Erdi Aroko azokaren XXIII. edizioa egingo da larunbatean eta igandean Plaza Nagusian eta haren inguruetan

Ordiziako Alde Zaharra edo gune historikoa, berriro ere Erdi aroko edo Aintzinako periaren eskenatokia bihurtuko da. Aurten XXIII. edizioa ospatuko da, ‘Aintzinako Periak’ goiburupean.

Azken 23 urte hauetan, Napar Bideak-ek, Nafarroako Artisau Elikagai Elkarteak, ofizioetako artisauek, Ordiziako Udalak, herritarrekin eta bisitariekin batera osatu dute gure “Antzinako Azoka”.

Ordiziak 1268. urtetik eta lehenago ere mota guztietako merkatariak ikusi ditu bere bideetan barrena igarotzen... artileak, Kantauriko postuak bilatzen baserriko produktuekin batera, gaztak...

Aste buru honetan ere 70 artisau-postutik gora izango dira herriko kaleetan: Erronkari eta Idiazabal gaztak, hestebeteak, marmeladak, txokolateak... larrua, zeramika, loreak, xaboiak, arropa, ukenduak, artilea, poltsak, urregintza, kandelak, sendabelarrak"…

Asteburuaz nabarmendu behar dena jaia da, jai giroa. Azokan eta beste ekintzetan ere juglareak, trobalariak, ipuin kontalariak, tailer desberdinak, etab. Izango dira. Ordiziako arku tiraketa klubak erakustaldia egingo du frontoi txikian, baina ez da hori izango parte hartuko duen talde bakarra. Beste batzuek ere beraien hondar aletxoa jarriko dute egunak osatuagoak izan daitezen, hala nola: Beti Argi musika banda, Larrun-Arriko abesbatza, eta Urrup taldearen gorte berezia ere hartuko ditu Ordiziako kaleak.

Erdi Aroko Azokaren ekintzen baitan, eta 750. Urteurrenaren arira, Gure Iragana Elkarteak “Gaueko bisita Barrena Jauregira” ekimena antolatu du larunbaterako, gaueko 10:00tan. Bisitaria garaiko jauregiaren testuingurura eramango dute Gura Iragana elkartekoek. Horretarako, jauregiaren iluntasunaren kutsu misteriotsuaz baliatuko dira garaiko sentsazio eta itxura berreskuratzeko. Egoera horretaz baliatuz, ezezagunak diren hainbat gertakizun historiko eta istorio kontatuko dituzte. Hitzordua, larunbatean, gaueko 22.00tan, talde mugatuarekin.

Abuztuaren 29an hasi eta hilaren 9a arte, iraungo du aurtengo Euskal Jaiak Ordizian. Aurreko urteetan bezala, egitaraua oparoa izango da. Besteak beste, datorren asteazkenean, irailak 5a, egingo den aparteko azoka eta latxa edo karrantzako ardiaren esne gordinez egindako gazta-lehiaketa azpimarratu behar ditugu. Aurtengoan ere azpimarratzekoak dira Ordiziako hiribilduaren 750. Urteurrenaren baitan antolatu diren ekitaldi bereziak (ikus programa).

Oraingo honetan ere, Ordiziako azokan giro aparta izango dugu, eta goiz osoan zehar era guztietako lehiaketak, erakusketak eta enkanteak ikusi ahal izango ditu bisitariak.

Azken 10 urteetako txapelketetan lehen postua hiru aldiz irabazi duen gaztagileari URREZKO KUTXA GARAIKURRA emango zaio. 2.009. urtean irabazi zuen garaikurra lehenengo aldiz Elgoibarko Jesus Mª Ansolak eta orain dela bost urte (2013) Ricardo Remiro Eulateko artzaiak bigarrenez.

Irailaren aurreneko asteazkeneko azokan bestelako lehiaketak ere antolatu dira: Fruitu eta barazki-lehiaketa, Euskal Oiloaren lehiaketa-erakusketa, Gipuzkoako piriniar arrazako behi-azienda lehiaketa eta Plaza Nagusian astero postua jartzen duten baserritarren Aipamen Berezia. Aldi berean, hainbat erakusketa izango da: Perretxikoak, Euskal Oiloa eta nekazal tresneria eta makinaria.

Ordiziako Euskal Jaiei buruzko informazioa aurki daiteke esteka honetan: https://www.ordiziakoazoka.eus/azoka-bereziak/euskal-jaiak/euskal-jaietako-egitaraua

Apirilaren 4an Artzain Eguna ospatuko du Ordiziak

• 2.000 ardik baino gehiagok zeharkatuko dute herria
• Joxe Mari Goenaga Zuzendari eta gidoilari Ordiziarrak moztuko du gazta eta Zacarias Puente, omenduko da.
• 2017 urteko Erregulartasun-kalitate sariak Makatza Gaztarekin Aitor Mantxola (Legazpi, Gipuzkoa) eta Dorrea Gaztandegiak (Udabe, Nafarroa) jasoko dituzte.
• 750. Urteurrenaren baitan, Ordiziako kasko historikoko bisita antzeztua eskainiko da arratsaldeko 18.00tan.

Ordizian 2018ko azoka berezien egutegiari hasiera emango dion Artzain Eguna ospatuko da apirilaren 4an Ordizian. Artzainak eta gazta dira protagonista goiz horretan. Besteak beste, Idiazabal gaztaren denboraldi berriaren aurkezpen ofiziala egingo da, Joxe Mari Goenaga, Ordiziar Zine Zuzendari eta gidoilariaren eskutik.

Ordiziako Udalak honako erakunde hauekin batera antolatu du azoka: ELE Latxa-ardiaren Gipuzkoako Elkartea, Lurgintza, Idiazabal Gaztaren Jatorri Izendapena, eta Ordiziako Idiazabal Gaztaren Kofradia.

Goizean goiz ekingo zaio egunari, Plaza Nagusian eta inguruetan egingo den asteroko azoka izango da protagonista. Horrez gain, gazta, Goierriko produktu eta Gipuzkoako artisauen saltokiak jarriko dira.

Aharien erakusketa
Aurten, Garagartza plazan, 9:00etan hasita, latxa arrazako 50 bat artzainen aharien erakusketa eta salmenta egingo da. Bertan, 200 abelburu inguru izango dira ikusgai, zalantzarik gabe, Euskal Herriko erakusleiho garrantzitsuena gai horren inguruan, kalitate eta kopuruz Euskal Herriko bakarra.
Bi motako animaliak izango dira erakusketa horretan: latxa mutur-gorriak eta latxa mutur-beltzak.
Mutur-gorrien kasuan Aralar, Ernio, Izarraitz, Gabiria, Azpeitia edo Donostialdeko animaliak izango dira ikusgai. Mutur-beltzetan, berriz, Urbia, Elgoibar, Legazpi, Ordizia, Zerain eta Oñati ingurukoak.

