JESUS ANSOLA “MAUSITXA”K IRABAZI DU “ORDIZIA TXAPELDUN” XXVII. GAZTA LEHIAKETA

Gaur larunbata, azaroak 15, XXI. Arabar Errioxako Azokarekin batera, Ordizia Txapeldun gazta lehiaketaren XXVII. ekitaldia ospatu da Ordiziako Plaza Nagusian. Elgoibarko Jesus Ansola “Mausitxa”, izan da oraingoan irabazle. Bere gaztak 8,45 puntu atera ditu eta Urrezko Gazta eramateko atetan gelditu da 8,5eko puntuazioa gainditzeko oso gutxi falta izan baitzaio.

Txapeldunen txapeldunaren XXVII. ekitaldia

azken hamar urteetako (2005etik 2014ra) irabazleak lehiatu dira haien artean. Ekitaldia Ordiziako Idiazabal Gaztaren kofradiak eta Udalak antolatu dute, Idiazabal Jatorri Izendapenaren laguntzaz.

Honako gaztagileak aritu dira lehian gaurkoan: 2005, 2007 eta 2009ko irabazle Jesus Ansola Juaristi (Mausitxa baserria-Elgoibar); 2006 eta 2010eko irabazle J. Aranburu Elkartea (Idiazabal); 2008, 2011 eta 2013ko irabazle Ricardo Remiro Aguirre (Eulate), 2012ko irabazle Jon Etxebarria (Zeanuri), eta azkenik aurtengo irabazlea, Ondarreko Karmele Murua (Segura).

Ongorengoa izan da azken sailkapena:

1. Saria. Jesus Ansola “Mausitxa” (Elgoibar)

2. Saria. Ricardo Remiro Agirre (Eulate)

3. Saria. J. Aranburu Elkartea (Idiazabal)

4. Jon Etxebarria “Ipiñaburu” (Zeanuri)

5. Ricardo Remiro Agirre (Eulate).

6. J. Aranburu Elkartea (Idiazabal)

7. Jesus Ansola, Mausitxa (Elgoibar)

8. Ricardo Remiro Agirre (Eulate).

9. Jesus Ansola, Mausitxa (Elgoibar)

10. Karmele Murua “Ondarre” (Segura)

Hiru lote hoberenak diru-saria jaso dute: 300 euro irabazleak, 200 bigarrenak eta 100 hirugarrenak. Hamarretik zazpiko puntuazioa gainditu dutenez, urrezko, zilarrezko eta brontzezko dominak eskuratu dituzte lehen hiru sailkatuek.Lenengoa, Urrezko Gazta irabazteko atetan gelditu da zortzi puntu eta erdi gainditu ez dituelako 8,45 punturekin.

Epaimahaia honakoek osatu dute: Juan Manuel Garmendia (Gastronomiazko Euskal Anaiartea ), Iker Markinez (Kuko Jatetxea, Ormaiztegi), Jesus Salmerón (Idiazabal Jatorri Izendapeneko teknikaria), Tristan Montenegro (Donostiako ostalaria), Maider Gaztañaga (Triatloilari Ordiziarra), Marta Albisu (Idiazabal Jatorri Izendapeneko teknikaria), Jose Juan Castillo (Basque Culinary Center-eko irakaslea) eta Felix Ibargutxi (Diario Vascoko kazetaria). Lehiaketaren presidente bezala Jose Juan Castillo aritu da.

Segurako Mari Karmen Muruak irabazi du 41. Gazta lehiaketa, eta AMPOk 13.050 euro ordaindu ditu gazta erdiarengatik

Elgoibarko Mausitxa sailkatu da bigarren, eta Joseba Insausti ordiziarra hirugarren

Idiazabalgo enpresak enkanteko errekorra hautsi du, 2004. urteko 12.100 euroak nabarmen gaindituz

Segurako Ondarre baserriko Mari Karmen Muruak irabazi du Artzainek Latxa Ardi-Esnez egindako 41. Lehiaketa. Bigarren Elgoibarko Mausitxa sailkatu da, hirugarren Joseba Insausti ordiziarra, Azpeitiko Berastegi elkartea laugarren eta Iruraiz-Gaunako Hnos. Audicana Saez de Bikuña bosgarren. Gazta erdiaren enkantean, berriz, errekor guztiak hautsi ditu Idiazabalgo AMPO enpresak, 13.050 euro ordainduta, 2004an Lierni Patxi erretegiaren 12.100 euroak nabarmen gaindituz. AMPO enpresa Beasaingo Hurbileko Jaleak dendarekin aritu da lehian enkantean. Iaz, Bergarako Bolintxo Okindegiak 7.500 euro ordaindu zituen.

