenduak 20, ospatu den Euskal Herriko XX. Txistorra lehiaketan. Txapeldunak Txapela garaikurra eta diploma jaso ditu eta, garaikurra eta diploma bana jaso dituzte Haiako Txarri Txiki harategiak (2garrena) eta Asteasuko Jose Mª Beldarrainek (3garrena). Bestalde, Zarauzko Gesala Plater Prestatuak (4garrena) eta Olaztiko Pako Harategiak (5garrena) diploma bana jaso dute. Guztira 42 ekoizlek aurkeztu dituzte haien hestekiak.
Epaimahaikoek txistorraren itxurari, osagaiei eta zaporeari erreparatu diete produktu hoberena aukeratzerakoan eta orokorrean izan den maila ona nabarmendu dute. Epaimahaia ondorengoek osatu dute: Ane Otegi (Aramako Ostatua), Eneko Azurmendi (Lazkaoetxe, Zaldibia), Juan Manuel Garmendia (Kattalin erretegia, Beasain), Imanol Gaztañaga (Zubibi Jatetxea, Ordizia), Inaxio Muguruza (Hotel Atalaia, Irun); Jose Antonio Mujika eta Juan Garmendia harakin ohiak, Kontxita Mujika (Ordiziako tabernari ohia), Sonia Tapia (gastronomia aholkularia), Ramon Roteta (Euskal Sukaldaritza berriaren aitzindaria), Luis Mokoroa (Euskal Gastronomia Anaiartearen Lehendakaria) eta Zigor Iturrieta (ETBko Txoriene saioko aurkezlea). Txistorraren prestaketan Roberto Ruiz sukaldariaren laguntza ere izan dugu.

ORDIZIA
ASTEAZKENA , Azaroak 29, PLAZA NAGUSIA 10.30etan
GIPUZKOAKO XIX. ODOLKI LEHIAKETA

Gipuzkoako odolki egile eta harakinek hitzordua dute asteazken honetan, azaroaren 29an, Ordizian. Txerri-harakin eta, oro har, harakinen gremioak Ordiziako Udalarekin batera Gipuzkoako XIX. Odolki lehiaketa antolatu baitute. Irabazleak txapela, garaikurra eta diploma jasoko du, eta bigarren eta hirugarren tokian sailkatzen direnei diploma eta garaikurra bana emango zaie; laugarren eta bosgarren sailkatuei diploma.

Odolki onena zein den erabakiko duen epaimahaia gastronomia arloko adituez osatuko da. Aurtengoan, Ordizian izango dira: sukaldarien ordezkari, Jose Juan Castillo eta Ramon Roteta (Euskal Sukaldaritza Berriaren aitzindariak), Iker Markinez (kuko Jatetxea, Ormaiztegi), Juan Manuel Garmendia (Kattalin Erretegia, Beasain), Joxean Eizmendi (Ilarra Jatetxea, Donostia); eta Imanol Gaztañaga (Zubibi Jatetxea, Ordizia); Jose Antonio Mujika eta Juan Garmendia harakin ohiak (Ordizia) eta Luis Mocoroa (Euskal Gastronomia Anaiartearen Lehendakaria) beste batzuren artean.

Odolkia dastatzerakoan, azken batean, txiki-txiki eginda doazen osagaien artean oreka behar du: osagaien tamaina, zenbat gantz, tipula edo odol nahasketa duen. Barazkiek berdin samar txikituta egon behar dute.

Lehiaketa honen bitartez, betiko produktu honen kontsumoa bultzatu eta zabaldu nahi da. Halaber, kontsumitzaileari aukeran zer nolako produktua duen erreferentzia argi bat eman nahi zaio, baita gipuzkoar odolkiaren kalitatea zein den jakiteko parametro zehatzak eskaini ere
Honez gain, Ordiziako Azokaren 12 produktu 12 hilabete ekimenaren baitan odolkiaren ekoizpen prozesua Plaza Nagusian ikusteko aukera egongo da Juanita Murgiondo baserritarraren eskutik.

