Berriak

corte2016web

 

"Hau Gazta Ona! " esanez moztu du Roberto Ruizek
" Euskal Herriko Jatetxe guztietan egon beharko luken produktua ", Roberto Ruiz, Tolosako Fronton jatetxeko sukaldariak pleno aretoan egindako gazta mozketa ekitaldian esan bezala. Idiazabal gazta gaztearen ale bat zatikatu du Robertok eta horrela gazta denboraldi berria zabaldu du.
Ekitaldi bertan, Aranzadi Taldea ere omendu dute Euskal Herrian naiz Euskal Herritik kanpo artzantza kulturaren ikerketa eta difusioan egindako lanagatik.
Artzain egunaren babesean erregulartasun-kalitate sariak eman zaizkie Abadiñoko Itxaso Barrenetxea artzaiari eta Nafarroako Sunbillako Lizun gaztandegiari.

 

 

 

 

 

 

 

 

Ekitaldi nagusian egon dira:
Ainhoa Aizpuru, Gipuzkoako Foru Aldundiko, Ekonomia Sustapeneko, Landa inguruneko eta Lurralde Orekako Diputatua.
Leandro Azkue, Eusko Jaurlaritzako Arrantza Zuzendaria.
Jose Migel Santamaria, Ordiziako Alkatea.
Koldobike Olabide eta Mikel Serrano, Legazpi eta Zumarragako alkateak.
Jose Mari Ustarroz Idiazabal Gaztaren jatorri izendapeneko Lehendakaria.
Roberto Ruiz, Tolosako Fronton Jatetxeko sukaldaria eta gazta moztu duena.
Itxaso Barrenetxea (Abadiño, Bizkaia) eta Lizun Gaztandegia (Sunbilla, Nafarroa), erregulartasun-kalitate gaztagile sarituak.
Joseba Insausti artzaia, gaur Ordiziako Udalaren eta Idiazabal Gaztaren Kofradiaren aitortza jaso duena.
Pako Etxeberria, Txema Faus eta Fermin Leizaola, Aranzadi Zientzia Elkarteko Lehendakari eta ordezkariak.
Xabier Martinez Sukaldaria.
Karmele Murua, Felix Goiburu, Jesus Ansola (Mausitxa), Nicolas Remiro eta Juanjo Aranburu artzainak.
Ordiziako Idiazabal Gaztaren kofradiako kofradeak

Ordizia jendez gainezka


Hala ere, egunak ekitaldi nagusirako baino gehiagorako ere eman du. Ahari erakus-lehiaketara gerturatu direnek Gipuzkoako puntu desberdinetatik etorritako ahari eta ardi buruak ikusteko aukera izan dute. Baita bildots erreak dastatzeko ere. Horretarako ilara luzeak egin behar baziren ere.
Eta hamaiketan puntuan, tradizioak agintzen duen moduan, 2.000 ardik baino gehiagok Ordiziako kaleak zeharkatu dituzte, neguan, aspaldiko garaietan, egiten zen moduan.

AHARIEN LEHIAKETA-ORDIZIA 2016 -- ARTZAIN EGUNA
2016ko martxoaren 30ean.

ESNE KONTROLEKO AHARIEN TXAPELKETA
Emaitzak
MUTUR BELTZAK
Arkumetan
J Etxezarreta Anaiak (Zerain)
Bildotsetan
J Etxezarreta Anaiak (Zerain)
Zaharretan
Olazagibel baserria (Idiazabal)
MUTUR GORRIAK
Arkumetan
Galtzata Baserria (Oiartzun)Bildotsetan
Bildotsetan
Baztarrika Baserria. (Gabiria)
Zaharretan
Gomiztegi Baserria (Oñati).

ERRAPE ERAKUSKETA-TXAPELKETA
Mutur Beltza
Errape onena arditan:
Aizpea baserria (Olaberria)
Errape onena bildotsetan:
Aizpea baserria (Olaberria)
Mutur Gorria
Errape onena arditan:
Baztarrika Baserria (Gabiria)
Errape onena bildotsetan:
Gomiztegi baserria (Oñati)