Eguzkia lagun, giro jatorrean ospatu da gaur Ordiziako Euskal Jaietako aparteko azoka. Asteazkenoroko azokaz eta gazta lehiaketa entzutetsuz gain, fruitu eta barazki lehiaketa, perretxiko erakusketa, euskal oiloen lehiaketa eta Gipuzkoako Piriniar Arrazako Behi-Azienden lehiaketa ere izan dira Ordizian. Kalean jendearen joan etorria etengabekoa izan da, eta Goierriko produktu onenak bertatik bertara ikusi, erosi eta dastatzeko aukera izan dute feriara inguratu direnek. Asteazkenoroko azoka ere apain zegoen Plaza Nagusian.

52 gaztagile lehian

Gaurko azokari sona ematen dion ekitaldia Gazta lehiaketa izaten da. Gaur ere jendez gainezka egon da Beti-Alai pilotalekua. 52 artzainek hartu dute parte lehiaketan: Gipuzkoakoak 24, Nafarroakoak 12, Arabakoak 10 eta Bizkaikoak 6. Gaztak, berriz, 28 ketugabeak izan dira eta 24 ketuak. Aipagarria da lehen 14 onenen artean ez direla sailkatu azken bi urteetako txapeldunak: Ricardo Remiro (Eulate, Nafarroa) eta Jon Etxebarria (Zeanuri, Bizkaia).

ERDI-AROKO XIX. AZOKA - ORDIZIA

Maiatzaren 10 eta 11 (larunbata eta igandea).

ORDIZIAKO PLAZA NAGUSIA eta inguruetan

Ordiziako alde zaharra edo gune historikoa, berriro ere erdi aroko edo aintzinako periaren eskenatokia bihurtuko da, aurten bere HEMERETZIGARREN edizioa ospatzen delarik. Maiatza helduta eta artzain periaren arrastoak galtzeko denborarik eman gabe, berriro ere aparteko azoka batean murgilduko gara. "Antzinako Periak" tituluarekin, datorren asteburuan, Ordiziak erdi-aroko azokaren hemeretzigarren ekitaldia egingo du. Azoka berezia benetan, larunbata eta igandez, hilak 10 eta 11, Ordiziara bisitari ugari ekarriko duena.

Informazio gehiago

ARABAR ERRIOXAKO ARDOEN 20. AZOKA OSTIRAL ETA LARUNBATEAN

Larunbat eguerdian 27. ‘Ordizia Txapeldun’ gazta lehiaketa jokatuko da

Datorren ostiral eta larunbatean, hilak 14 eta 15, Arabar Errioxako ardoen 20. azoka ospatuko da Ordiziako Plaza Nagusian. Ardoa ez ezik, hainbat herrialdetako gazta dastatu eta erosteko aukera ere izango da, eta plazaren inguruan artisauak ere izango dira. Azokak honako ordutegia izango du: ostiralean 18:30-21:30 eta larunbatean 11:30-14:30 eta 18:30-21:30. Azokaren osagarri, ‘Ordizia Txapeldun’ gazta lehiaketa jokatuko da larunbatean, 12:30ean hasita.

Denera 15 upategitako ardoak dastatzeko aukera izango da, horietatik 10 Arabar Errioxakoak; gainontzeko laurak upategi gonbidatuak izango dira. Honakoak dira Arabar Errioxako 10 upategiak: Medrano Irazu, Lar de Paula eta Viña Laguardia (El Villar herrikoak), Bodegas Uribe, Laukote eta González Bocos (Laguardiakoak), Señorio de la Viñas eta Castillo de Laserna-Hermanos Fernández (Laserna), Miguel Angel Muro (La Puebla) eta Heredad Bello Berganzo (Samaniego). Gonbidatuen artean, Tomas eta Leire Bosque aita-alaba ordiziarrek sortutako “El catador de venenos” kluba dago.

