Berriak

corte2017

IDIAZABAL BERRIA, LURRAREN BITXIA
Luis Irizar maisu sukaldariak moztuta hasi da Idiazabal Gaztaren denboraldi berria Ordizian
"Oso fina, lurraren bitxia' hitzekin eman du ezagutzera Luir Irizar sukaldarien maisuak Idiazabal Gazta berria Ordiziako udaletxeko batzar areto betean izan den ekitaldiarekin. Irizarrek gazta berria ebaki du. Ekitaldi berean Niko Osinaldek, Goierriko Goitur turismo agentziaren zuzendaritzan egin duen lan emankor eta luzeagatik omenaldia jaso du.
Artzain Egunaren baitan beste behin antolatu den jai honetan Idiazabal Jatorri izendapeneko erregulartasun sariak ere eman dira. 'Artzain ekoizlearen' saria Xanti Etxezarreta goierritarrak eraman du eta 'Gaztandegia' saria Luiz Vicente Larrarteren Lizun gaztandegiak jaso du, beste behin.
Omenduen artean emozioa nagusia eta bidelagun ugari, batzar aretoa txiki utziz. Eusko Jaurlaritzako, Gipuzkoako Foru Aldundiko eta beste erakundeetako ordezkariak, sukaldariak eta artzainak izan dira bertan. Hitza hartu dute Nekazaritza eta Landa garapeneko Bittor Oroz sailburuordeak; Isabel Muela, Merkataritza eta Turismo sailburuordeak; Denis Itxaso, Kultura, Turismo, Gaztedia eta Kiroletako foru diputatuak eta Xabier Arruti; José Miguel Santamaría Ordiziako alkateak eta Jose Mari Uztarroz Idiazabal jatorri izendapeneko presidenteak. Artzainen esfortzua eta artzaintzaren balioak aitortu eta eskertu dituzte, euren lanarekin erakundeen konpromisioa berretsiz.
Euskal sukaldaritzak Idiazabal gaztarekin lotura estua du eta ordezkariak bertan izan dira. Hala, Irizar maisuaren lankide, ikasle ohi eta lagunak hurbildu dira bere babesa emateko. Besteak beste, Pedro Subijana, Atxen Jimenez, Karlos Argiñano, José Juan Castillo, Ramón Roteta eta Josean Eizmendi.
Gazta eta gehiago
Hala ere, egunak ekitaldi nagusirako baino gehiagorako ere eman du. Lehenengoa, Artzainen omenez inauguratu den eskultura, Jakes etxeko horman, hau da, kasko historikoko sarbidetako batean. Javier Arrieta eskultore zagamarraren eta Urkiri Salaberria ondare doktorearen proiektua da.
Eta hamaiketan puntuan, tradizioak agintzen duen moduan, 2.000 ardik baino gehiagok Ordiziako kaleak zeharkatu dituzte, neguan, aspaldiko garaietan, egiten zen moduan.

Ahari erakus-lehiaketara gerturatu direnek Gipuzkoako puntu desberdinetatik etorritako ahari eta ardi buruak ikusteko aukera izan dute. Baita bildots erreak dastatzeko ere, ASPANOGI, Gipuzkoako minbizidun haurren gurasoen elkartearen alde. Horretarako ilara luzeak egin behar baziren ere.
Garagartza plazan bertan ile-mozketa erakustaldia eta ardi eta ahari erakusketa-lehiaketak egin dira.


AHARIEN LEHIAKETA-ORDIZIA 2017 -- ARTZAIN EGUNA
Emaitzak


ESNE KONTROLEKO AHARIEN TXAPELKETA
Mutur beltza
Arkumeak Olazagibel baserria (Idiazabal)
Bildotsak Olazagibel baserria (Idiazabal)
Zaharrak Aizpea (Olaberria)
Mutur Gorria
Arkumeak Galtzata (Oiartzun)
Bildotsak Galtzata (Oiartzun)
Zaharrak Gomiztegi kooperatiba (Oñati)
ERRAPE ERAKUSKETA-TXAPELKETA
Mutur Beltza
Errape onena arditan Aizpea baserria (Olaberria)
Errape onena bildotsetan Aizpea baserria (Olaberria)
Mutur Gorria
Errape onena arditan Gomiztegi kooperatiba (Oñati)
Errape onena bildotsetan Gomiztegi kooperatiba (Oñati)

AHARIEN XIX LEHIAKETA MORFOLOGIKOA- MUTUR BELTZA ETA MUTUR GORRIA
Mutur Gorria
Arkumeak (urte bat baino gazteagoak) 1º Julian Beloki (Beizama)¸2º Julián Beloki (Beizama)
Arkumeak (urte bat baino gazteagoak) 1º Miguel Amiano (Altzo), 2º Abel Segurola (Azpeitia)
Ahari zaharrak (bi urtetik gorakoak) 1º Julian Beloki (Beizama), 2 Julian Beloki (Beizama)
Mutur Beltza
Arkumeak (urte bat baino gazteagoak) 1º Jesus Ansola "Mausitxa" (Elgoibar)
Arkumeak (urte bat baino gazteagoak) 1º Jesus Ansola "Mausitxa" (Elgoibar)
Ahari zaharrak (bi urtetik gorakoak) 1º Jesus Ansola "Mausitxa" (Elgoibar)