AHARIEN XVIII LEHIAKETA MORFOLOGIKOA- MUTUR BELTZA ETA MUTUR GORRIA, ORDIZIA
GORRITAN
Arkumeak (urte bat baino gazteagoak):
1º Julian Beloki. Ointzabal baserria (Beizama)
2º Miguel Amiano (Altzo)
Bildotsak (bat eta bi urte bitartekoak):
1º Julian Beloki. Ointzabal baserria (Beizama)
2º Resurrección Balerdi (Altzo).
Ahari zaharrak (bi urtetik gorakoak):
1º Julian Beloki. Ointzabal baserria (Beizama)
2 Julian Beloki. Ointzabal baserria (Beizama)
MUTUR BELTZA
Arkumeak (urte bat baino gazteagoak):
1º Jesus Ansola "Mausitxa" (Elgoibar)
Bildotsak (bat eta bi urte bitartekoak):
1º Jesus Ansola "Mausitxa" (Elgoibar)
Ahari Zaharrak (bi urtetik gorakoak)
1º Jesus Ansola "Mausitxa" (Elgoibar)

 

tolosakoenbisita20160316

PRODUKTUAREN JATORRI ETA PREZIOAREN IDENTIFIKATIBOEN INPLEMENTAZIOA


Ordiziako zein Tolosako azoken ezaugarri eta antzekotasunak, hauen dinamizazio – gogoetak premiak, ondoriozko lankidetza proiektua martxan jarri zuten 2015 ko Maiatzean.
Lankidetza- Hitzarmenaren lanarekin, Ordiziako azoka eta Tolosako azoken, promozioa, etengabeko hobekuntza eta ondare immateriala balorean jartzen saiatzen ari gara. Honek, gizarte mugimendu berriak aktibatzea asmo du, bertako eta gertuko baserritarren produktuak kontsumitzeak dituen onurak eskainiz gizarteari, naturari, lurraldeari, ekonomiari...
Era berean, Herri azoken bitartez, baserritarrak beraien ekoizpenen salmenta zuzena egiten dutenen garrantzia bisibilizatu nahi da. Aipu diren azokak eta bertan parte hartzen duten eragile zein azpiegituren saretzearekin bat, beren garapenerako, elkarlaneko proiektu komun batean bilakatzearen islada da prezio identifikatiboen implementazioa. Hauek eguneratzen ari diren adierazgarri ere bada gaurko ekimena.
Egungo gizartearen beharretara egokitzearen saiakera xumea da hau, baina benetan oso garrantzitsua gure azoketan. Gazteei azokara gerturatzea gonbidapena luzatu nahi diegu, erosketa ohiturak berreskuratuz gure herriko azoketara hurbilduz. Asteroko azoken garrantziaren kontzientzia berreskuratzearen deialdia da hau. Azoka gune bizia, kalitate oneko produktua eta bertako lurraldean eragin zuzena duena bizkortzeko ahalegina egin dezagun.
Lankidetza honen haritik gaur asteazkena, Ordiziako azokan goizeko 11:00 tan Tolosako udal ordezkari eta teknikarien bixita izan dugu.. Zentzu honetan Ordiziako azokako ordezkariek Martxoaren 12an Tolosako azokara egindako bisitari erantzuna izan da asteazken honetakoa.

 

goizaneweb

GOIZANE, ARGI BERRI BAT ORDIZIAKO PLAZAN

 

'Goizane' eskultura, D´elikatuz Elikadura eta Gastronomia zentrotik eta azoka batzordearen baitan landu den proiektua da. Azokaren historian garrantzia berezia izan du emakume baserritarrak. Hala, azokan eta euskal gizartean, elikagai hornitzaile moduan, baserriaren bilakaera eta bizi-iraupenean izan duen papera aitortzea da asmoa. 'Goizane' izena ez du kasualitatez. Goizeko lehen argi izpia jasotzen du: Ordiziara emakume baserritarra urteetan eguna argitu aurretik etorri izan da, argitasuna eta bizia ekarriz.

Aitortza
Azokara asteazkenero datozen emakume baserritarrari dago eskultura zuzenduta, beraiei eta euren ama, amona eta aurrekoei, haiek egindako lanaren errekonozimendu gisa. Azokara asteazkenero eta ostiralero eta Ordiziako Plazara egunero gerturatzen diren ordiziarrei baita, emakume baserritarrari zor zaion begirunea eta errespetua gogoan izan dezaten. Eta Ordiziako azoka eta herria ezagutzera datozen bisitariei, emakume baserritarrak izan duen garrantzia ezagutarazteko.

Plazan bertan, 'Goizane', gaztainondo egurrez eginiko emakume baserritar eskultura,
bisitariari harrera eginez, abegitsu azaltzen da. Javier Arrieta eskultore Zegamarrak landu du. Egunerokoan dituen bizipenetik, bere gain hartu ditu marrazkiak, pertsonaiaren argazkia, tailerreko lanak, pertsonaia eta inguruko multzoa (saskiak,
barazkiak...etab), polikromiak, kokapena, etab. Lan hau aurrera eraman ahal izateko aholkularitza eta bidelagun izan du, Urkiri Salaberria Arte Ederretan eta bereziki Ondare Ukiezinean aditua den doktorea.