Dastagai egongo diren gazten artean, Idiazabal Gazta ez ezik, Erronkari, Kantabria, Asturias eta Zamorako gaztak izango dira. Horiekin batera, olio, kontserba eta hestebeteak ere egongo dira bisitarien eskura. Ordiziako Siglo XX Harategiak aurrez prestatutako jakiak izango ditu salgai.

Azoka hau antolatuta hiru helburu lortu nahi ditu Ordiziako Udaleko Jai eta Azoka delegazioak: kalitatezko ardoak aurkeztea eta ezagutaraztea; upategiei haien ekoizpena ezagutarazten laguntzea; eta kontsumitzaileek kalitatezko produktuak estimatzea.

Txapeldunen txapelduna

Azokaren osagarri, 27. ‘Ordizia Txapeldun’ gazta lehiaketa ere jokatuko da larunbat eguerdian, 12:30ean hasita. Bertan, Euskal Jaietako Ardi Latxaren esnearekin egindako gazta lehiaketaren azken hamar urteetako (2005etik 2014ra) irabazleak lehiatuko dira haien artean. Ekitaldia Ordiziako Idiazabal Gaztaren kofradiak eta Udalak antolatzen dute, Idiazabal Jatorri Izendapenaren laguntzaz.

Honako gaztagileak arituko dira lehian larunbatean: 2005, 2007 eta 2009ko irabazle Jesus Ansola Juaristi (Mausitxa baserria-Elgoibar); 2006 eta 2010eko irabazle J. Aranburu Elkartea (Idiazabal); 2008, 2011 eta 2013ko irabazle Ricardo Remiro Aguirre (Eulate), 2012ko irabazle Jon Etxebarria (Zeanuri), eta azkenik aurtengo irabazlea, Ondarreko Karmele Murua (Segura).

Hiru gazta hoberenak diru-saria jasoko dute: 300 euro irabazleak, 200 bigarrenak eta 100 hirugarrenak. Hamarretik zazpiko puntuazioa gainditzen badute, urrezko, zilarrezko eta brontzezko dominak eskuratzeko aukera izango dute. Lehenengoak, Urrezko Gazta irabaziko luke zortzi puntu baino gehiago lortuz gero.

Epaimahaia honako zortzi lagunek osatuko dute: Mikel Zeberio gastronomoa, Iker Markinez sukaldaria (Kuko jatetxea), Jesus Salmeron (Idiazabal Jatorri Izendapena), Tristan Montenegro sukaldaria (Café de la Concha), Maider Gaztañaga ordiziar kirolaria, Iñigo Lavado sukaldaria (Iñigo Lavado jatetxea), Marta Albisu (Idiazabal Jatorri Izendapena) eta Felix Ibargutxi (Kazetaria).

EUSKAL JAIAK 2014 - ORDIZIA

Ostiral honetan, irailak 5, hasi eta hurrengo igandera arte, hilaren 14ra arte, iraungo du aurtengo Euskal Jaiak Ordizian. Aurreko urteetan bezala, egitaraua oparoa izango da. Besteak beste, datorren asteazkenean, irailak 10a, egingo den aparteko azoka eta latxa ardiaren esnez egindako gazta-lehiaketa azpimarratu behar ditugu.

Informazio gehiagorako

RUBEN TRINCADO, sukaldaria: "USAIN BIKAINA DUEN OPARIA"

"Usain bikaina duen oparia"", hala esan du gazteleraz ("Huele al regalo perfecto") Ruben Trincadok, Donostiako "El Mirador de Ulia" Jatetxeko sukaldariak eta Michelin izarrak, Ordiziako udal pleno aretoan egindako gazta mozketa ekitaldian. Idiazabal gazta gaztearen ale bat zatikatu du Trincadok eta horrela gazta denboraldi berria zabaldu du.