Garagartza Plazan gazta egingo da zuzenean haurren gozamenerako, nagusiki. Baina oso erakargarriak diren beste ekintzak ere izango dira. Esaterako, mamia dastatzea eta eguerdi partean ardien ile-mozketa, makinaz zein eskuz.

Transhumantzia birgogoratuz
Goizeko 11.00ak aldera, garai batean artaldeak negua bukatzen zenean mendira joateko herri barrutik igarotzen ziren bezala, Ordiziako Herri Zaharretik barrena ibiliko dira 2.000 ardi baino gehiago. Modu honetan antzinatik egin izan den eta denbora berriek zailtzen duten menditik haranerako eta alderantzizko desplazamendua gogoratuz, askok oinez eta errepidetatik egin behar izaten dutena.
Eta artzain gehienak kamioiez Aralar edo Aizkorriko magaletara garraiatzen dituzten arren, badaude oraindik antzinako usadioa mantentzen dutenak, ordutegi zehatz eta ez ohikoetan beraien bidaia osatuz. Maiatzaren lehenengotik aurrera egin ahal izango dute mendiko larreetara buelta.

Joxe Mari Goenaga eta Zacarias Puente
11:15etan, Ordiziako Udaletxeko Batzar aretoan, Joxe Mari Goenaga Zine Zuzendari eta Gidoilari Ordiziarrak gazta gaztea ebakiko du. Baina, aldez aurretik, Zacarias Puente, Kantabriako Gazta Kofradiaren sortzaileari omenaldia egingo zaio , Euskal Herritik kanpo Idiazabal Gaztaren difusioan egindako lanagatik.

Baita, gaztaren erregulartasun-kalitate sariak banatuko zaizkie Legazpiko Aitor Mantxola artzainari eta Udabeko (Nafarroa) Dorrea Gaztandegiari ere.

Ohitura den moduan, goiz guztian zehar Garagartza Plazan 40 Euskolabel arkume burruntzian prestatuko ditu Karlos Ibarrondok. 11.30etatik aurrera arkume pintxoak salgai jarriko dira eta bildutako dirua ASPANOGIrentzat, Gipuzkoako Haur Minbizidunen Gurasoen Elkartearentzat, izango da.

Bisitariek Idiazabal Pakete Gastronomikoaz gozatzeko aukera izango dute, non herriko bost jatetxek "Idiazabal Menu" paregabe bat gehi D´elikatuz Elikadura eta Gastronomia Zentrorako sarrera bat eskainiko duten, guztia 23 eurotan.

Ordizia 750. Ordiziako Kasko historikoaren bisita gidatu antzeztua.

Arratsaldeko 18.00tan Ordiziako D´elikatuz Zentroa eta Urrup Antzerki taldeak elkarlanean, Ordiziako kasko historikoaren bisita gidatu antzeztua eskainiko dute.

EGITARAUA
9:00- Ahari eta ardien erakusketa Garagartza plazan.
Eusko Labela duten esne bildotsak burruntzi eran erreketa Garagartza Plazan.
11:00- Artaldeak igaroko dira gune Historikoan barrena.
11:15- Idiazabal gaztaren denboraldi berriaren aurkezpen ofiziala, Udaletxeko Batzar aretoan. Joxe Mari Goenaga Zine Zuzendari eta Gidoilari Ordiziarrak ebakiko du gazta berria.
Aldez aurretik, Zacarias Puente, Kantabriako Gazta Kofradiaren sortzailea omenduko da, eta gazta kalitatearen eta erregulartasunaren sariak emango dira.
11:30- Gazta egitea eta mamia dastatzea Garagartza plazan.
11:30- Eusko Labela duten burruntzian erretako esne bildotsen dastatzea, Garagartza plazan, ASPANOGIren, Gipuzkoako Haur Minbizidunen Gurasoen Elkartearen, alde.
12:15- Ile-mozte erakustaldia, Garagartza Plazan.
18:00- Ordiziako kasko historikoaren bisita gidatu antzeztua D´elikatuz Zentroa eta Urrup Antzerki taldearen eskutik. D´elikatuz Zentroan hasiko da.

***Goizean asteroko ohiko feria egingo da, gazta-salmentarako eta Goierriko artisautza produktuen saltokiak ere jarriko dira. Trikitilariek eta dultzaina-joleek alaituko dute herria.
Informazio gehiagorako: Leire Arandia 683113173

SARRERA

2018ko Biltzarrak, aurreko urteetakoekin alderatuta, berrikuntzak ditu; izan ere, aurrekoak aurtengoa antolatzeko proba-zelai moduko bat izan ziren. 2018ko hau Ordizia sortu zeneko 750. urteurreneko ospakizunekin egokitu da, eta ospakizun-jardueren programaren barruan txertatu da. Lehen bi biltzarretan, transhumantzia-artzaintza edo mendiko artzaintza izan ziren azalpenerako eta eztabaidarako helburu bakarra. Aurten, mendiko artzaintzaren atalari eutsiko bazaio ere, biltzarraren helburuak, iraupena eta edukia zabaldu dira. Halaber, edizio honen antolaketan 2017ko Biltzarraren garapenean partekatutako kezka jaso da; bertan, artzainek adierazi zuten heldu beharreko arazorik garrantzitsuenetako bat sektorearen jarduera gizarteari, oro har, azaltzea zela, gizartearekin artzaintzari buruzko komunikazioa, zuzenekoa eta gardena, ezartze aldera, lehen sektorearen jardueraren inguruan ulertezintasuna sortu ohi duten era guztietako estereotipoetatik salbu. Horren haritik, aurtengo Biltzarraren antolaketak EHUren udako ikastaroen lankidetza ezin hobea du; oso trena baliagarria gure herriaren ekonomian, gastronomian eta naturaren zaintzan horrenbesteko garrantzia duen jardueran interesaturik dauden pertsona guztiei artzaintzaren berri emateko.

BILTZARRAREN XEDEA

Idiazabal gaztari, bere osotasunean, lotutako sektorearen balorizazioa definitu da Biltzarraren ardatz egituratzaile gisa, hiru euskarri sozioekonomikoetan oinarriturik. Hiru euskarri horiek jarduera gartzeko alderdi guztiak jasotzen dituzte, eta horietan oinarrituta antolatu dira biltzarreko hiru saioak: urriaren 4ko (osteguna) goizean eta arratsaldean eta urriaren 5eko (ostirala) goizean.