 

gaztandegieieskertza2016web

 

2016 URTEAN NAZIOARTE MAILAN SARITUAK IZAN DIREN IDIAZABAL J.I. GAZTANDEGIEI AITORTZA EKITALDIA
Idiazabal gaztak nazioartean izan duen arrakastaren aurkezpena, beste urte batez, mundu mailako onenen artean.
Ordiziako Gabonetako Azoka Bereziaren baitan, Idiazabal Jatorri Izendapenak, ohore handiz ospatu du, Ordiziako IDIAZABAL GAZTAREN KOFRADIAREkin elkarlanean, 2016an Nazioarte mailan sarituak izan diren Idiazabal Jatorri Izendapeneko gaztandegien aitortza ekitaldia. Izaro Iraetak aurkeztu du ekitaldia, erakundeetako ordezkariak lagun zituela (Ordiziako Udala, Gipuzkoako Foru Aldundia, Eusko Jaurlaritza, Nafarroako Gobernua...) eta gaurko protagonistak izan diren gaztagile sarituak zoriondu nahi izan dituzten beste hainbat lagun.
Ekitaldia Goierriko Bertso Eskolako bertsolarien bina bertsorekin hasi da, ondoren Idiazabal Jatorri Izendapeneko Jose Mari Ustarrozek, gaztandegiei eskertza hitzak zuzendu dizkielarik, Jatorri Izendapena eta Idiazabal Gaztaren sustapenean egiten duten lanagatik.
Ondoren, Izaro Iraetak, banan banan saritu guztiak aurkeztu ditu, ospatu den azken Lehiaketatik hasiz:
Donostian azaroaren 16an ospatu zen World Cheese Awards, nazioarteko lehiaketa entzutetsuan lortutako diplomak emateko aukera izan da gaurkoa.
Hamargarren urtea da Idiazabal Jatorri Izendapeneko gaztandegiek WORLD CHEESE AWARDS lehiaketan parte hartzen dutela eta aurreko urteetako bezain emaitza bikainak ateratzen dituztela. Azpimarratzekoa da aurtengoan ere SUPER URREA bi sari bat eraman dutela eta horrelako errekonozimenduak artzaiak bere eguneroko lanean jarraitzera animatzen dituela.
Emaitza ezinhobea izan da aurtengoan 98 domina lortuz: Super Urrezko 2, Urrezko 17, zilarrezko 33, brontzezko 44 eta artisau gazta onenari beste 2.

Bestel lehiaketan hauetan ere sariak jaso dituzte: VIC-en ospatu den Lactium, Artisau Gazten IV. Lehiaketa, 2016 "Gourmet Quesos" lehiaketa,  eta Seu D´Urgell-en ospatutako Pirioniotako Artisau Gazten Lehiaketa.


Aipamen berezia merezi du Great Taste Awards 2016 lehiaketan Munduko 50 jaki hoberenen artean sartzea lortu duen Elgoibarko Mausitxa Gaztandegiak.

SARIEN ZERRENDA

 

 

 

txistorra2016

Euskal Herriko XIX. Txistor-Lehiaketa
Ordizia, PLAZA NAGUSIA, ABENDUAREN 14a- 10.30 h.

Gipuzkoako harakin eta urdaitegi-zaleen gremioak antolatuta, Euskal Herriko XIX. Txistor-Lehiaketa egingo da Ordizian datorren asteazkenean, abenduak 14. Plaza Nagusian, Udaletxeko arkupetan izango da, 10.30etatik aurrera. Gremio horrek kontsumitzaileen arreta bertako ohiko hainbat produktuetara bideratu nahi du Santo Tomas jaiaren atarian, hala nola, txistorra. Usadio zaharraren arabera egiten den produktuetako bat da, eta hori, zalantzarik gabe, garantiaz eta kalitateaz hitz egitea da. Aurten 40 partehartzaileren kopurua gainditzea espero da, hauetatik 10 gutxienez Nafarrak izanik.

Adituek esaten dutenaren arabera, txistorra ona izateko honako ezaugarriei erreparatu behar zaie: neurria eta homogeneoa izatea, gustua, txikitua, giharra eta koipea erdibana, ontze-puntua, etab. Epaimahaikoek lehenik eta behin produktu freskoak duen itxurari begiratuko diote: betetzerakoan berdina izatea, eskuz lotutakoa izatea, hestea, lodiera, eta abar. Ondoren, gordinik dagoela, txistorra ebaki eta giharra eta koipearen proportzioari erreparatuko diote, baita haragiaren txikitzeari ere, eta, azkenik, zartaginean frijitu eta duen zaporea, usaina eta ahogozoa hartuko dituzte kontutan.