Gipuzkoako XIX. Odolki lehiaketa
- OINARRIAK -
1.- Lehiaketa honetan odolkia barazkiz, hau da Gipuzkoako odolkia egiten duen Euskadiko edozein herritan lizentzia fiskala duen odolki egile txikizkari, txerri-harakin eta harakinek har dezake parte. Beti ere 2. puntuan zehazten dena erabat betetzen badu.
2.- Gipuzkoako Odolkia bakarrik honako osagai hauek dituena da: tipula, porrua, odola, txerri gantza eta dagokion espeziak. Eta, noski, dena heste naturala erabiliz.
3.- Izena emateko hil honen 24a (ostirala) baino lehen nahitaez deitu behar dute honako telefono zenbaki hauetako batera: 943.272128 edo 943.27 76 62 (Txerri-harakin eta harakinen gremioaren Donostiako egoitza). Bertan hartuko zaizkio parte hartu nahi duenari izen-abizenak eta helbidea.
4.- Parte hartzaile bakoitzak lehiaketa bezperan ZAZPI ODOLKI emango dizkie antolatzaileei. Harakinen gremioak mezularia bidaliko die parte hartzaileei odolkiak jasotzeko.
5.- Epaimahaiak dagokion dastaketa taula erabiliko du bere erabakia emateko.
6.- Epaimahaia sukaldaritza alorreko adituek osatuko dute.
7.- Irabazlea punturik gehien biltzen dituena izango da eta lehen saria ezin izango da hutsik geratu.
8.- Antolatzaileek sari hauek banatuko dituzte: Lehenengo saria, txapela , garaikura eta diploma. Eta bigarren eta hirugarren tokian sailkatzen direnek diploma eta garaikurra izango dute. Laugarren eta bosgarrenak diploma
9.- Lehiaketa 2017ko azaroaren 29an da, goizeko 10.30etan, Ordiziako plaza Nagusian.

AIAKO JOSE LUIS ODRIOZOLAK ERAMAN DU TXAPELA ORDIZIAN

Carrefour-ek eraman du gazta erdi txapelduna 8.200 euroren truke, Olaberriako Carrefourren 20. urteurrenean.

Bigarren saria Mausitxa, E.Z.k eman du eta hirugarrena Zeanuriko Ipiñabururen eskuetan gelditu da.

Artzaiek eginiko Ardi latxa gazta Lehiaketaren 44. Ekitaldiko gazta hoberena Aiarra da. Maiatzean eginiko gazta ketua. 2012an 4. Saria jaso zuten Ordizian eta 2017an iritsi zaie sari gorena. Bigarren sailkatua MAUSITXA, E.Z. (Elgoibar) izan da, hirugarrena IPIÑABURU E.T.C (Elgoibar), laugarrena HNOS. AUDICANA SAEZ DE BIKUÑA S.C. (Iruraiz-Gauna) eta bostgarrena ARANTZA SEGUROLA OIARZABAL (Legazpia). Enkantea Carrefour-ek eraman du 8.200 euro ordainduta.

'Sinistu ezinik eta salmentetan eragina izango duenaren esperantzan"

Jose Luis Odriozolak esan duenez, urduri eta sinistu ezinik harrapatu ditu sariak. Etorkizunean salmentetan eragina izatea espero dutela esan du. Gurasoei ere eskaini nahi izan diete saria. Gazta ketua eta suabea omen zen aurkeztutakoa arragusto puntu batekin.

Nahiz eta lehen orduan eguraldiak ez duen asko lagundu, giro jatorrean ospatu da gaur Ordiziako Euskal Jaietako aparteko azoka. Asteazkeneroko azokaz eta gazta lehiaketa entzutetsuz gain, fruitu eta barazki lehiaketa, perretxiko erakusketa, euskal oiloen lehiaketa eta Gipuzkoako Piriniar Arrazako Behi-Azienden lehiaketa ere izan dira Ordizian. Kalean jendearen joan etorria etengabekoa izan da, eta Goierriko produktu onenak bertatik bertara ikusi, erosi eta dastatzeko aukera izan dute feriara inguratu direnek. Asteazkeneroko azoka ere apain zegoen Plaza Nagusian.

Euskal Herriko XX. Txistor-Lehiaketa

Ordizia, PLAZA NAGUSIA, ABENDUAREN 20a- 10.30 h.

Gipuzkoako harakin eta urdaitegi-zaleen gremioak antolatuta, Euskal Herriko XX. Txistor-Lehiaketa egingo da Ordizian datorren asteazkenean, abenduak 20. Plaza Nagusian, Udaletxeko arkupetan izango da, 10.30etatik aurrera. Gremio horrek kontsumitzaileen arreta bertako ohiko hainbat produktuetara bideratu nahi du Santo Tomas jaiaren atarian, hala nola, txistorra. Usadio zaharraren arabera egiten den produktuetako bat da, eta hori, zalantzarik gabe, garantiaz eta kalitateaz hitz egitea da. Aurten 40 partehartzaileren kopurua gainditzea espero da, hauetatik 10 gutxienez Nafarrak izanik.