 

kartela artzaineguna2016

 

Martxoaren 30ean Artzain Eguna ospatuko du Ordiziak


• 2.000 ardik baino gehiagok zeharkatuko dute herria
• Roberto Ruiz, Tolosako Fronton jatetxeko sukaldariak moztuko du gazta eta Aranzadi Zienzia Elkartea omenduko da.
• 2015 urteko Erregulartasun-kalitate sariak Txirri Gaztarekin Itxaso Barrenetxeak (Abadiño, Bizkaia) eta Luis Vicente Larrarteren Lizun Gaztandegiak (Sunbilla, Nafarroa) jasoko dituzte.
• Joseba Insausti Artzain Ordiziarrari aitortza ekitaldia egingo zaio " Premio Alimentos de España 2015, al Mejor Queso" sariagatik..

Ordizian 2016ko azoka berezien egutegiari hasiera emango dion Artzain Eguna ospatuko da martxoaren 30ean Ordizian. Artzainak eta gazta dira protagonista goiz horretan. Besteak beste, Idiazabal gaztaren denboraldi berriaren aurkezpen ofiziala egingo da, Tolosako Fronton Jatetxeko Roberto Ruiz sukaldariaren eskutik.

Ordiziako Udalak honako erakunde hauekin batera antolatu du azoka: ELE Latxa-ardiaren Gipuzkoako Elkartea, Lurgintza, Idiazabal Gaztaren Jatorri Izendapena, eta Ordiziako Idiazabal Gaztaren Kofradia.

Goizean goiz ekingo zaio egunari, Plaza Nagusian eta inguruetan egingo den asteroko azoka izango da protagonista. Horrez gain, gazta, Goierriko produktu eta Gipuzkoako artisauen saltokiak jarriko dira.

Aharien erakus- lehiaketa
Aurten, Garagartza plazan, 9:00etan hasita, latxa arrazako 50 bat artzainen aharien erakusketa-lehiaketa eta salmenta egingo da. Bertan, 200 abelburu inguru izango dira ikusgai, zalantzarik gabe, Euskal Herriko erakusleiho garrantzitsuena gai horren inguruan, kalitate eta kopuruz Euskal Herriko bakarra.
Bi motako animaliak izango dira lehiaketa-erakusketa horretan: latxa mutur-gorriak eta latxa mutur-beltzak.
Mutur-gorrien kasuan Aralar, Ernio, Izarraitz, Gabiria, Azpeitia edo Donostialdeko animaliak izango dira ikusgai. Mutur-beltzetan, berriz, Urbia, Elgoibar, Legazpi, Ordizia, Zerain eta Oñati ingurukoak.

Latxaren lehiaketa morfologikoa izango da. Baina, animali horien arraza estandarrean oinarrituko dira epaileak ardi latxaren hautapen-eskeman sartu gabeko animaliak puntuatzean. Era berean, hautapen-eskemako animalietan, genealogia-balioak izango du lehentasuna (gurasoak, kumeak), morfologiaren gainetik.

Garagartza Plazan gazta egingo da zuzenean haurren gozamenerako, nagusiki. Baina oso erakargarriak diren beste ekintzak ere izango dira. Esaterako, mamie dastaketa eta eguerdi partean ardien ile-mozketa, makinaz zein eskuz.

Transhumantzia birgogoratuz


Goizeko 11.00ak aldera, garai batean artaldeak negua bukatzen zenean mendira joateko herri barrutik igarotzen ziren bezala, Ordiziako Herri Zaharretik barrena ibiliko dira 2.000 ardi baino gehiago. Era horretan, gaur egun, garraioak ematen dituen aukerei esker ahaztua dugun pasadizoa bizi ahal izango dugu.

Roberto Ruiz eta Aranzadi Zientzia Elkartea


11:15etan, Ordiziako Udaletxeko Batzar aretoan, Roberto Ruiz, Tolosako Fronton Jatetxeko sukaldariak Idiazabal gazta gaztea ebakiko du. Baina, aldez aurretik, ARANZADI Zientzia elkarteari omenaldia egingo zaio , Euskal Herrian naiz Euskal Herritik kanpo Idiazabal Gaztaren banaketa eta difusioan egindako lanagatik. Baita, gaztaren erregulartasun-kalitate sariak banatuko zaizkie Abadiñoko Itxaso Barrenetxea artzainari eta Sunbillako (Nafarroa) Luis Vicente Larrarteren Lizun gaztandegiari ere.