Hiru atal horietan lortutako puntuekin jakingo dugu zein izango den Euskadiko hemeretzigarren txapelketan garaile, eta hori egiaztatuko duen Txapela, garaikurra eta diploma jasoko ditu. Bigarren eta hirugarren sarituek garaikurra eta diploma jasoko dute eta Epaimahaiak, gainera, beste bi diploma emango ditu.
Epaimahaia ondorengoek osatuko dute : Jose Juan Castillo, Aizpea Oihaneder (Xarma jatetxea, Donostia), Dani Lopez (Kokotxa jatetxea, Donostia)Joxean Eizmendi (Ilarra Jatetxea, Donostia), Eneko Azurmendi (Lazkaoetxe, Zaldibia), Jose Manuel Garmendia (Kattalin erretegia, Beasain), Iker Markinez (Kuko Jatetxea, Ormaiztegi), Matias Gorrotxategi (Julian, Tolosa), Imanol Gaztañaga (Zubibi Jatetxea, Ordizia); Benita eta Kontxita Mujika tabernari ohiak, Luis Mokoroa (Euskal Gastronomia Anaiartea).

 

Txapelketa-mota horiekin bertakoak diren produktuen aldeko arreta piztu nahi da, eta, aldi berean, kontsumitzaileek estimatzen duten kalitateko produktuak eginaraztea artisauei.

Txerri-hilketarekin lotzen da txistorra, eta oso erro sendoak ditu Euskal Herrian eta Gipuzkoan batez ere, San Tomas eguna txistorraren eta txerriaren inguruan ospatzen baita. Usadioko txerri-hilketan gizonezkoen lana zen txerria hiltzea eta emakumezkoena berriz, gainerakoa, esate baterako, odolkiak, lukainkak...egitea, horretarako giharra txikitu eta gatza, piperbeltza eta abar botatzen zioten. Txistorra egiteko txerri-haragia eta urdaia behar da, gatza, baratxuria eta piperrautsa. Hori dena, ardi edo arkume-hestean sartu eta egurasten uzten da egun batzutan.

Aurreko 15 edizioetako irabazleak:

2001 – Manuel Barandiaran (Ordizia)
2002 – Patxi Larrañaga (Lasarte)
2003 – Fernando Saralegui (Zumarraga)
2004 – Cristóbal González (Andoain)
2005 – Nicolas Lasa (Ordizia)
2006 – Etxekoa (Oiartzun)
2007 – Carnicería Sebastián (Altsasu)
2008 – Patxi Larrañaga (Lasarte)
2009 – Juan Jose Aldasoro (Altsasu)
2010 – Jose Luis Muñagorri (Tolosa)
2011 - Balentin Odriozola (Azpeitia)
2012 - Balentin Odriozola (Azpeitia)
2013 -Embutidos Etxekoak (Oiartzun)
2014 – Erauskin Harategia (Ataun)
2015 – Precocinados Guesalaga (Zarautz)

 

artzaineguna2017

 

Apirilaren 19an Artzain Eguna ospatuko du Ordiziak


• 2.000 ardik baino gehiagok zeharkatuko dute herria
• Luis Irizar sukaldariak moztuko du gazta eta Niko Osinalde, Goiturreko zuzendaria omenduko da.
• 2016 urteko Erregulartasun-kalitate sariak Txoko Gaztarekin Xanti Etxezarretak (Olaberria, Gipuzkoa) eta Luis Vicente Larrarteren Lizun Gaztandegiak (Sunbilla, Nafarroa) jasoko dituzte.
• Artzainen omenez egindako figuraren aurkezpen ekitaldia ospatuko da Jakes Etxean.

Ordizian 2017ko azoka berezien egutegiari hasiera emango dion Artzain Eguna ospatuko da apirilaren 19an Ordizian. Artzainak eta gazta dira protagonista goiz horretan. Besteak beste, Idiazabal gaztaren denboraldi berriaren aurkezpen ofiziala egingo da, Luis Irizar, Euskal Sukaldaritza berriaren sustatzaileen ordezkariaren eskutik.

Ordiziako Udalak honako erakunde hauekin batera antolatu du azoka: ELE Latxa-ardiaren Gipuzkoako Elkartea, Lurgintza, Idiazabal Gaztaren Jatorri Izendapena, eta Ordiziako Idiazabal Gaztaren Kofradia.

 

Goizean goiz ekingo zaio egunari, Plaza Nagusian eta inguruetan egingo den asteroko azoka izango da protagonista. Horrez gain, gazta, Goierriko produktu eta Gipuzkoako artisauen saltokiak jarriko dira.