Adituek esaten dutenaren arabera, txistorra ona izateko honako ezaugarriei erreparatu behar zaie: neurria eta homogeneoa izatea, gustua, txikitua, giharra eta koipea erdibana, ontze-puntua, etab. Epaimahaikoek lehenik eta behin produktu freskoak duen itxurari begiratuko diote: betetzerakoan berdina izatea, eskuz lotutakoa izatea, hestea, lodiera, eta abar. Ondoren, gordinik dagoela, txistorra ebaki eta giharra eta koipearen proportzioari erreparatuko diote, baita haragiaren txikitzeari ere, eta, azkenik, zartaginean frijitu eta duen zaporea, usaina eta ahogozoa hartuko dituzte kontutan.

Hiru atal horietan lortutako puntuekin jakingo dugu zein izango den Euskal Herriko hogeigarren txapelketan garaile, eta hori egiaztatuko duen Txapela, garaikurra eta diploma jasoko ditu. Bigarren eta hirugarren sarituek garaikurra eta diploma jasoko dute eta Epaimahaiak, gainera, beste bi diploma emango ditu.
Epaimahaia ondorengoek osatuko dute : Joxean Eizmendi (Ilarra Jatetxea, Donostia), Eneko Azurmendi (Lazkaoetxe, Zaldibia), Jose Manuel Garmendia (Kattalin erretegia, Beasain), Iker Markinez (Kuko Jatetxea, Ormaiztegi), Matias Gorrotxategi (Julian, Tolosa), Imanol Gaztañaga (Zubibi Jatetxea, Ordizia); Benita eta Kontxita Mujika tabernari ohiak, Luis Mokoroa (Euskal Gastronomia Anaiartea).

Txapelketa-mota horiekin bertakoak diren produktuen aldeko arreta piztu nahi da, eta, aldi berean, kontsumitzaileek estimatzen duten kalitateko produktuak eginaraztea artisauei.

Txerri-hilketarekin lotzen da txistorra, eta oso erro sendoak ditu Euskal Herrian eta Gipuzkoan batez ere, San Tomas eguna txistorraren eta txerriaren inguruan ospatzen baita. Usadioko txerri-hilketan gizonezkoen lana zen txerria hiltzea eta emakumezkoena berriz, gainerakoa, esate baterako, odolkiak, lukainkak...egitea, horretarako giharra txikitu eta gatza, piperbeltza eta abar botatzen zioten. Txistorra egiteko txerri-haragia eta urdaia behar da, gatza, baratxuria eta piperrautsa. Hori dena, ardi edo arkume-hestean sartu eta egurasten uzten da egun batzutan.

Aurreko 15 edizioetako irabazleak:

2001 – Manuel Barandiaran (Ordizia)
2002 – Patxi Larrañaga (Lasarte)
2003 – Fernando Saralegui (Zumarraga)
2004 – Cristóbal González (Andoain)
2005 – Nicolas Lasa (Ordizia)
2006 – Etxekoa (Oiartzun)
2007 – Carnicería Sebastián (Altsasu)
2008 – Patxi Larrañaga (Lasarte)
2009 – Juan Jose Aldasoro (Altsasu)
2010 – Jose Luis Muñagorri (Tolosa)
2011 - Balentin Odriozola (Azpeitia)
2012 - Balentin Odriozola (Azpeitia)
2013 -Embutidos Etxekoak (Oiartzun)
2014 – Erauskin Harategia (Ataun)
2015 – Precocinados Guesalaga (Zarautz)