GAZTEN III. BILTZARRA.ORDIZIA

Barrena Jauregiko ekitaldi-aretoan eta ORDIZIAKO IDIAZABAL GAZTAREN KOFRADIAREN zuzendaritzapean, urriaren 4ko goizean eta arratsaldean eta urriaren 5eko goizean gazten III. Biltzarra egingo da. Ordiziak jarraian aipatzen diren gaiak aztertuko dituzten hizlariak izango ditu:

EGITARAUA

Urriaren 4a, osteguna

9:00.- Agintariek Biltzarraren inaugurazioa egingo dute.

Mendiko gaztak.

-9:15etik 10:15era. Aimée eta Henri-Daniel Raynaud jaunen azalpena. “L´ETIVAZ” ponentzia proposatuko dute. Suitzako l´Etivaz eskualdeko transhumantzia eta pasta egosiz egindako eskualdearen izen bereko gazta ospetsua izango dituzte hizpide. Mendiko artzaintzak eta gaztak ospea ematen diote eskualdeari: Le pays d´en Haut (goialdeko herrialdea), Suitzako erdi-mendebaldean kokatua, Vaud kantoian; horko larre alpetarretan eta 1.000 eta 2.000 m arteko altueran bazkatzen dira behi-taldeak. Bertan dituzte artzainek mendiko "txaletak", eta bertan gatzatzen dute esnea kobrezko pertzetan, 8 eta 20 kg arteko gaztak egiteko. JDk urtero ekoizten dituen ia 400 Tm l´Etivaz hiribilduan ontzen dira, artzainen kooperatibaren instalazioetan. Gutxienez lau hilabete eta gehienez lau urte behar izaten dituzte, zahar itxurako gazta-txirbil modura aurkezteko. Kooperatiba, 30eko hamarkadaren hasieran sortua, haziz joan da orduz geroztik. Gaur egun 70 artzain ditu, eta soilik mendiko gazta (d´Estive) egiten dute, kalitate onekoa eta aitortukoa, Appellation d´ Origine Controllée de l´Etivaz Jatorri Deiturak babestua. Raynaud jaunak deskribatu dugun jardueraren adierazle zintzoak dira. Haien mendiko "txaleta", 1750ean eraikia, 1.380 metroko garaieran dago. Alpage Pâquier Getaz-en, Vanil Noir natura-erreserbaren oinetan. Agerpenaren barruan, eta jardueraren ilustrazio grafiko moduan, aurrez Jeanne Bourgon andrearen dokumentala emango da, 20 minutuko iraupenekoa. Jeanne Bourgon andreak, ekologiaren arloan unibertsitate-ikasketak dituenak eta Frantziako Tolosako Ikus-entzunezkoen Eskola Nazionalean tituludunak, aintzatespena du sektorearen barruan eta kanpoan, artzaintzari buruz egiten dituen dokumentalak direla-eta: Miren izenekoak Aldudeko emakumezko artzain baten jarduera deskribatzen du. Gasna freskoa egiten du, eta nazioarteko hainbat lehiaketatan eta jaialditan saria jaso du. Anawin, Belloc eta Biltzar honetan aurkeztuko duen dokumentala: L´Etivaz, Biltzarraren atal honek aztergai izango duen eskualdean oinarritua, hainbat herrialdetako lehiaketatan ere saritua.
- 10:15etik 10:30era. Galde-eskeak.
- 10:30etik 11:00etara. Atsedena - Kafea.
- 11:00etatik 12:00etara. Javier Gil-en esposizioa (Kanarietako artzaintza ordezkatuz). Haren ponentziak "Kanaria Handiko Uharteko gaztak" du izenburua, eta Flor de Guia eta Guia jatorri-deitura babestuko (JDB) gaztei buruz jardungo da. Gazta horiek Moya, Galdar eta Santa Maria de Guian egiten dira, hainbat esne nahastuta. Osagai nagusia Kanarietako ardi-esnea da, eta horri, kantitate txikiagoan, Kanarietako behi- eta/edo ahuntz-esne gehi dakioke. Esne gordinari, hura iragazi ondoren, kardu-lorearen landare-gatzagia gehitzen zaio gazta Flor de Guiakoa bada, edo animalia-gatzagiarekin nahasia baldin eta gazta lore-erdikoa bada. Artzainek ardiak larreetara eramaten dituzte transhumantzian, kostaldearen eta gailurren artean, larre onenen bila. Javier L. Gil Leon lizentziaduna da geografian, goi-teknikaria diseinuan eta argazkigintza artistikoan, eta Kanarietako Gobernuko Nekazaritza Kontseilaritzako teknikaria. Las Palmaseko (Kanaria Handikoa) Unibertsitatean biogeografia, kontserbazioa eta lurraldea ikertzen duen taldeko kidea ere bada. Talde horren ikerketaren oinarriak dira landarediaren azterketa eta natura- eta kultura-paisaiaren interpretazioa. Bere ikerlanak azaltzearekin batera, bost mendez baino gehiagoz bideak oinkatu zituen, eta landa- eta hiri-paisaiak sortu eta eraldatu zituen jendearen lan nekaezina deskribatuko du. "Gran Canaria. Paisajes del Atlantico" izenburua duen liburuak (bera egileetako bat) kontserbatzea merezi duenaren inguruan hausnartzera gonbidatzen gaitu.
-12:00etatik 12:15era. Galde-eskeak.
- 12:15etik 13:45era. Mahai-ingurua
Moderatzailea: Gilbert dalla Rosa (Bearnoko Slow Food-eko burua)