Aharien erakusketa-lehiaketa


Aurten, Garagartza plazan, 9:00etan hasita, latxa arrazako 50 bat artzainen aharien erakusketa-lehiaketa eta salmenta egingo da. Bertan, 200 abelburu inguru izango dira ikusgai, zalantzarik gabe, Euskal Herriko erakusleiho garrantzitsuena gai horren inguruan, kalitate eta kopuruz Euskal Herriko bakarra.
Bi motako animaliak izango dira lehiaketa-erakusketa horretan: latxa mutur-gorriak eta latxa mutur-beltzak.
Mutur-gorrien kasuan Aralar, Ernio, Izarraitz, Gabiria, Azpeitia edo Donostialdeko animaliak izango dira ikusgai. Mutur-beltzetan, berriz, Urbia, Elgoibar, Legazpi, Ordizia, Zerain eta Oñati ingurukoak.

Latxaren lehiaketa morfologikoa izango da. Baina, animali horien arraza estandarrean oinarrituko dira epaileak ardi latxaren hautapen-eskeman sartu gabeko animaliak puntuatzean. Era berean, hautapen-eskemako animalietan, genealogia-balioak izango du lehentasuna (gurasoak, kumeak), morfologiaren gainetik.

Garagartza Plazan gazta egingo da zuzenean haurren gozamenerako, nagusiki. Baina oso erakargarriak diren beste ekintzak ere izango dira. Esaterako, mamia dastatzea eta eguerdi partean ardien ile-mozketa, makinaz zein eskuz.

Artzaiaren omenez egindako figuraren aurkezpena

10.30tan eta artaldeen zeharkaldiaren aurretik, Jakes Etxean, artzainaren omenez, Ordiziako udalak jarriko duen figuraren aurkezpen ekitaldia ospatuko da. Javier Arrieta eskultore zegamarrak landu du harrizko figura hau.

Transhumantzia birgogoratuz


Goizeko 11.00ak aldera, garai batean artaldeak negua bukatzen zenean mendira joateko herri barrutik igarotzen ziren bezala, Ordiziako Herri Zaharretik barrena ibiliko dira 2.000 ardi baino gehiago. Modu honetan antzinatik egin izan den eta denbora berriek zailtzen duten menditik haranerako eta alderantzizko desplazamendua gogoratuz, askok oinez eta errepidetatik egin behar izaten dutena.
Eta artzain gehienak kamioiez Aralar edo Aizkorriko magaletara garraiatzen dituzten arren, badaude oraindik antzinako usadioa mantentzen dutenak, ordutegi zehatz eta ez ohikoetan beraien bidaia osatuz. Maiatzaren lehenengotik aurrera egin ahal izango dute mendiko larreetara buelta.

Luis Irizar eta Niko Osinalde, Goiturreko zuzendaria


11:15etan, Ordiziako Udaletxeko Batzar aretoan, Luis Irizar, Euskal Sukaldaritza Berriaren sustatzaileen ordezkaritzan gazta gaztea ebakiko du. Baina, aldez aurretik, Niko Osinalde, Goiturreko zuzendariari omenaldia egingo zaio , Euskal Herrian naiz Euskal Herritik kanpo Idiazabal Gaztaren difusioan egindako lanagatik. Baita, gaztaren

erregulartasun-kalitate sariak banatuko zaizkie Olaberriako Xanti Etxezarreta artzainari eta Sunbillako (Nafarroa) Luis Vicente Larrarteren Lizun gaztandegiari ere.

Ohitura den moduan, goiz guztian zehar Garagartza Plazan 40 Euskolabel arkume burruntzian prestatuko ditu Karlos Ibarrondok. 11.30etatik aurrera arkume pintxoak salgai jarriko dira eta bildutako dirua ASPANOGIrentzat, Gipuzkoako Haur Minbizidunen Gurasoen Elkartearentzat, izango da.

Bisitariek Idiazabal Pakete Gastronomikoaz gozatzeko aukera izango dute, non herriko bost jatetxek "Idiazabal Menu" paregabe bat gehi D´elikatuz Elikadura eta Gastronomia Zentrorako sarrera bat eskainiko duten, guztia 23 eurotan.

EGITARAUA


9:00- Ahari eta ardien erakusketa-lehiaketa Garagartza plazan.
Eusko Labela duten esne bildotsak burruntzi eran erreketa Garagartza Plazan.
10:30- Artzainaren omenez egindako figuraren aurkezpena Jakes Etxean
11:00- Artaldeak igaroko dira gune Historikoan barrena.
11:15- Idiazabal gaztaren denboraldi berriaren aurkezpen ofiziala, Udaletxeko Batzar aretoan. Luis Irizar sukaldariak, Euskal Sukaldaritza Berriaren sustatzaileen ordezkaritzan ebakiko du gazta berria.
Aldez aurretik, Niko Osinalde, Goiturreko zuzendaria omenduko da, eta gazta kalitatearen eta erregulartasunaren sariak emango dira.
11:30- Gazta egitea eta mamia dastatzea Garagartza plazan.
11:30- Eusko Labela duten burruntzian erretako esne bildotsen dastatzea, Garagartza plazan, ASPANOGIren, Gipuzkoako Haur Minbizidunen Gurasoen Elkartearen, alde.
12:15- Ile-mozte erakustaldia, Garagartza Plazan.
17:00- Familientzat Idiazabal Gazta dastatzea gidatua D´elikatuz zentroan. Izen-ematea Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. / 943882290.