Joseba Insaustiri aitortza


Udaletxeko ekitaldian zehar Joseba Insausti artzain Ordiziarrari "Premio Alimentos de España 2015, al Mejor Queso" Saria dela eta merezitako aitortza ekitaldia egingo zaio.

Ohitura den moduan, goiz guztian zehar Garagartza Plazan 40 Euskolabel arkume burruntzian prestatuko ditu Karlos Ibarrondok. 11.30etatik aurrera arkume pintxoak salgai jarriko dira eta bildutako dirua ASPANOGIrentzat, Gipuzkoako Haur Minbizidunen Gurasoen Elkartearentzat, izango da.

Bisitariek Idiazabal Pakete Gastronomikoaz gozatzeko aukera izango dute, non herriko 5 jatetxek "Idiazabal Menu" paregabe bat + D´elikatuz Elikadura eta Gastronomia Zentrorako sarrera bat eskainiko duten, guztia 23€tan.

EGITARAUA

9:00- Ahari eta ardien erakusketa-lehiaketa Garagartza plazan.
Eusko Labela duten esne bildotsak burruntzi eran erreketa Garagartza Plazan.
11:00- Artaldeak igaroko dira gune Historikoan barrena.
11:15- Idiazabal gaztaren denboraldi berriaren aurkezpen ofiziala, Udaletxeko Batzar aretoan. Roberto Ruiz, Tolosako Fronton Jatetxeko sukaldariak ebakiko du gazta berria.
Aldez aurretik, Aranzadi Zientzia Elkartea omenduko da, eta gazta kalitatearen eta erregulartasunaren sariak emango dira. Joseba Insausti artzain Ordiziarrari "Premio Alimentos de España 2015, al Mejor Queso" Saria dela eta merezitako aitortza ekitaldia egingo zaio.

11:30- Gazta egitea eta mamie dastaketa, Garagartza plazan.
11:30- Eusko Labela duten burruntzian erretako esne bildotsen dastatzea, Garagartza plazan, ASPANOGIren, Gipuzkoako Haur Minbizidunen Gurasoen Elkartearen, alde.
12:15- Ile-mozte erakustaldia, Garagartza Plazan.

***Goizean asteroko ohiko feria egingo da, gazta-salmentarako eta Goierriko artisautza produktuen saltokiak ere jarriko dira. Trikitilariek eta dultzaina-joleek alaituko dute herria.

 

artzaieiomenaldia2015

 

2015 URTEAN NAZIOARTE MAILAN SARITUAK IZAN DIREN IDIAZABAL J.I. GAZTANDEGIEI AITORTZA EKITALDIA
Idiazabal gaztak nazioartean izan duen arrakastaren aurkezpena, beste urte batez, mundu mailako onenen artean.
Ordiziako Gabonetako Azoka Bereziaren baitan, Idiazabal Jatorri Izendapenak, ohore handiz ospatu du, Ordiziako IDIAZABAL GAZTAREN KOFRADIAREkin elkarlanean, 2015an Nazioarte mailan sarituak izan diren Idiazabal Jatorri Izendapeneko gaztandegien aitortza ekitaldia. Izaro Iraetak aurkeztu du ekitaldia, erakundeetako ordezkariak lagun zituela (Ordiziako Udala, Gipuzkoako Foru Aldundia, Eusko Jaurlaritza, Nafarroako Gobernua...) eta gaurko protagonistak izan diren gaztagile sarituak zoriondu nahi izan dituzten beste hainbat lagun.
Ekitaldia Goierriko Bertso Eskolako Eneko Araiztegi eta Aitor Irastortzaren bina bertsorekin hasi da, ondoren Idiazabal Jatorri Izendapeneko Jose Mari Ustarrozek, gaztandegiei eskertza hitzak zuzendu dizkielarik, Jatorri Izendapena eta Idiazabal Gaztaren sustapenean egiten duten lanagatik.
Ondoren, Izaro Iraetak, banan banan saritu guztiak aurkeztu ditu, ospatu den azken Lehiaketatik hasiz:
Ingalaterran azaroaren 26an ospatu zen World Cheese Awards, nazioarteko lehiaketa entzutetsuan lortutako diplomak emateko aukera izan da gaurkoa.
Bederatzigarren urtea da Idiazabal Jatorri Izendapeneko gaztandegiek WORLD CHEESE AWARDS lehiaketan parte hartzen dutela eta aurreko urteetako bezain emaitza bikainak ateratzen dituztela. Azpimarratzekoa da aurtengoan ere SUPER URREA sari bat eraman dutela eta horrelako errekonozimenduak artzaiak bere eguneroko lanean jarraitzera animatzen dituela.
Emaitza ezinhobea izan da aurtengoan ere 31 domina lortuz: Super Urrezko 1, Urrezko 1, zilarrezko 13, brontzezko 15 eta artisau gazta onenari beste 1.
Bestel lehiaketan hauetan ere sariak jaso dituzte: VIC-en ospatu den Lactium, Artisau Gazten III. Lehiaketa, 2015 "Gourmet Quesos" lehiaketa, 2015 Roma Saria Nazioarteko Lehiaketa, Great Taste 2015, eta Seu D´Urgell-en ospatutako Pirioniotako Artisau Gazten Lehiaketa.
Aipamen berezia merezi du Joseba Insausti Artzai Ordiziarrak lorturiko 2015 Espainiako Elikagaiak Gazta Onenari sariak.