Artzain gazta

- 15:15etik 16:15era. Angela Barussi-ren esposizioa (Bartzelona). Garatuko den gaia: komunikazioaren bitartez ekoizpena baliostea. Angela Barussi. Forma Libera-ko burua. Ondarearen inguruko komunikazioa lantzeko estrategiak. Italiako Parma probintzian jaio zen, Parmigiano Reggiano ekoizten zuen familia batean. Letrak, Arte Ederrak eta Museologia ikasi zituen Boloniako eta Bartzelonako Unibertsitateetan. 1998an Forma Libera (estrategia-, marketin- eta komunikazio-agentzia) sortu zuen. Izen handiko profesionala nekazaritzako elikagaien sektorea promozionatzeari eta balioesteari dagokionez. Bere enpresaren bitartez, produktuak nazioartekotzeko eta marka eta irudia balioesteko proiektuak diseinatzen eta sustatzen ditu, Europan ohikoak diren produktuak sustatzen eta babesten dituzten enpresa askorentzat. Elikadura-ondarea balioesteari buruzko artikulu, saiakera eta liburu ugari eman ditu argitara. Italian eta Espainian bizi eta lan egiten du.
- 16:15etik 16:30era. Galde-eskeak.
- 16:30etik 17:30era. Eva Ugarte andrearen (Bilbo) esposizioa. Garatuko den gaia: "Hiru Jatorri Deitura, Latxa ardiarekin burutu asmo den berrikuntza-proiektu baten inguruan". ARDI proiektua: Ardi Research, Development and Innovation. Esposizioak hizpide izango ditu Latxa, Manex eta Euskal Bearnoko arrazen lehiakortasuna areagotzeko, eta asentamendua eta ustiapena sendotzeko gaur egun martxan diren ekintza bateratuak; horretarako, gaur egun genetika hobetzeko dauden programak elkarrekin kudeatuko dira. Proiektuak Eskualde Garapeneko Europako Funtsaren (EGEF) baterako finantziazioa dauka, INTERREG POCTEFA programaren barruan. Eva Ugarte Sagastizabal. Biologian doktorea Madrilgo Unibertsitate Konplutentsean, eta animalien genetika hobetzen aditua da.
Gaur egun ikertzailea da, eta NEIKEReko Abere Ekoizpeneko Saileko genetika-arloko arduraduna. Genetika hobetzeko programak garatzeaz eta ezartzeaz arduratzen da, baita ebaluazio genetikoaren metodologia optimizatzeaz ere. Latxa arraza genetikoki hobetzeko programaz eta Euskal Autonomia Erkidegoko bertako arrazak kontserbatzeko programaz arduratzen den genetista da. Haren zientzia-lana datu zientifikoak jasotzen dituzten datu-baseetan jasotako 103tik gora aipamenetan islatzen da. Makina bat biltzar eta proiektutan hartu du parte, bai nazio-mailan, bai nazioarte-mailan. Europako Animalia Ekoizpeneko Elkarteko hausnarkari txikien batzordean Espainia ordezkatu zuen, 2007-2014 aldian. Animalien Errendimendua Kontrolatzeko Nazioarteko Batzordeko kidea da, hausnarkari txikien atalean.
- 17:30etik 17:45era. Galde-eskeak
- 17:45etik 18:15era. Atsedena - Kafea.
- 18:15etik 19:45era. Mahai-ingurua. IDIAZABAL JDko ordezkariek esku hartuko dute. Miriam Molina. ERRONKARI. Carmen Diaz de Cerio. Ossau Iraty Jean Michel Barreix. Moderatzailea: Enric Canut. Kataluniako gaztagile aditua.

Urriaren 5a, ostirala

Turismoa eta gastronomia Idiazabal gaztaren inguruan

Gaztaren inguruko turismoa, "Gaztaturismoa"

- 9:00etatik 9:30era. Aurkezpen instituzionala: Turismo gastronomikoa Gipuzkoan eta Euskadin.
- 9:30etik 9:50era. Niko Osinalde jaunaren esposizioa. "Idiazabal gazta: Goierri eskualdearen turismo-suspertzailea". Turismoaren posizionamenduaren analisiaz hitz egingo du Goierriren sustapen eta merkaturatze turistikoan erabilitako hainbat ikuspuntutatik. Sustapen eta merkaturatze horren azken emaitza "Idiazabal lurraldea" deritzona da. Niko Osinalde Ormaiztegin jaio zen 1969an. Euskal filologian lizentziaduna da Deustuko Unibertsitatean. 16 urte zituela izan zuen lehen harremana turismoarekin. Garai hartan, turismo-gidari lanetan jardun zuen eta sustapen eta prestakuntza lanak ere egin ditu turismoa garatzeko taldeen irakasle gisa, Gipuzkoan eta Bizkaian. Landa eta kultura turismoari eta turismo jasangarriari buruzko hitzaldiak eman ditu Euskal Autonomia Erkidegoan eta beste erkidegoetan, eta landa turismoaren inguruko aholkularitza lanak ere egin ditu hainbat lurralde eta nazio desberdinetan. Euskadiko Turismo Saria jaso zuen 2005ean. 1997az geroztik Goierriko Turismo Agentziaren Zuzendaria da. Azken urteotan Goitur-ek "Basque Highlands" eta "Idiazabal lurraldea" markak sustatu ditu: biek ala biek Goierri natura eta gastronomia xede gisa sustatzen dute, zenbateraino eta Goierrik 2015ean Europar Batzordeak ematen duen EDEN saria jasotzeraino, turismo jasangarrian Europako Bikaintasunaren Xede izaera aitortuta.

- 9:50etik 10:10era. Leire Arandiaren esposizioa. Idiazabal gazta oinarri duen turismo-produktua. "Idiazabal Gaztaren ibilbidea eta gaztaren inguruko bestelako esperientziak". Leire Arandia 1976an jaio zen. Enpresa Administrazioan eta Zuzendaritzan lizentziaduna da Deustuko Unibertsitatean, Zuzendaritza Estrategikoaren espezialitatean. Ikasketa horiek osatzeko, master bat burutu zuen Helsinkiko Teknologiako Unibertsitatean: International Business Linkage Programme. 1999tik 2004ra bitartean, ETORPENSION borondatezko gizarte-aurreikuspeneko erakundearen kanpo-harremanetarako departamentuaren buru izan zen. 2004an, 6 hilabetez, NORGESTION aholkularitzako marketin- eta komunikazio-arloetako arduraduna izan zen. Arazi Sozietate Kooperatiboan lan egin ondoren, Ordiziako d'Elikatuz interpretazio-zentroaren zuzendaritza hartu zuen. Gaur egun, eta ERRO Kooperatiba Elkartearen barruan (jabekidea eta langilea) Ordiziako d'Elikatuz zentroa eta Idiazabalgo Gaztaren Interpretazio Zentroa kudeatzen ditu. 2014tik, "Idiazabal gaztaren ibilbidea" izeneko turismo-produktua garatzen ari da.