***Goizean asteroko ohiko feria egingo da, gazta-salmentarako eta Goierriko artisautza produktuen saltokiak ere jarriko dira. Trikitilariek eta dultzaina-joleek alaituko dute herria.

 

 

eguberritakoazoka2016

ORDIZIA
2016ko EGUBERRITAKO AZOKA BEREZIA
Abenduaren 28an, asteazkena.

Datorren asteazkenean, abenduaren 28an, Eguberrietako aparteko azoka izango da Ordizian. Hau da, urtean zehar Ordiziako Udalak antolatzen dituen azoka berezietan azkena; azoka berezi hau bikaina eta salerosketan mugimendu dezentekoa izango delakoan gaude, mahaiaren inguruan ospatzen ditugun jaietarako despentsa bete ahal izateko.

Bertako produktuak atsegin dituztenentzat, Ordizia osoa bihurtuko da orain ere azokaleku, erosle eta saltzaileen arteko elkargune. Hori guztia dela eta, Ordiziako Udalak, beste hainbat erakundeekin elkarlanean, erakusketak, lehiaketak eta ekintza ugari prestatu ditu goiz ederra igaro ahal izateko, eta jai giroan murgiltzeko. Jai giroari dagokionez, trikitilariak eta dultzaineroak ibiliko dira kalerik kale, txoko guztiak animatzeko.

Goizeko lehen ordutik aurrera, Beti Alai pilotalekuan kapoi, antzar eta indioilar erakusketa izango da. Eta horien ondoan ez da faltako pottoka eta txahalik.

Plaza Nagusian asteroko azoka izango da. Garagartza Plazan berriz, Euskal Herriko errege-sagar lehiaketa-erakusketa izango da; baita bertako fruitu lehorren eta bestelako frutaren lehiaketa-erakusketa ere. Gargartza Plazan ere txerri erakusketa izango da, Bidaniako Pedro Urdapilletak ekarritako euskal txerriekin..

Ordiziako aparteko azoka zabal horretan eskuz landutako produktuek ere, bere lekua izango dute Garagartza Plazan eta ingurumarian: foie-grasa, eztia, gazta, ogia, goxokiak,... Hori horrela, azoka osatuagoa izango dugu gabon jai hauei begira: Plaza Nagusian baserritarrek produkturik onenak eskainiko dituzte eta Garagartza Plazan eta beste kaleetan eskuz landutako gainerako produktuak.

Honetaz gain, joan den urtean bezela eta aparteko azoka honen babesean, Idiazabal Gazta Jatorrizko Deiturak, Ordiziako Udala eta Idiazabal Gaztaren Kofradiarekin elkarlanean, ohore handiz, 2016 urtean zehar nazioarte mailan sariak irabazi dituzten gaztandegiei Esker Oneko Ekitaldia antolatu du. Saritutako gure gaztagileak Ordizian izango dira datorren asteazkenean, Udaletxe azpiko arkupean goizeko 11.00tan ospatuko den ekitaldian. Aurtengoan gainera, Plaza Nagusian Ordiziako Oiangu Baserria jatetxeko sukaldariak izango ditugu "Ordiziako Azoka" pintxo menua Idiazabal eran prestatzen inguratzen direnei banatzeko eta Zeraingo Oiharte Sagardotegiko "Ama" sagardo apardunarekin lagunduta dastatu ahal izango dira pintxo hauek.

TXU-TXU TREN TURISTIKOA

Eguberritako kanpainaren barruan abenduaren 28, 29 eta 30ean Ordiziako kaleetan txu-txu tren turistikoa ibiliko da. Dudarik gabe txikientzat aukera erakargarria baita heldu eta famili guztientzat ere.

Txu-txu tren turistikoak 72 lagunentzat edukia du eta abenduaren 28ko goizaren zehar eta eguberritako azoka bereziarentzat zerbitzua emanez, auzo eta aparkaleku guneetatik joan etorri zerbitzua emango du.
Abenduaren 28ko arratsaldea eta 29 baita 30ean beste ibilbide batzuk eskainiko ditu, hauen barne Ordiziatik ibilbide turistikoa eskainiko delarik gia zerbitzua barne Ordiziako D´elikatuz zentroaren eskutik (Turismo bulegoa).
Trenaren ordutegia goizeko 10:30tik 13:30ra eta 16:30tik 20:00ra izango da eta ibilbide turistikoaren ordutegia 12:00ak eta 17:00ak, kasu honetan Plaza Nagusia, Udaletxea, Andres Urdanetaren eskultura, Barrena Jauregia, Zabale Baserria, Andre Maria jasokundearen eliza, Zabala Jauregia eta D´elikatuz zentro izango delarik ibilbidea, guzti hauen inguruan dagokion informazioa jasoz D´elikatuz zentroko pertsona baten laguntzari esker.