SARIEN ZERRENDA

 

 

txistorralehiaketa2012web

Euskal Herriko XVIII. Txistor-Lehiaketa
Ordizia, PLAZA NAGUSIA, ABENDUAREN 16a- 10.30 h.

Gipuzkoako harakin eta urdaitegi-zaleen gremioak antolatuta, Euskal Herriko XVIII. Txistor-Lehiaketa egingo da Ordizian datorren asteazkenean, abenduak 16. Plaza Nagusian, Udaletxeko arkupetan izango da, 10.30etatik aurrera. Gremio horrek kontsumitzaileen arreta bertako ohiko hainbat produktuetara bideratu nahi du Santo Tomas jaiaren atarian, hala nola, txistorra. Usadio zaharraren arabera egiten den produktuetako bat da, eta hori, zalantzarik gabe, garantiaz eta kalitateaz hitz egitea da. Aurten 50 partehartzaileren kopurua gainditzea espero da, hauetatik 14 gutxienez Nafarrak izanik.

Txistorra egiten duten profesionalek parte har dezakete Ordiziako txapelketan. Partehartzaile bakoitzak, berak egiten duela egiaztatu eta gero, proba egin behar den bezperako arratsaldean, kultur etxean 20.00ak baino lehen. Hestebete kiloa eraman beharko du (6 txirikorda).
Adituek esaten dutenaren arabera, txistorra ona izateko honako ezaugarriei erreparatu behar zaie: neurria eta homogeneoa izatea, gustua, txikitua, giharra eta koipea erdibana, ontze-puntua, etab. Epaimahaikoek lehenik eta behin produktu freskoak duen itxurari begiratuko diote: betetzerakoan berdina izatea, eskuz lotutakoa izatea, hestea, lodiera, eta abar. Ondoren, gordinik dagoela, txistorra ebaki eta giharra eta koipearen proportzioari erreparatuko diote, baita haragiaren txikitzeari ere, eta, azkenik, zartaginean frijitu eta duen zaporea, usaina eta ahogozoa hartuko dituzte kontutan.

Hiru atal horietan lortutako puntuekin jakingo dugu zein izango den Euskadiko hemezortzigarren txapelketan garaile, eta hori egiaztatuko duen Txapela, garaikurra eta diploma jasoko ditu. Bigarren eta hirugarren sarituek garaikurra eta diploma jasoko dute eta Epaimahaiak, gainera, beste dos diploma emango ditu.
Epaimahaia ondorengoek osatuko dute : Jose Juan Castillo, Aizpea Oihaneder (Xarma jatetxea, Donostia), Joxean Eizmendi (Ilarra Jatetxea, Donostia), Roberto Ruiz (Frontón Jatetxea, Tolosa), Iker Markinez (Kuko Jatetxea, Ormaiztegi), Eneko Azurmendi (Lazkaoetxe jatetxea, Zaldibia), Eukene Navío (Hotel-Restaurante Castillo) eta Imanol Gaztañaga (Zubibi Jatetxea, Ordizia); Jose Antonio Mujika eta Juan Garmendia harakin ohiak, Luis Mokoroa (Euskal Gastronomia Anaiartea) eta Sonia Tapia (Aholkulari gastronomikoa).

Txapelketa-mota horiekin bertakoak diren produktuen aldeko arreta piztu nahi da, eta, aldi berean, kontsumitzaileek estimatzen duten kalitateko produktuak eginaraztea artisauei.