 - 10:10etik 10:45era. Mikel Zeberio jaunaren esposizioa. "Idiazabal gazta sukaldaritzan eta sukaldaritzatik kanpo baliatzeko aukera berriak". Mikel Zeberio. Gurasoak sukaldariak zituen. Gaztaroa fisika, kimika eta biologiako liburuen tartean eman zuen, baina azkenerako gastronomia nagusitu zitzaion. 1982an taberna-gaztandegi bat ireki zuen Bilbon: Bordatxo. 1988an gaztagintzan hasi zen Plentzian. 1991n "Gastronomika" izeneko aldizkaria sortu zuen, eta 1997ra arte aldizkaria landu zuen Unibertsitateko irakasle lanekin batera. 1999an, Viandar aldizkaria sortu zuen, eta aldi berean, hainbat hedabiderekin lankidetzan jardun zuen (Euskadi Irratia, ETB 1eko "Sustraia" programa, Antena 3, Pan y Mantel...). Gaur egun bi egunkaritan idazten du: Deian eta Nafarroako, Gipuzkoako eta Arabako Diario de Noticias-en. Hainbat ardo-gida landu ditu; horietako bat berak argitaratu zuen, eta beste hainbat Everest argitaletxeak (100 mejores vinos del País Vasco; 100 mejores vinos de Castilla y León, 100 mejores vinos de Navarra, besteak beste). Irakaslea da Basque Culinary Center-eko graduetan eta masterretan; hainbat jatetxeren aholkularia da; eta munduko hainbat lekutan (Alemania, Estatu Batuak, Italia, Brasil, Mexiko, besteak beste) gastronomia-jaialdiak antolatzen ditu. Hainbat sari jaso ditu: sukaldariarena, Madril Fusioko gastronomia-kritikariena; Alimentos de Españarena; Gastronomiaren Euskadi Sariak; eta berriki, "Gastronomiako Sari Nazionala", kazetaritza-lanik onenari.

- 10:45etik 11:00etara. Atsedena - Kafea.
- 11:00etatik 11:30era. Xabier Font jaunaren esposizioa (Bartzelonako Diputazioko Turismo Bulego Teknikoaren buru).Bartzelonako Diputazioko Tokiko Garapen Ekonomikorako Sailetik, gastronomia-produktuari balioa emateko dauden esperientziak izango ditu hizpide. Esperientzia horiek aukera ematen die ekoizleei ekonomia dibertsifikatzeko; besteak beste, "Productes de la Terras", “Alicia´t” Bartzelonako probintziko gastronomia jaialdia, ekoizleei bisitak egin eta haiekin harremanetan egon, azoka-kontzeptu berriak eta produktuak sustatu. Xabier Font Geografian doktorea da Bartzelonako Unibertsitatean, lizentziaduna Gorputz Heziketan, eta masterra du Kudeaketa Publikoan. Turismoaren kudeaketa publikoan espezializatuta dago. Bartzelonako Diputazioan egiten du lan, Turismoko Bulego Teknikoko buru. Bartzelonako Unibertsitateko irakasle elkartua da Geografia Sailean, eta ANTERRIT Ikerketa Talde Kontsolidatuko kidea (lurraldearen analisia eta eskualde-garapena). Irakasle espezializatua da turismoaren eta lurraldearen arloetan, turismoaren kudeaketa publikoan eta turismoaren plangintzan. Bartzelonako Unibertsitate Autonomoaren, Kataluniako Unibertsitate Politeknikoaren eta Kataluniako Unibertsitate Irekiaren hainbat ikastarotan eta azterlanetan parte hartu du Turismoko Mundu Erakundearekin lankidetzan.
- 11:30etik 12:00etara. Iñigo Alvarez de Eulate jaunaren esposizioa. Garatuko den gaia: "Gaztaren Europako ibilbidea. Udalerri gaztagileen artean turismo-proiektu bat garatu sarean". Iñigo Alvarez de Eulate, Bilbo 1972. Zientzia Politikoetan eta Soziologian lizentziaduna EHUn. Diplomaduna da Deustuko Unibertsitatean Europar Batasuneko Zerga Harmonizazioan. Gaur egun kudeatzailea da Europan (1998) eta Maiatzaren 9a Kultura Elkartearen aholkularia (bazkide fundatzailea). Halaber, Europako Mugimenduaren Euskal Kontseiluaren presidentea da; horretan ere bazkide fundatzailea. Europako Parlamentuko berriemaileen sareko kidea da. Eusko Jaurlaritza, foru-aldundi eta makina bat udali emandako kudeaketa-, diseinu-, analisi-lanen eta laguntza teknikoko lanen zerrenda amaiezina da, hemen jasotzerik ez duguna. Biltzar honi dagokionez, Estatuko eta Europako proiektuak sortzeko eta dinamizatzeko laguntza teknikoa eman du Gaztaren Europako Ibilbidea Elkartearentzat, baita Gaztaren Europako Ibilbideak Europar Kultura Ibilbidearen izendapena eratzeko eta lortzeko ere.
- 12:00etatik 12:15era. Biltzarraren amaiera-ekitaldia.
- 12:15etik 14:00etara. Bisitaldia Segurako Ondarre gaztandegira. Bisitaldiari amaiera emateko, Idiazabal gazta dastatuko dugu.

OHARRA: Urriaren 4ko hitzaldiak aldibereko itzulpena edukiko du euskarara, gaztelaniara eta frantsesera.

Izen-ematea

IDIAZABAL GAZTA BERRIA SEVILLAN MOZTU DA
Joxe Mari Goenagak 'zinea' erabili du gazta moztu eta Andaluziatik bere agurra Ordiziara bidaltzeko, hartu behar zuen hegaldia bertan behera geratu eta gero
Kalitate sariak Mantxolak eta Dorreak jaso dituzte eta Zacarias Puente kantabriarra omendu da
"Idiazabal gazta, gure paisaien esentzia' hitzekin egin dio harrera gazta berriari Joxe Mari Goenaga zinemagile ordiziarrak Idiazabal gazta berriari. Ezin izan du Ordiziako udaletxeko batzar aretoan egon, atzo Sevillan hartu behar zuen hegaldia bertan behera geratu baitzen. Baina gidoia berehala prestatuta, Sevillan bertan 'sinbolikoki' gazta mozten bideoa grabatuta bidali du. Bere gurasoak eta 'Handia' filmako Joseba Usabiaga, Iñaki Gomez eta Iñigo Aranburu ordezkariak egon dira ekitaldian. Bere amak, Izaskun Balerdik, eta Joseba Usabiaga aktoreak moztu dute gazta berria Ordizian Goenagaren izenean.
Artzain Egunaren baitan beste behin antolatu den jai honetan Idiazabal Jatorri izendapeneko erregulartasun sariak ere eman dira. 2017 urteko Erregulartasun-kalitate sariak Makatza Gaztarekin Legazpiko Aitor Mantxolak eta Udabeko Dorrea Gaztandegi nafarrak jaso dituzte.
Batzar aretoa txiki geratu da beste behin. Udaleko ordezkariekin bat egin dute Eusko Jaurlaritzako eta Gipuzkoako Foru Aldundikoek. Hala, Bittor Oroz Jaurlaritzako Landa Garapeneko sailburuordeak eta Aldundiko Xabier Arruti Landa Garapeneko zuzendariak euren babesa eskaini diote artzainen lanari. Hauekin batera, beste erakundeetako ordezkariak, sukaldariak eta, bereziki, artzainak izan dira bertan. Jose Miguel Santamaria Ordiziako alkateak eta Jose Mari Uztarroz Idiazabal jatorri izendapeneko presidenteak ere hitza hartu dute. Artzainen esfortzua eta artzaintzaren balioak aitortu eta eskertu dituzte denek eta euren lanarekin erakundeen konpromisoa berretsi dute.
Zacarias Puente izan da edizio honetan omendua. Kantabriako Gazta Kofradiaren sortzailea da bera, besteak beste, gaztari, Ordiziari eta Euskal Herriari oso lututa dago eta Euskal Herritik kanpo Idiazabal Gaztaren difusioan egindako lana eskertu zaio.
'Sindikatoa', ehun urtez