 

"ORDIZIAKO TRENERA IGO ZAITEZ" KANPAINA

Turismo eta merkataritzako elkarlanetik datorren aukera hau eta Trena Ordiziara datorrela ikusirik, D´elikatuz zentroan baita Txu-txu trenean ere Ordiziako informazioa duen diptiko bat jasotzeko aukera izango dute bisitariek. Diptiko honetan Ordiziak eskualdeko eta kostaldeko beste herriengan duen gertutasuna azaldu nahi da, Ordizia bisitatu eta bertako aisia, turismoa eta erosketa aukera gozatzera gonbidatuz. Batez ere, asteazkenero ospatzen den azokara, ospatzen diren azoka berezietara eta kasu honetan Eguberritako kanpainara gonbidatuz.
Diptikoa jasotzen duten bisitari edo herritarrek, Ordiziako saltokietan erosketa bat egin eta diptikoan honetara zuzendua dagoen tartean zigilua jarriz, beraien datuekin D´elikatuz zentroan diptikoa aurkeztu eta Goierriko produktuen sorta baten zozketan parte hartzeko aukera izango dute.

Jai goiza osatzeko eta giroa alaitzeko, trikitilariak eta dultzaineroak ibiliko dira Ordiziako kaleetan.

Zalantzarik gabe, goiz eder eta atsegina pasatzeko aukera bikaina izango du Eguberrietako azoka berezi honetara, asteazkenean, hilak 28, Ordiziara etortzen denak.

Era horretan, Gipuzkoako abenduko azoka egutegia osaturik geldituko da: Zumarraga-Urretxuko Santa Luziarekin hasi, Tolosakoarekin jarraitu, Donostiako, zein Arrasateko
Santo Tomas azoken ondoren Ordiziako Eguberrietako azoka berezia eta Elgoibarko Gabon zaharretako azoka bereziarekin urtea amaitzeko.

 

gipuzkoaodolki2016web

ORDIZIA

GIPUZKOAKO XVIII. ODOLKI TXAPELKETA

Beasaingo Iñaki Mujika Harategiak irabazi du aurtengoan Ordiziako asteazkeneko azokaren baitan ospatu den Gipuzkoako XVIII. Odolki Lehiaketa. Sarituak izan dira baita ere Jesus Mª Deba (Ezkio-Itxaso) ; Iñaki Ormazabal (Beasain); Ezeiza Harategia (Ordizia), eta Mujika Odolkiak (Ordizia). Gipuzkoa osotik etorritako 17 egile aurkeztu dira lehiaketara, hauetatik 3 Beasaindik, 2 Arrasate eta Ordiziatik eta bat Aia, Asteasu,Ataun, Ezkio, Lasarte, Mutriku, Orio,Tolosa, Zaldibia eta Zegamatik.

Aurreko urteetan bezala, Goierriko udalerriak babestu du Gipuzkoako Harakinen gremioak antolatutako txapelketa. Helburua artisau modura egiten den produktuaren sustapenean laguntzea da. Izan ere, odolkiak denboraldi honetan; hori da, azaroaren 11tik –San Martin- Gabonak bitarte du produkzio gehien.

Gipuzkoako odolkia barazkiekin egiten da eta ezaugarri berberak ditu lurralde osoan. Hestekiaren osagai nagusiak hauek dira: kipula, porrua, espeziak, gantza eta txerri haragia eta koipea. Hala eta guztiz ere, ez daude bi odolki berdinak, izan ere urdaigile bakoitzak etxean herentziaz jasotako "sekretuak erabil ditzake. Beste batzuek, modari erreparatzen diote eta euren bezeroen gustuetara moldatzen dute produktua. Horrela, odolkiaren azken zaporean zeresana dute aukeratutako espeziak, barazkiaren xehea edota erabilitako koipe kopuruak. Guzti hauekin aukera desberdinak sortu eta eskaintzen dira, produktu berezi honen azken emaitza aberastuz.

Gaur aukera izango dugu Azokan bertan odolkia nola egiten den ikusteko, Mutiloako Juanita Murgiondo, Resu Olaetxea eta Juanita Aranbururen eskutik.
Epaimahaiak honako ezaugarriak hartu ditu aintzat: itxura (tripa eta hestea), egosketa (ebaketa), xehea, testura, zapore-gustua (espeziak) eta amaierarako gustua.Hiru mahaitan banatuta, honako adituek osatu dute epaimahaia: Joxean Eizmendi (Ilarra Jatetxea, Donostia), Aizpea Oihaneder (Xarma Jatetxea, Donostia), Ramon Bereziartua (Fagollaga jatetxea, Hernani) Matias Gorrotxategi (Casa Julian, Tolosa), Juan Manuel Garmendia (Asador Kattalin, Beasain); eta Imanol Gaztañaga (Zubibi Jatetxea, Ordizia) sukaldariek; Juan Garmendia harakin ohiak (Ordizia), Benita eta Kontxi Mujika tabernari ohiak eta Luis Mocoroa (Gastronomiaren Euskal Anaiarteko Lehendakaria).