Txerri-hilketarekin lotzen da txistorra, eta oso erro sendoak ditu Euskal Herrian eta Gipuzkoan batez ere, San Tomas eguna txistorraren eta txerriaren inguruan ospatzen baita. Usadioko txerri-hilketan gizonezkoen lana zen txerria hiltzea eta emakumezkoena berriz, gainerakoa, esate baterako, odolkiak, lukainkak...egitea, horretarako giharra txikitu eta gatza, piperbeltza eta abar botatzen zioten. Txistorra egiteko txerri-haragia eta urdaia behar da, gatza, baratxuria eta piperrautsa. Hori dena, ardi edo arkume-hestean sartu eta egurasten uzten da egun batzutan.

Aurreko 15 edizioetako irabazleak:

2000 – Carlos Lekube (Aia)
2001 – Manuel Barandiaran (Ordizia)
2002 – Patxi Larrañaga (Lasarte)
2003 – Fernando Saralegui (Zumarraga)
2004 – Cristóbal González (Andoain)
2005 – Nicolas Lasa (Ordizia)
2006 – Etxekoa (Oiartzun)
2007 – Carnicería Sebastián (Altsasu)
2008 – Patxi Larrañaga (Lasarte)
2009 – Juan Jose Aldasoro (Altsasu)
2010 – Jose Luis Muñagorri (Tolosa)
2011 - Balentin Odriozola (Azpeitia)
2012 - Balentin Odriozola (Azpeitia)
2013 -Embutidos Etxekoak (Oiartzun)
2014 – Erauskin Harategia (Ataun)

 

kartela artzaineguna2016

 

Martxoaren 30ean Artzain Eguna ospatuko du Ordiziak


• 2.000 ardik baino gehiagok zeharkatuko dute herria
• Roberto Ruiz, Tolosako Fronton jatetxeko sukaldariak moztuko du gazta eta Aranzadi Zienzia Elkartea omenduko da.
• 2015 urteko Erregulartasun-kalitate sariak Txirri Gaztarekin Itxaso Barrenetxeak (Abadiño, Bizkaia) eta Luis Vicente Larrarteren Lizun Gaztandegiak (Sunbilla, Nafarroa) jasoko dituzte.
• Joseba Insausti Artzain Ordiziarrari aitortza ekitaldia egingo zaio " Premio Alimentos de España 2015, al Mejor Queso" sariagatik..

Ordizian 2016ko azoka berezien egutegiari hasiera emango dion Artzain Eguna ospatuko da martxoaren 30ean Ordizian. Artzainak eta gazta dira protagonista goiz horretan. Besteak beste, Idiazabal gaztaren denboraldi berriaren aurkezpen ofiziala egingo da, Tolosako Fronton Jatetxeko Roberto Ruiz sukaldariaren eskutik.

Ordiziako Udalak honako erakunde hauekin batera antolatu du azoka: ELE Latxa-ardiaren Gipuzkoako Elkartea, Lurgintza, Idiazabal Gaztaren Jatorri Izendapena, eta Ordiziako Idiazabal Gaztaren Kofradia.

Goizean goiz ekingo zaio egunari, Plaza Nagusian eta inguruetan egingo den asteroko azoka izango da protagonista. Horrez gain, gazta, Goierriko produktu eta Gipuzkoako artisauen saltokiak jarriko dira.

Aharien erakus- lehiaketa
Aurten, Garagartza plazan, 9:00etan hasita, latxa arrazako 50 bat artzainen aharien erakusketa-lehiaketa eta salmenta egingo da. Bertan, 200 abelburu inguru izango dira ikusgai, zalantzarik gabe, Euskal Herriko erakusleiho garrantzitsuena gai horren inguruan, kalitate eta kopuruz Euskal Herriko bakarra.
Bi motako animaliak izango dira lehiaketa-erakusketa horretan: latxa mutur-gorriak eta latxa mutur-beltzak.
Mutur-gorrien kasuan Aralar, Ernio, Izarraitz, Gabiria, Azpeitia edo Donostialdeko animaliak izango dira ikusgai. Mutur-beltzetan, berriz, Urbia, Elgoibar, Legazpi, Ordizia, Zerain eta Oñati ingurukoak.

Latxaren lehiaketa morfologikoa izango da. Baina, animali horien arraza estandarrean oinarrituko dira epaileak ardi latxaren hautapen-eskeman sartu gabeko animaliak puntuatzean. Era berean, hautapen-eskemako animalietan, genealogia-balioak izango du lehentasuna (gurasoak, kumeak), morfologiaren gainetik.

Garagartza Plazan gazta egingo da zuzenean haurren gozamenerako, nagusiki. Baina oso erakargarriak diren beste ekintzak ere izango dira. Esaterako, mamie dastaketa eta eguerdi partean ardien ile-mozketa, makinaz zein eskuz.