IPIÑABURU GAZTANDEGIKO JON ETXEBARRIA ETA PUY ARRIETAK IRABAZI DUTE "ORDIZIA TXAPELDUN" XXX. GAZTA LEHIAKETA

Gaur asteazkena, urriak 18, Ordizia Txapeldun gazta lehiaketaren XXX. ekitaldia ospatu da Ordiziako Plaza Nagusian. Aurtengoan Ipiñaburu Gaztandegiko Jon Etxebarria eta Puy Arrieta izan dirá irabazle.
Txapeldunen txapeldunaren XXX. ekitaldia
azken hamar urteetako (2008tik 2017ra) irabazleak lehiatu dira haien artean. Ekitaldia Ordiziako Idiazabal Gaztaren kofradiak eta Udalak antolatu dute, Idiazabal Jatorri Izendapenaren laguntzaz.
Honako gaztagileak aritu dira lehian gaurkoan: 2009ko irabazle Jesus Ansola Juaristi (Mausitxa baserria-Elgoibar); 2010eko irabazle J. Aranburu Elkartea (Idiazabal); 2008, 2011 eta 2013ko irabazle Ricardo Remiro Aguirre (Eulate), 2014ko irabazlea Ondarreko Karmele Murua (Segura), 2012 eta 2015ean irabazle izan den Jon Etxebarria (Zeanuri), 2016ko irabazlea izan zen Joseba Insausti (Ordizia) eta aurtengo irabazlea, Jose Luis Odriozola (Aia).
Ongorengoa izan da azken sailkapena:
1. Saria. Jon Etxebarria Ipiñaburu Gaztandegia (Zeanuri).
2. Saria. Jesus Ansola, Mausitxa gaztandegia (Elgoibar).
3. Saria. Ricardo Remiro. (Eulate)
Ondorengo diru-saria jaso dute: 300 euro irabazleak, 200 bigarrenak eta 100 hirugarrenak. Hamarretik zazpiko puntuazioa gainditu dutenez, urrezko, zilarrezko eta brontzezko dominak eskuratu dituzte lehen hiru sailkatuek.
Epaimahaia honakoek osatu dute: Jose Juan Castillo (Lehendakaria) Ramon Roteta (Euskal Sukaldaritza Berriaren sustatzailea) eta Roberto Ruiz (Fronton Jatetxea, Tolosa) sukaldariak, Marisol Vicente eta Alfredo Fernandez (Idiazabal Jatorri Izendapena), Felix Ibargutxi (Kazetaria) , eta Rosa Rojo, Urrup Antzerki taldeko zuzendaria bere XXV. Urteurrenean.

Lehiaketak. Irabazleen zerrendak

ARTZAINEK LATXA ETA KARRANTZANA ARDI-ESNEZ EGINDAKO XLIV. GAZTA-LEHIAKETA

1.-Saria . 1.550 euro Kutxa Trofeoa. 12.000 etiketa honako esaldi honekin: "ORDIZIAKO TXAPELDUNA 2017" eta ardiak larratzen diren mendiaren izena. Diploma.

Jose Luis Odriozola (Aia, Gipuzkoa)

2. Saria. 750 euro Ordiziako Udalaren saria eta diploma.

Mausitxa E.Z. (Elgoibar, Gipuzkoa)

3. Saria. 430 euro Ordiziako Udalaren saria eta diploma.

Ipiñaburu E.T.C. (Zeanuri, Bizkaia)

4. Saria. 210 euro eta Diploma.

Hnos. Audicana Saez de Bikuña (Iruraiz-Gauna, Araba)

5. Saria. 180 euro eta Diploma.

Arantza Segurola Oiarzabal (Legazpia, Gipuzkoa)

FRUITU ETA BARAZKI LEHIAKETA
FRUTAK:

1.- MADDI IRADI ZABALOENE BASERRIA (Hernani)
2.- RAMON ASEGINOLAZA KALBARIO BASERRIA (Idiazabal)
3.- KONTXI ZINKUNEGI MUINO BASERRIA (Donostia)
4.-ANTTONI MURGIONDO BEKOETXE BASERRIA (Gabiria)

BARAZKIAK:

1.- ARGIÑE RUBIO TXILLARRE (Elgoibar)
2.- KONTXI ZINKUNEGI MUINO BASERRIA (Donostia)
3.- ANTTONI MURGIONDO BEKOETXE BASERRIA (Gabiria )
4.- JOSE MARI GARMENDIA UNTZINDEGI BASERRIA (Lazkao)

KANPOKOAK
1.- ALEJANDRO ARRIETA XEMEIN (Bizkaia)
2.- SANTOS DUÑABEITIA BERRIZ (Bizkaia)

PERRETXIKU LEHIAKETA. AIPAMEN BEREZIA

1. MADDI IRADI. ZABALOENEA BASERRIA (Hernani)

EUSKO OILOAREN LEHIAKETA

- Lehen Saria. Beltza
Jon Urbieta (Markina Xemein)

- - Lehen Saria. Gallina Gorria
Edurne Etxart (Zaldibia)

- - Lehen Saria. Lepasoila
MIkel Albizuri. Abeletxe Baserria (Getaria)

- - Lehen Saria. Marraduna
Igor Garmendia (Zaldibia)