Kontakturako telefonoak:
Iñaki Zubeldia: 943 882747
Jesus Mª Deba: 943721710
Iñaki Ormazabal: 943880196

 

gaztandegieieskertza2016web

 

2016 URTEAN NAZIOARTE MAILAN SARITUAK IZAN DIREN IDIAZABAL J.I. GAZTANDEGIEI AITORTZA EKITALDIA
Idiazabal gaztak nazioartean izan duen arrakastaren aurkezpena, beste urte batez, mundu mailako onenen artean.
Ordiziako Gabonetako Azoka Bereziaren baitan, Idiazabal Jatorri Izendapenak, ohore handiz ospatu du, Ordiziako IDIAZABAL GAZTAREN KOFRADIAREkin elkarlanean, 2016an Nazioarte mailan sarituak izan diren Idiazabal Jatorri Izendapeneko gaztandegien aitortza ekitaldia. Izaro Iraetak aurkeztu du ekitaldia, erakundeetako ordezkariak lagun zituela (Ordiziako Udala, Gipuzkoako Foru Aldundia, Eusko Jaurlaritza, Nafarroako Gobernua...) eta gaurko protagonistak izan diren gaztagile sarituak zoriondu nahi izan dituzten beste hainbat lagun.
Ekitaldia Goierriko Bertso Eskolako bertsolarien bina bertsorekin hasi da, ondoren Idiazabal Jatorri Izendapeneko Jose Mari Ustarrozek, gaztandegiei eskertza hitzak zuzendu dizkielarik, Jatorri Izendapena eta Idiazabal Gaztaren sustapenean egiten duten lanagatik.
Ondoren, Izaro Iraetak, banan banan saritu guztiak aurkeztu ditu, ospatu den azken Lehiaketatik hasiz:
Donostian azaroaren 16an ospatu zen World Cheese Awards, nazioarteko lehiaketa entzutetsuan lortutako diplomak emateko aukera izan da gaurkoa.
Hamargarren urtea da Idiazabal Jatorri Izendapeneko gaztandegiek WORLD CHEESE AWARDS lehiaketan parte hartzen dutela eta aurreko urteetako bezain emaitza bikainak ateratzen dituztela. Azpimarratzekoa da aurtengoan ere SUPER URREA bi sari bat eraman dutela eta horrelako errekonozimenduak artzaiak bere eguneroko lanean jarraitzera animatzen dituela.
Emaitza ezinhobea izan da aurtengoan 98 domina lortuz: Super Urrezko 2, Urrezko 17, zilarrezko 33, brontzezko 44 eta artisau gazta onenari beste 2.

Bestel lehiaketan hauetan ere sariak jaso dituzte: VIC-en ospatu den Lactium, Artisau Gazten IV. Lehiaketa, 2016 "Gourmet Quesos" lehiaketa,  eta Seu D´Urgell-en ospatutako Pirioniotako Artisau Gazten Lehiaketa.


Aipamen berezia merezi du Great Taste Awards 2016 lehiaketan Munduko 50 jaki hoberenen artean sartzea lortu duen Elgoibarko Mausitxa Gaztandegiak.

SARIEN ZERRENDA

 

 

 

txistorrasariak2016

 

EUSKAL HERRIKO TXISTORRA HOBERENA, AIAKOA. TXARRI TXIKI HARATEGIA IRABAZLE GAURKOAN
Aiako Txarri Txiki izan da Ordizian irabazle gaur, abenduak 14, ospatu den Euskal Herriko XIX. Txistorra lehiaketan. Txapeldunak Txapela garaikurra eta diploma jaso ditu eta, garaikurra eta diploma bana jaso dituzte Beasaingo Olano Harategiak (2garrena) eta Lasarteko Patxi Larrañagak (3garrena). Bestalde, Orioko kepa Loidi (4garrena) eta Zumarragako Ametsa harategiak (5garrena) diploma bana jaso dute. Guztira 47 ekoizlek aurkeztu dituzte haien hestekiak.
Epaimahaikoek txistorraren itxurari, osagaiei eta zaporeari erreparatu diete produktu hoberena aukeratzerakoan eta orokorrean izan den maila ona nabarmendu dute. Epaimahaia ondorengoek osatu dute: Jose Juan Castillo, Aizpea Oihaneder (Xarma jatetxea, Donostia), Dani Lopez (Kokotxa jatetxea, Donostia)Joxean Eizmendi (Ilarra Jatetxea, Donostia), Eneko Azurmendi (Lazkaoetxe, Zaldibia), Jose Manuel Garmendia (Kattalin erretegia, Beasain), Ramon Bereziartua (Fagollaga, Hernani),Matias Gorrotxategi (Julian, Tolosa), Imanol Gaztañaga (Zubibi Jatetxea, Ordizia); Josea Antonio Mujika eta Juan Manuel Garmendia harakin ohiak, Kontxita Mujika tabernari ohiak, eta Luis Mokoroa (Euskal Gastronomia Anaiartea).