Transhumantzia birgogoratuz


Goizeko 11.00ak aldera, garai batean artaldeak negua bukatzen zenean mendira joateko herri barrutik igarotzen ziren bezala, Ordiziako Herri Zaharretik barrena ibiliko dira 2.000 ardi baino gehiago. Era horretan, gaur egun, garraioak ematen dituen aukerei esker ahaztua dugun pasadizoa bizi ahal izango dugu.

Roberto Ruiz eta Aranzadi Zientzia Elkartea


11:15etan, Ordiziako Udaletxeko Batzar aretoan, Roberto Ruiz, Tolosako Fronton Jatetxeko sukaldariak Idiazabal gazta gaztea ebakiko du. Baina, aldez aurretik, ARANZADI Zientzia elkarteari omenaldia egingo zaio , Euskal Herrian naiz Euskal Herritik kanpo Idiazabal Gaztaren banaketa eta difusioan egindako lanagatik. Baita, gaztaren erregulartasun-kalitate sariak banatuko zaizkie Abadiñoko Itxaso Barrenetxea artzainari eta Sunbillako (Nafarroa) Luis Vicente Larrarteren Lizun gaztandegiari ere.

Joseba Insaustiri aitortza


Udaletxeko ekitaldian zehar Joseba Insausti artzain Ordiziarrari "Premio Alimentos de España 2015, al Mejor Queso" Saria dela eta merezitako aitortza ekitaldia egingo zaio.

Ohitura den moduan, goiz guztian zehar Garagartza Plazan 40 Euskolabel arkume burruntzian prestatuko ditu Karlos Ibarrondok. 11.30etatik aurrera arkume pintxoak salgai jarriko dira eta bildutako dirua ASPANOGIrentzat, Gipuzkoako Haur Minbizidunen Gurasoen Elkartearentzat, izango da.

Bisitariek Idiazabal Pakete Gastronomikoaz gozatzeko aukera izango dute, non herriko 5 jatetxek "Idiazabal Menu" paregabe bat + D´elikatuz Elikadura eta Gastronomia Zentrorako sarrera bat eskainiko duten, guztia 23€tan.

EGITARAUA

9:00- Ahari eta ardien erakusketa-lehiaketa Garagartza plazan.
Eusko Labela duten esne bildotsak burruntzi eran erreketa Garagartza Plazan.
11:00- Artaldeak igaroko dira gune Historikoan barrena.
11:15- Idiazabal gaztaren denboraldi berriaren aurkezpen ofiziala, Udaletxeko Batzar aretoan. Roberto Ruiz, Tolosako Fronton Jatetxeko sukaldariak ebakiko du gazta berria.
Aldez aurretik, Aranzadi Zientzia Elkartea omenduko da, eta gazta kalitatearen eta erregulartasunaren sariak emango dira. Joseba Insausti artzain Ordiziarrari "Premio Alimentos de España 2015, al Mejor Queso" Saria dela eta merezitako aitortza ekitaldia egingo zaio.

11:30- Gazta egitea eta mamie dastaketa, Garagartza plazan.
11:30- Eusko Labela duten burruntzian erretako esne bildotsen dastatzea, Garagartza plazan, ASPANOGIren, Gipuzkoako Haur Minbizidunen Gurasoen Elkartearen, alde.
12:15- Ile-mozte erakustaldia, Garagartza Plazan.

***Goizean asteroko ohiko feria egingo da, gazta-salmentarako eta Goierriko artisautza produktuen saltokiak ere jarriko dira. Trikitilariek eta dultzaina-joleek alaituko dute herria.

 

txistorra2015

 