- - Lehen Saria. Zilarra
Maria Jesus Lejardi (Markina Xemein)

- - Lehen Saria . Lotea
Mikel Albizuri (Getaria)

- Bigarren saria . lotea
Igor Garmendia (Zaldibia)

- Lehen Saria Goierriko Loteari
Igor Garmendia (Zaldibia)

GANADU LEHIAKETA

1º/ 12-18 hilabete bitarteko bigantxak
1.saria: Zokolo Berri baserria (Zestoa)
2.saria: Urbizu Berri baserria (Idiazabal)

2º/ 18-24 hilabete bitarteko bigantxak
1.saria: Urkimendi baserria (Arrasate)
2.saria: Izar baserria (Zaldibia)

3º/ 2-3 urte bitarteko bigantxak
1.saria: Garagartza Gain baserria (Azpeitia)
2.saria: Saloña Aurrekoa baserria (Aretxabaleta)

4/ 3-5 urte bitarteko behiak
1.saria: Izar baserria (Zaldibia)
2.saria: Zubeldi-erdi baserria (Abaltzisketa)

5º/ 5-7 urte bitertako behiak
1.saria: Zokolo Berri baserria (Zestoa)
2.saria: Urbizu Berri baserria (Idiazabal)

6º/ 7-9 urte bitarteko behiak
1.saria: Zubeldi Erdi baserria (Abaltzisketa)
2.saria: Zokolo Berri baserria (Zestoa)

7º/ 9 urte baino gehiagoko behiak
1.saria: Urbizu Berri baserria (Idiazabal)

HAZITIK SORTUTAKO URRIXA ONENA ( ABEREKINGO SARIA )
URKIMENDI BASERIA.ARRASATE.

BURU DOTOREENA DUEN BEHIA ( HEBEKO SARIA )
IZAR BASERRIA. ZALDIBIA.

ASTEROKO AZOKAKO POSTU HOBERENEI AIPAMENAK

Montes etxea (Ibarra)
Patxi Arizmendi. Iturrioz Baserria. (Arama)
Edurne Jauregi . Irabiazpi Baserria. (Baliarrain)
Axun Etxeberria Usurburu Baserria. (Gaztelu)

ORDIZIA

GIPUZKOAKO XIX. ODOLKI TXAPELKETA

Beasaingo Olano Harategiak irabazi du aurtengoan Ordiziako asteazkeneko azokaren baitan ospatu den Gipuzkoako XIX. Odolki Lehiaketa. Sarituak izan dira baita ere Jesus Mª Deba (Ezkio-Itxaso) ; Patxi Larrañaga (Lasarte); Mujika Odolkiak (Ordizia), eta Izagirre Harategia (Lasarte). Gipuzkoa osotik etorritako 16 egile aurkeztu dira lehiaketara.

Aurreko urteetan bezala, Goierriko udalerriak babestu du Gipuzkoako Harakinen gremioak antolatutako txapelketa. Helburua artisau modura egiten den produktuaren sustapenean laguntzea da. Izan ere, odolkiak denboraldi honetan; hori da, azaroaren 11tik –San Martin- Gabonak bitarte du produkzio gehien.

Gipuzkoako odolkia barazkiekin egiten da eta ezaugarri berberak ditu lurralde osoan. Hestekiaren osagai nagusiak hauek dira: kipula, porrua, espeziak, gantza eta txerri haragia eta koipea. Hala eta guztiz ere, ez daude bi odolki berdinak, izan ere urdaigile bakoitzak etxean herentziaz jasotako "sekretuak erabil ditzake. Beste batzuek, modari erreparatzen diote eta euren bezeroen gustuetara moldatzen dute produktua. Horrela, odolkiaren azken zaporean zeresana dute aukeratutako espeziak, barazkiaren xehea edota erabilitako koipe kopuruak. Guzti hauekin aukera desberdinak sortu eta eskaintzen dira, produktu berezi honen azken emaitza aberastuz.