Ekitaldi bertan, ARDIEKIN hazi-jartze eta latxa arrazaren errekuperazio zentroari omenaldia egin zaio, bere 25. urteurrenean latxa eta karrantzana arrazak hobetzeko egindako lanagatik.

Artzain egunaren babesean erregulartasun-kalitate sariak eman zaizkie Olaberriako Santi Etxezarreta artzainari eta Sunbilako (Nafarroa) Lizun gaztandegiari.

Ekitaldi nagusian egon dira:

Igor Eguren Izagirre – Ordiziako Alkatea

Martin GARITANO – Ahaldun Nagusia

Bittor Oroz – Euskal Jaurlaritzako Nekezaritza eta Landa Garapeneko Sailburuordea

Jon Peli Uriguen – Berrikuntza, Turismoa eta Landa garapeneko Diputatua

Iker Ruiz de Eguino – Foru Aldundiko Turismoko Zuzendaria

Mikel Serrano- Zumarragako Alkatea

Niko Osinalde – Goiturreko Zuzendaria

Jose Mª Uztarroz – Idiazabal Izendapeneko Presidentea

Miriam Molina – Idiazabal Izendapeneko Gerentea

Ruben Trincado – El Mirador de Ulia jatetxea

Karlos Arguiñano

Atxen Jimenez – Tubal Jatetxea – Tafalla

Aizpea Oihaneder – Karma Jatetxea – Donostia

Joxean Eizmendi – Ilarra Jatetxea - Donostia

Ordiziako Idiazabal Gaztaren kofradiako kofradeak

Ordizia jendez gainezka

Hala ere, egunak ekitaldi nagusirako baino gehiagorako ere eman du. Ahari erakus-lehiaketara gerturatu direnek Gipuzkoako puntu desberdinetatik etorritako ahari eta ardi buruak ikusteko aukera izan dute. Baita bildots erreak dastatzeko ere. Horretarako ilara luzeak egin behar baziren ere.

Eta hamaiketan puntuan, tradizioak agintzen duen moduan, 2.000 ardik baino gehiagok Ordiziako kaleak zeharkatu dituzte, neguan, aspaldiko garaietan, egiten zen moduan.

AHARIEN LEHIAKETAK-ORDIZIA 2014 -- ARTZAIN EGUNA

ESNE KONTROLEKO AHARIEN TXAPELKETA

Emaitzak

MUTUR BELTZAK

Arkumetan

Makatza baserria (Legazpi)

Bildotsetan

Aizpea Elkartea. Aizpea Baserria (Olaberria)

Zaharretan

Makatza baserria (Legazpi)

MUTUR GORRIAK

Arkumetan

Jose Manuel Etxeberria. Agerre Berri Baserria (Getaria)

Bildotsetan

Jose Manuel Etxeberria. Agerre Berri Baserria (Getaria)

Zaharretan

Gomiztegi baserria (Oñate)

ERRAPE ERAKUSKETA-TXAPELKETA

Errape onena arditan:

Mutur Beltza

Aizpea baserria (Olaberria)

Mutur Gorria

Gomiztegi kooperatiba (Oñati)

Errape onena bildotsetan:

Mutur Beltza

Aizpea baserria (Olaberria)

Mutur Gorria

Gomiztegi kooperatiba (Oñati)

AHARIEN XVI LEHIAKETA MORFOLOGIKOA-

Arkume Ahariak (urte bat baino gazteagoak):

1º Julian Beloki. Ointzabal baserria (Beizama)

2º Julian Beloki. Ointzabal baserria (Beizama)

Bildots ahariak (bat eta bi urte bitartekoak):

1º Julian Beloki. Ointzabal baserria (Beizama)

2º Julian Beloki. Ointzabal baserria (Beizama)

Ahari zaharrak (bi urtetik gorakoak):

1º Julian Beloki. Ointzabal baserria (Beizama)

2º Resurrección Balerdi. Etxeluze Baserria (Altzo)

Lehiaketak. Irabazleen zerrenda

ARTZAINEK LATXA ARDI-ESNEZ EGINDAKO XLI. GAZTA-LEHIAKETA

1.- Saria. 1.550 euro, Kutxaren Gaikurra. 5.000 etiketa honako esaldi honekin: “ORDIZIAKO TXAPELDUNA ETA URTEA" eta ardiak larratzen diren mendiaren izena. Diploma.