Gipuzkoako Harakinen elkarteak eta Ordiziako Udalak antolatu dute lehiaketa.
Informazioa:
Txarri Txiki – Aia 600587042
Olano Harategia – Beasain 943880778
Patxi Larrañaga – Lasarte 696915152
Kepa Loidi –Orio 616749324
Ametsa Harategia – Zumarraga 665703640

 

odolki2016web

 

ASTEAZKENA , Azaroak 30, PLAZA NAGUSIA 10.30etan
GIPUZKOAKO XVIII. ODOLKI LEHIAKETA

Gipuzkoako odolki egile eta harakinek hitzordua dute asteazken honetan, azaroaren 30ean, Ordizian. Txerri-harakin eta, oro har, harakinen gremioak Ordiziako Udalarekin batera Gipuzkoako XVIII. Odolki lehiaketa antolatu baitute. Irabazleak txapela, garaikurra eta diploma jasoko du, eta bigarren eta hirugarren tokian sailkatzen direnei diploma eta garaikurra bana emango zaie; laugarren eta bosgarren sailkatuei diploma.

Odolki onena zein den erabakiko duen epaimahaia gastronomia arloko adituez osatuko da. Aurtengoan, Ordizian izango dira: sukaldarien ordezkari, Aizpea Oihaneder (Xarma jatetxea, Donostia) Joxean Eizmendi (Ilarra Jatetxea, Donostia); Xabier Gorrotxategi (Casa Julian, Tolosa), Ramon Bereziartua (Fagollaga jatetxea, Hernani) eta Imanol Gaztañaga (Zubibi Jatetxea, Ordizia); eta Jose Antonio Mujika eta Juan Garmendia harakin ohiak (Ordizia), beste batzuren artean.

Odolkia dastatzerakoan, azken batean, txiki-txiki eginda doazen osagaien artean oreka behar du: osagaien tamaina, zenbat gantz, tipula edo odol nahasketa duen. Barazkiek berdin samar txikituta egon behar dute.

Lehiaketa honen bitartez, betiko produktu honen kontsumoa bultzatu eta zabaldu nahi da. Halaber, kontsumitzaileari aukeran zer nolako produktua duen erreferentzia argi bat eman nahi zaio, baita gipuzkoar odolkiaren kalitatea zein den jakiteko parametro zehatzak eskaini ere
Honez gain, Ordiziako Azokaren 12 produktu 12 hilabete ekimenaren baitan odolkiaren ekoizpen prozesua Plaza Nagusian ikusteko aukera egongo da Juanita Murgiondo baserritarraren eskutik.

Gipuzkoako XVIII. Odolki lehiaketa
- OINARRIAK -
1.- Lehiaketa honetan odolkia barazkiz, hau da Gipuzkoako odolkia egiten duen Euskadiko edozein herritan lizentzia fiskala duen odolki egile txikizkari, txerri-harakin eta harakinek har dezake parte. Beti ere 2. puntuan zehazten dena erabat betetzen badu.
2.- Gipuzkoako Odolkia bakarrik honako osagai hauek dituena da: tipula, porrua, odola, txerri gantza eta dagokion espeziak. Eta, noski, dena heste naturala erabiliz.
3.- Izena emateko hil honen 24a (osteguna) baino lehen nahitaez deitu behar dute honako telefono zenbaki hauetako batera: 943.272128 edo 943.27 76 62 (Txerri-harakin eta harakinen gremioaren Donostiako egoitza). Bertan hartuko zaizkio parte hartu nahi duenari izen-abizenak eta helbidea.
4.- Parte hartzaile bakoitzak lehiaketa bezperan ZAZPI ODOLKI emango dizkie antolatzaileei. Harakinen gremioak mezularia bidaliko die parte hartzaileei odolkiak jasotzeko.
5.- Epaimahaiak dagokion dastaketa taula erabiliko du bere erabakia emateko.
6.- Epaimahaia sukaldaritza alorreko adituek osatuko dute.
7.- Irabazlea punturik gehien biltzen dituena izango da eta lehen saria ezin izango da hutsik geratu.
8.- Antolatzaileek sari hauek banatuko dituzte: Lehenengo saria, txapela , garaikura eta diploma. Eta bigarren eta hirugarren tokian sailkatzen direnek diploma eta garaikurra izango dute. Laugarren eta bosgarrenak diploma
9.- Lehiaketa 2016ko azaroaren 30ean da, goizeko 10.30etan, Ordiziako plaza Nagusian.

 

Orrialdea 5/19