Aurretik, 2020ean 100 urte beteko dituen nekazarien kooperatiba, 'Sindikatoa' inauguratu da. Berrikuntza sakon baten ondoren, helburu berriekin lanean segitzeko asmoa agertu dute, Ordiziako Euskalerri kalean dagoen egoitza-denda eta proiektuko arduradunek.
Gainera, hamaiketan puntuan, tradizioak agintzen duen moduan, 2.000 ardik baino gehiagok Ordiziako kaleak zeharkatu dituzte, mendirantza, aspaldiko garaietan egiten zen moduan.
Ahari erakusketara gerturatu direnek Gipuzkoako puntu desberdinetatik etorritako ahari eta ardi buruak ikusteko aukera izan dute. Beste behin, baita bildots erreak dastatzeko ere, ASPANOGI, Gipuzkoako minbizidun haurren gurasoen elkartearen alde.
Garagartza plazan bertan ile-mozketa erakustaldia eta ardi eta ahari erakusketa egin dira. Ondoko kaleetan artisauen postuak jarri dira.

GABONETAKO AZOKA BEREZIAK AURRE EGIN DIO EGURALDI TXARRARI

Eguraldiak lehen ordutan lagundu ez badu ere, ez da girorik falta izan Ordizian Gabonetako Azoka Berezian. Hau da, urtean zehar Ordiziako Udalak antolatzen dituen azoka berezietan azkena; azoka berezi hau bikaina eta salerosketan mugimendu dezentekoa izan delakoan gaude, mahaiaren inguruan ospatzen ditugun jaietarako despentsa bete ahal izateko.

Bertako produktuak atsegin dituztenentzat, Ordizia osoa bihurtu da orain ere azokaleku, erosle eta saltzaileen arteko elkargune. Hori guztia dela eta, Ordiziako Udalak, beste hainbat erakundeekin elkarlanean, erakusketak, lehiaketak eta ekintza ugari prestatu ditu goiz ederra igaro ahal izateko, eta jai giroan murgiltzeko.

2017 URTEAN NAZIOARTE MAILAN SARITUAK IZAN DIREN IDIAZABAL J.I. GAZTANDEGIEI AITORTZA EKITALDIA

Ordiziako Gabonetako Azoka Bereziaren baitan, Idiazabal Jatorri Izendapenak, ohore handiz ospatu du, Ordiziako IDIAZABAL GAZTAREN KOFRADIAREkin elkarlanean, 2017an Nazioarte mailan sarituak izan diren Idiazabal Jatorri Izendapeneko gaztandegien aitortza ekitaldia. Izaro Iraetak aurkeztu du ekitaldia, erakundeetako ordezkariak lagun zituela (Ordiziako Udala, Gipuzkoako Foru Aldundia, Eusko Jaurlaritza, Nafarroako Gobernua...) eta gaurko protagonistak izan diren gaztagile sarituak zoriondu nahi izan dituzten beste hainbat lagun.
Ekitaldia Goierriko Bertso Eskolako bertsolarien bina bertsorekin hasi da, ondoren Idiazabal Jatorri Izendapeneko Jose Mari Ustarrozek, gaztandegiei eskertza hitzak zuzendu dizkielarik, Jatorri Izendapena eta Idiazabal Gaztaren sustapenean egiten duten lanagatik. Ekitaldian parte hartu dute baita ere Arantza Tapia, Ekonomia Garapen eta Lehiakortasunerako Sailburuak, Bittor Oroz Nekazaritza, Arrantza eta Elikagaien Politikarako Sailburuordeak, Jose Migel Santamaria Ordiziako alkateak eta Jesus Mari Ormaetxea, Idiazabal Gaztaren Kofradiako Maisu Handiak.
Izaro Iraetak, banan banan saritu guztiak aurkeztu ditu, ospatu den azken Lehiaketatik hasiz:
Hamaikagarren urtea da Idiazabal Jatorri Izendapeneko gaztandegiek WORLD CHEESE AWARDS lehiaketan parte hartzen dutela eta aurreko urteetako bezain emaitza bikainak ateratzen dituztela. Emaitza ezinhobea izan da aurtengoan ere, 52 domina lortuz: Urrezko 8, zilarrezko 12, eta brontzezko 32.
Beste lehiaketan hauetan ere sariak jaso dituzte: 2017 "Gourmet Quesos" lehiaketa, 2017 "Roma Saria" nazioarteko lehiaketa eta Great Taste 2017.

Aipamen berezia merezi du 2017ko Espainiako Elikagai onenen lehiaketan, Ardi Gazta onenari Eulateko Ricardo Remirok jasotako sariak.