EUSKAL HERRIKO TXISTORRA HOBERENA, ZARAUZKOA. ZARAUZKO GESALAGA AURREPRESTATUAK IRABAZLE GAURKOAN


Zarauzko Gesalaga aurreprestatuak izan da Ordizian irabazle gaur, abenduak 16, ospatu den Euskal Herriko XVIII. Txistorra lehiaketan. Txapeldunak Txapela garaikurra eta diploma jaso ditu eta, garaikurra eta diploma bana jaso dituzte Tolosako Muñagorri Harategiak (2garrena) eta Aiako Txarri Txiki Harategiak (3garrena). Bestalde, Segurako Ondarre harategiak (4garrena) eta Oiartzungo Embutidos Etxekoak (5garrena) diploma bana jaso dute. Guztira 46 ekoizlek aurkeztu dituzte haien hestekiak horrela banaturik: Gipuzkoako 34 eta Nafarroako 12.
Epaimahaikoek txistorraren itxurari, osagaiei eta zaporeari erreparatu diete produktu hoberena aukeratzerakoan eta orokorrean izan den maila ona nabarmendu dute. Epaimahaia ondorengoek osatu dute: Jose Juan Castillo, Aizpea Oihaneder (Xarma jatetxea, Donostia), Joxean Eizmendi (Ilarra Jatetxea, Donostia), Roberto Ruiz (Frontón Jatetxea, Tolosa), Iker Markinez (Kuko Jatetxea, Ormaiztegi), Eneko Azurmendi (Lazkaoetxe jatetxea, Zaldibia), Eukene Navío (Hotel-Restaurante Castillo), Juanma Garmendia (Kattalin Erretegia, Beasain) eta Imanol Gaztañaga (Zubibi Jatetxea, Ordizia); Jose Antonio Mujika eta Juan Garmendia harakin ohiak, Luis Mokoroa (Euskal Gastronomia Anaiartea) eta Sonia Tapia (Aholkulari gastronomikoa).

Gipuzkoako Harakinen elkarteak eta Ordiziako Udalak antolatu dute lehiaketa.
Informazioa:
Gesalaga aurreprestatuak - Zarautz 629711488
Muñagorri Harategia - Tolosa 605726929
Txarri Txiki – Aia 600587042
Ondarre harategia - Segura 635758375
Embutidos Etxekoak – Oiartzun 646864908

 

odolkilehiaketa2015

ORDIZIA

GIPUZKOAKO XVII. ODOLKI TXAPELKETA

Beasaingo Olano Harategiak irabazi du aurtengoan Ordiziako asteazkeneko azokaren baitan ospatu den Gipuzkoako XVII. Odolki Lehiaketa. Sarituak izan dira baita ere Ordiziako Mujika Odolkiak, Beasaingo Iñaki Zubeldia, Zaldibiko Pili Harategia, Ezkio-Itsasoko Jesus Mari Deba eta Arrasateko Jose Antonio Izagirre. Gipuzkoa osotik etorritako 18 egile aurkeztu dira lehiaketara.

Aurreko urteetan bezala, Goierriko udalerriak babestu du Gipuzkoako Harakinen gremioak antolatutako txapelketa. Helburua artisau modura egiten den produktuaren sustapenean laguntzea da. Izan ere, odolkiak denboraldi honetan; hori da, azaroaren 11tik –San Martin- Gabonak bitarte du produkzio gehien.

Gipuzkoako odolkia barazkiekin egiten da eta ezaugarri berberak ditu lurralde osoan. Hestekiaren osagai nagusiak hauek dira: kipula, porrua, espeziak, gantza eta txerri haragia eta koipea. Hala eta guztiz ere, ez daude bi odolki berdinak, izan ere urdaigile bakoitzak etxean herentziaz jasotako "sekretuak erabil ditzake. Beste batzuek, modari erreparatzen diote eta euren bezeroen gustuetara moldatzen dute produktua. Horrela, odolkiaren azken zaporean zeresana dute aukeratutako espeziak, barazkiaren xehea edota erabilitako koipe kopuruak. Guzti hauekin aukera desberdinak sortu eta eskaintzen dira, produktu berezi honen azken emaitza aberastuz.

Gaur aukera izango dugu Azokan bertan odolkia nola egiten den ikusteko, Mutiloako Juanita Murgiondo, Resu Olaetxea eta Juanita Aranbururen eskutik.
Epaimahaiak honako ezaugarriak hartu ditu aintzat: itxura (tripa eta hestea), egosketa (ebaketa), xehea, testura, zapore-gustua (espeziak) eta amaierarako gustua.Hiru mahaitan banatuta, honako adituek osatu dute epaimahaia: Joxean Eizmendi (Ilarra Jatetxea, Donostia); Roberto Ruiz (Frontón jatetxea, Tolosa), Eukene Navío (Hotel Castillo, Olaberria), Eneko Azurmendi (Lazkaoetxe jatetxea, Zaldibia), Ander Etxebeste (Oiangu Baserria, Ordizia), eta Imanol Gaztañaga (Zubibi Jatetxea, Ordizia); Jose Antonio Mujika eta Juan Garmendia harakin ohiak (Ordizia), Sonia Tapia (aholkulari gastronomikoa) eta Luis Mocoroa (Gastronomiaren Euskal Anaiarteko Lehendakaria).

Kontakturako telefonoak:
Olano Harategia: 943 880778
Mujika Odolkiak: 943 88 18 32
Iñaki Zubeldia: 943 882747

 

Orrialdea 7/19