Gaur aukera izango dugu Azokan bertan odolkia nola egiten den ikusteko, Mutiloako Juanita Murgiondoren eskutik.
Epaimahaiak honako ezaugarriak hartu ditu aintzat: itxura (tripa eta hestea), egosketa (ebaketa), xehea, testura, zapore-gustua (espeziak) eta amaierarako gustua.Hiru mahaitan banatuta, honako adituek osatu dute epaimahaia: Jose Juan Castillo eta Ramon Roteta (Euskal Sukaldaritza Berriaren aintzindariak), Ane Otegi (Aramako Ostatua, Arama) ,Iker Markinez (kuko Jatetxea, Ormaiztegi), Eneko Azurmendi (Lazkaoetxe Jatetxea, Zaldibia), Juan Manuel Garmendia (Kattalin Erretegia, Beasain), Jose Manuel Olaziregi (Asador Castillo, Matias Gorrotxategi), Joxean Eizmendi (Ilarra Jatetxea, Donostia); eta Imanol Gaztañaga (Zubibi Jatetxea, Ordizia); Jose Antonio Mujika eta Juan Garmendia (Ordizia) harakin ohiak.
Kontakturako telefonoak:

Olano Harategia: 943 88 0778
Jesus Mª Deba: 943721710
Patxi Larrañaga: 943372668

TXAPELDUNEN TXAPELDUNA

Asteazken honetan, urriak 18, XXX. 'Ordizia Txapeldun' gazta lehiaketa ospatuko da asteazkeneroko azokaren altzoan, goizeko 11.00tan hasita. Bertan, Euskal Jaietako Ardi Latxaren esnearekin egindako gazta lehiaketaren azken hamar urteetako (2008tik 2017ra) irabazleak lehiatuko dira haien artean. Ekitaldia Ordiziako Idiazabal Gaztaren kofradiak eta Udalak antolatzen dute, Idiazabal Jatorri Izendapenaren laguntzaz.

Honako gaztagileak arituko dira lehian asteazkenean: 2009ko irabazle Jesus Ansola Juaristi (Mausitxa baserria-Elgoibar); 2010eko irabazle J. Aranburu Elkartea (Idiazabal); 2008, 2011 eta 2013ko irabazle Ricardo Remiro Aguirre (Eulate), 2014ko irabazlea Ondarreko Karmele Murua (Segura), 2012 eta 2015ean irabazle izan den Jon Etxebarria (Zeanuri), 2016ko irabazlea izan zen Joseba Insausti (Ordizia) eta aurtengo irabazlea, Jose Luis Odriozola (Aia).
Hiru gazta hoberenak diru-saria jasoko dute: 300 euro irabazleak, 200 bigarrenak eta 100 hirugarrenak. Hamarretik zazpiko puntuazioa gainditzen badute, urrezko, zilarrezko eta brontzezko dominak eskuratzeko aukera izango dute. Lehenengoak, Urrezko Gazta irabaziko luke zortzi puntu eta erdi baino gehiago lortuz gero.

Luxuzko Epaimahaia dugu oraingo honetan ere, Jose Juan Castillo lehendakari dutela ondorengo lagunek osatuko dutena: Ramon Roteta (Euskal Sukaldaritza Berriaren sustatzailea) eta Roberto Ruiz (Fronton Jatetxea, Tolosa) sukaldariak, Marisol Vicente eta Alfredo Fernandez (Idiazabal Jatorri Izendapena), Felix Ibargutxi (Kazetaria) , eta Rosa Rojo, Urrup Antzerki taldeko zuzendaria bere XXV. Urteurrenean.

Azokaz gozatzeaz gain, azokako produktuak erosteko deia nagusitu da.

Datorren asteazkenean, hilaren 6an, Ordiziako Euskal Jaietako azoka berezia ospatuko da. Aurreko urteetan bezala, egitaraua oparoa izango da; besteak beste latxa edo Karrantzako ardiaren esne gordinez egindako gazta-lehiaketa egingo da. Oraingo honetan ere, Ordiziako azokan giro aparta izango dugu, eta goiz osoan zehar era guztietako lehiaketak, erakusketak eta enkanteak ikusi ahal izango ditu bisitariak.

Horiek denak aurkeztu dituzte gaur Donostian Jose Miguel Santamaria alkatearekin batera, Xabier Arruti, Landa Garapen Zuzendariak; Bittor Oroz, Eusko Jaurlaritzako Nekazaritza, Arrantza eta Elikagaien Politikarako Sailburuordeak; Ramon Roteta, epaimahaiaren ordezkariak; Miriam Molina, Idiazabal Jatorri Izendapeneko gerenteak eta Mikel Insausti, Kutxa Fundazioko ordezkariak, Ordiziako Idiazabal Gaztaren Kofradiako kideekin batera.

Alkateak eta beste ordezkariek,  bertako eta garaiko produktuen balioa goraipatzeaz gain, gure azoketan produktua erostera animatu nahi izan dituzte azokara gerturatuko diren guztiak.

Programa deskargatu