Sarituen zerrenda

San Sebastian Gastronomikak 8.750 euro ordaindu dute enkantean irabazi duen gaztarengatik

‘Zeruan gaude’, esan du Nafarroako familia garaileak
Otsailean eginiko gazta nafarrak irabazi du Ordizian gaur ospatu den Artzainek eginiko Ardi latxa gazta Lehiaketaren 45. edizioa. Lekarozko SC Kortariak aurketu du gazta ketua, ‘orekatua’. Orain ‘zeruan’ daudela eta, irabaztearen ondorioak zer ekarriko zain dago artzain familia. Duela lau urte hasi ziren gazta egiten eta aurten Uharte Arakilgo sari nagusia eraman du. Bigarren saria etxean geratu da, Joseba Intsausti ordiziarrak irabazi baitu.
750. urteurrenari keinua
San Sebastian Gastronomikak urrian, 7tik 10era Donostian egingo den gastronomia kongresura eramateko enkantean aurkeztu da. Eta baita irabazi ere 8.750 euro ordainduta. Erakundeak 20 urte beteko ditu eta hori ospatzeko aurten mundu mailako gastronomía kongresurik ospetsuena ekarriko du hirira aipaturiko egunetan. Tokiko produktuak bultzatzea du helburuetako bat eta denak kontutan hartuta lehiatu da enkantean. Ordiziako hiribilduak 750 urte dituelakoan jarri du enkantea eramateko 8.750 euroko diru kopurua. ‘Gazta ahalik eta jende gehienak dastatzeko aukera izatea’ espero du erakundeko ordezkariak.
Nahiz eta lehen orduan eguraldiak ez duen asko lagundu, giro jatorrean ospatu da gaur beste behin Ordiziako Euskal Jaietako aparteko azoka. Asteazkeneroko azokaz eta gazta lehiaketa entzutetsuz gain, fruitu eta barazki lehiaketa, perretxiko erakusketa, euskal oiloen lehiaketa eta Gipuzkoako Piriniar Arrazako Behi-Azienden lehiaketa ere izan dira Ordizian. Kalean jendearen joan etorria etengabekoa izan da, eta Goierriko produktu onenak bertatik bertara ikusi, erosi eta dastatzeko aukera izan dute feriara inguratu direnek. Asteazkeneroko azoka ere apain zegoen Plaza Nagusian.

Arratsaldez pelota eta herri kirolak

Arratsaldean festak jarraitu egingo du. Profesionalen arteko eskuzko bi pilota partida jokatuko dira Beti-Alai pilotalekuan, eta 19:30ean, Joxemiel Barandiaran plazan, Herri Kiroletako erakustaldia egingo da: aizkolariak, harrijasotzaileak, trontza, txingak... Ordiziako Euskal Jaiak igandean bukatuko dira, Lazkao Txiki XXVIi. Bertsopaper Lehiaketaren sari ematearekin

Lehiaketak. Irabazleen zerrendak

ARTZAINEK LATXA ETA KARRANTZANA ARDI-ESNEZ EGINDAKO XLV. GAZTA-LEHIAKETA

1.-Saria . 1.750 euro - KUTXAren garaikurra – 12.000 etiketa esaldi honekin: ORDIZIAKO TXAPELDUNA, ARTZAIAREN IZENA eta URTEA eta Diploma
SC Kortaria (Lekaroz, Nafarroa)
2. Saria. 850 euro Ordiziako Udalaren saria eta diploma.
Joseba Intsausti (Ordizia, Gipuzkoa)
3. Saria. 500 euro Ordiziako Udalaren saria eta diploma.
Unai Lekuona Ruiz de Luzuriaga (Aia, Araba)
4. Saria. 250 euro eta Diploma.
La Leze SC (Ilarduia, Araba)
5. Saria. 220 euro eta Diploma.
Aizpea EZ (Olaberria, Gipuzkoa)

Edizio honetan, aurre dastaketaren ondoren sailkatuak izan diren 14 artzainei FINALISTAREN DIPLOMA bana eman zaie.

FRUITU ETA BARAZKI LEHIAKETA
FRUTAK
1.- Maddi Iradi, Zabaloene baserria (Hernani)
BARAZKIAK
1.- Argiñe Rubio, Txillarre (Elgoibar)
2.- Kontxi Zinkunegi, Muino baserria (Donostia)
3.- Jose Lonbide, Unzilla ortue (Aretxabaleta)
KANPOKOAK
1.- Igor Lete, Iparragirreko ortue (Ispaster)

ASTEROKO AZOKAKO POSTU HOBERENEI AIPAMENAK
Patxi Izagirre, Montes etxea (Ibarra)
Patxi Arizmendi, Iturrioz Baserria. (Arama)
Edurne Jauregi, Irabiazpi Baserria. (Baliarrain)
Anttoni Murgiondo, Beko-Etxe (Gabiria)

PERRETXIKU LEHIAKETA. AIPAMEN BEREZIA
1.- Maddi Iradi, Zabaloene baserria (Hernani)

EUSKO OILOAREN LEHIAKETA
- Lehen Saria. Beltza
José Pablo Larrea (Oñati)
- Lehen Saria. Gallina Gorria
Antonio Alvarez (Getaria)
- Lehen Saria. Lepasoila
Maria Jesús Lejardi (Markina)
- Lehen Saria. Marraduna
Igor Garmendia (Zaldibia)
- Lehen Saria. Zilarra
Mikel Albizuri (Getaria)
- Lehen Saria . Lotea
Mikel Albizuri (Getaria)
- Bigarren saria . lotea
Antonio Alvarez (Getaria)
- Lehen Saria Goierriko Loteari
Igor Garmendia (Zaldibia)

GANADU LEHIAKETA
1º/ 12-18 hilabete bitarteko bigantxak
1.premio: Urkimendi baserria (Arrasate)
2.premio: Garagartza Gain (Azpeitia)
3.premio: Dolaetxe Elkartea (Oñati)
2º/ 18-24 hilabete bitarteko bigantxak
1.: Urbizu Berri baserria (Idiazabal)
2.: Zokolo Berri baserria (Zestoa)
3.: Garagartza Gain (Azpeitia)
3º/ 2-3 urte bitarteko bigantxak
1.: Zokolo Berri baserria (Zestoa)
2.: Urbizu Berri baserria (Idiazabal)
3.: Urkimendi baserria (Arrasate)
4/ 3-5 urte bitarteko behiak
1.: Urkimendi baserria (Arrasate)
2.: Urbizu Berri baserria (Idiazabal)
3.: Zokolo Berri baserria (Zestoa)
5º/ 5-7 urte bitertako behiak
1.: Urkimendi baserria (Arrasate)
2.: Zubeldi-Erdi (Abaltzisketa)
3.: Urbizu Berri baserria (Idiazabal)
6º/ 7-9 urte bitarteko behiak
1.: Urbizu Berri baserria (Idiazabal)
2.: Zubeldi-Erdi (Abaltzisketa)
3.: Urkimendi baserria (Arrasate)
7º/ 9 urte baino gehiagoko behiak
1.: Zokolo Berri baserria (Zestoa)
2.: Urbizu Berri baserria (Idiazabal)
3.: Garagartza Gain (Azpeitia)
HAZITIK SORTUTAKO URRIXA ONENA (ABEREKINGO SARIA )
URKIZU BERRI, Idiazabal
BURU DOTOREENA DUEN BEHIA (HEBEKO SARIA )
ZOKOLO BERRI, Zestoa

2018an  Ordizian ospatuko diren azoka berezien egutegia prest dago. Honakoa da:

• Apirilak 4, ARTZAIN EGUNA
• Data zehazteke ANTZINAKO AZOKA
• IrailaK 5, EUSKAL JAIETAKO AZOKA
• Abenduak 26, GABONETAKO AZOKA

ORDIZIA
2017ko EGUBERRITAKO AZOKA BEREZIA
Abenduaren 27an, asteazkena.

Datorren asteazkenean, abenduaren 27an, Eguberrietako aparteko azoka izango da Ordizian. Hau da, urtean zehar Ordiziako Udalak antolatzen dituen azoka berezietan azkena; azoka berezi hau bikaina eta salerosketan mugimendu dezentekoa izango delakoan gaude, mahaiaren inguruan ospatzen ditugun jaietarako despentsa bete ahal izateko.

Bertako produktuak atsegin dituztenentzat, Ordizia osoa bihurtuko da orain ere azokaleku, erosle eta saltzaileen arteko elkargune. Hori guztia dela eta, Ordiziako Udalak, beste hainbat erakundeekin elkarlanean, erakusketak, lehiaketak eta ekintza ugari prestatu ditu goiz ederra igaro ahal izateko, eta jai giroan murgiltzeko. Jai giroari dagokionez, trikitilariak eta dultzaineroak ibiliko dira kalerik kale, txoko guztiak animatzeko.

Goizeko lehen ordutik aurrera, Beti Alai pilotalekuan kapoi, antzar eta indioilar erakusketa izango da. Eta horien ondoan ez da faltako pottoka eta txahalik.

Plaza Nagusian asteroko azoka izango da. Garagartza Plazan berriz, Euskal Herriko errege-sagar lehiaketa-erakusketa izango da; baita bertako fruitu lehorren eta bestelako frutaren lehiaketa-erakusketa ere. Gargartza Plazan ere txerri erakusketa izango da, Bidaniako Pedro Urdapilletak ekarritako euskal txerriekin..

Ordiziako aparteko azoka zabal horretan eskuz landutako produktuek ere, bere lekua izango dute Garagartza Plazan eta ingurumarian: foie-grasa, eztia, gazta, ogia, goxokiak,... Hori horrela, azoka osatuagoa izango dugu gabon jai hauei begira: Plaza Nagusian baserritarrek produkturik onenak eskainiko dituzte eta Garagartza Plazan eta beste kaleetan eskuz landutako gainerako produktuak.

Honetaz gain, joan den urtean bezela eta aparteko azoka honen babesean, Idiazabal Gazta Jatorrizko Deiturak, Ordiziako Udala eta Idiazabal Gaztaren Kofradiarekin elkarlanean, ohore handiz, 2017 urtean zehar nazioarte mailan sariak irabazi dituzten gaztandegiei Esker Oneko Ekitaldia antolatu du. Saritutako gure gaztagileak Ordizian izango dira datorren asteazkenean, Udaletxe azpiko arkupean goizeko 11.00tan ospatuko den ekitaldian. Aurtengoan ere, Plaza Nagusian Lazkaoko Aldasoro-Berri jatetxeko sukaldaria izango dugu "Ordiziako Azoka" pintxoak Idiazabal eran prestatzen inguratzen direnei banatzeko.

TXU-TXU TREN TURISTIKOA

Eguberritako kanpainaren barruan abenduaren 15 eta 16an martxan egon den Txu-txu tren turistikoak abenduaren 27ko goizean zehar eta eguberritako azoka bereziarentzat zerbitzua emanez, auzo eta aparkaleku guneetatik joan etorri zerbitzua emango du. Arratsaldean berriz, herriko kasko historikoan zehar ibiliko da, 18.00tan bisita turistiko berezia eginez.

"ORDIZIAKO TRENERA IGO ZAITEZ" KANPAINA

Turismo eta merkataritzako elkarlanetik datorren aukera hau eta Trena Ordiziara datorrela ikusirik, D´elikatuz zentroan baita Txu-txu trenean ere Ordiziako informazioa duen diptiko bat jasotzeko aukera izango dute bisitariek. Diptiko honetan Ordiziak eskualdeko eta kostaldeko beste herriengan duen gertutasuna azaldu nahi da, Ordizia bisitatu eta bertako aisia, turismoa eta erosketa aukera gozatzera gonbidatuz. Batez ere, asteazkenero ospatzen den azokara, ospatzen diren azoka berezietara eta kasu honetan Eguberritako kanpainara gonbidatuz.
Diptikoa jasotzen duten bisitari edo herritarrek, Ordiziako saltokietan erosketa bat egin eta diptikoan honetara zuzendua dagoen tartean zigilua jarriz, beraien datuekin D´elikatuz zentroan diptikoa aurkeztu eta Goierriko produktuen sorta baten zozketan parte hartzeko aukera izango dute.

Jai goiza osatzeko eta giroa alaitzeko, trikitilariak eta dultzaineroak ibiliko dira Ordiziako kaleetan.

Eguna bukatzeko, D´elikatuz Zentroan arratsaldeko 19.00tan eta Ordiziako Idiazabal Gaztaren Kofradiarekin elkarlanean Idiazabal Gazta, gazta urdinak eta Jerezeko ardoen dastaketa eskeiniko da. Jerezeko ardoetan aditua den Iban Mate sukaldaria bertan izango da baita Javier Miguel ere "Graphic recording" teknikan aditua. Izen-ematea D´elikatuz Zentroan edo 943882290 telefonoan egitea ezinbestekoa da.

Zalantzarik gabe, egun eder eta atsegina pasatzeko aukera bikaina izango du Eguberrietako azoka berezi honetara, asteazkenean, hilak 27, Ordiziara etortzen denak.

Era horretan, Gipuzkoako abenduko azoka egutegia osaturik geldituko da: Zumarraga-Urretxuko Santa Luziarekin hasi, Tolosakoarekin jarraitu, Donostiako, zein Arrasateko
Santo Tomas azoken ondoren Ordiziako Eguberrietako azoka berezia eta Elgoibarko Gabon zaharretako azoka bereziarekin urtea amaitzeko.