Mari Karmen Murua. Segura (Gipuzkoa)

2. Saria. 750 euro, Garaikurra eta Diploma.

Jesus Ansola 'Mausitxa'. Elgoibar (Gipuzkoa)

3. Saria. 430 euro eta Diploma.

Joseba Insausti Mujika. Ordizia (Gipuzkoa)

4. Saria. 210 euro eta Diploma.

Berastegi elkartea. Azpeitia (Gipuzkoa)

5. Saria. 180 euro eta Diploma.

Hnos.Audicana Saez de Bikuña.            Iruraiz-Gauna (Araba)

FRUITU ETA BARAZKI LEHIAKETA

FRUITUAK

1.- MADDI IRADI                                 ZABALOENE BASERRIA (Hernani)

2.- RAMON ASEGINOLAZA                 KALBARIO BASERRIA (Idiazabal)

BARAZKIAK:

1.- PEIO RUBIO (BIOLUR)                   TXILLARRE (Elgoibar)

2.- MAITE ARANZABAL                                   AKULEBI ETXEA (Villabona)

3.- JONE IRIZAR                                 MUÑO BASERRIA (Donostia)

PERRETXIKU LEHIAKETA. AIPAMEN BEREZIA

1. MADDI IRADI

2. ZUÑIGA ANAIAK

EUSKO OILOAREN LEHIAKETA:

- Lehenengo saria. Beltza

Iñaki Izeta. (Aia)

- Lehenengo saria. Gorria

Maria Jesus Lejardi (Markina)

- Lehenengo saria. Lepasoila

MIkel Albizuri. Abeletxe Baserria (Getaria)

- Lehenengo saria. Marraduna

Nekane Gonzalez. Ibarrola-bekoa Baserria (Aia)

- Lehenengo saria. Zilarra

Iñaki Izeta. (Aia)

- Lehenengo saria. Lotea

Iñaki Izeta. (Aia)

- Bigarren saria. Lotea

MIkel Albizuri. Abeletxe Baserria (Getaria)

- Lehenengo saria. Goierriko lotea

Igor Garmendia (Zaldibia)

GANADU LEHIAKETA

SAILA : 1.go atala: -12-18 hilabete bitarteko bigarak

1. JUANJOSE URTEAGA ZUBIA Zokolo Berri Baserria ZESTOA

2. PRUDENCIO URKIA ARANA Urbizu Berri Baserria IDIAZABAL

SAILA : 2.go atala: -18-24 hilabete bitarteko bigarak

1. PRUDENCIO URKIA ARANA Urbizu Berri Baserria IDIAZABAL

2. DOLAETXEA ELKARTEA Dolaetxe Baserria OÑATI

SAILA : 3.go atala: -24-30 hilabete bitarteko bigak

1. AITOR ARANA Urkimendi Baserria ARRASATE

2. JOSE LUIS URAIN Otso txiki baserria ELGOIBAR

SAILA : 4. atala: Bi urte t´erditik hiru urte t´erdi bitartekoak

1. JUANJOSE URTEAGA ZUBIA Zokolo Berri Baserria ZESTOA

2. PRUDENCIO URKIA ARANA Urbizu Berri Baserria IDIAZABAL

SAILA : 5 atala: Hiru urte t´erditik bost urte bitartekoak

1. JOSE LUIS URAIN Otso txiki baserria ELGOIBAR

2. PRUDENCIO URKIA ARANA Urbizu Berri Baserria IDIAZABAL

SAILA : 6 atala: Bost urtetik zortzi urte bitartekoak

1. DOLAETXE ELKARTEA Dolaetxe Baserria OÑATI

2. IÑAKI ALKORTA EIZAGIRRE Garagartza Gain Baserria AZPEITIA

SAILA : 7 atala: Zortzi urte baino gehiago dituztenak

1. DOLAETXE ELKARTEA Dolaetxe Baserria OÑATI

2. JUANJOSE URTEAGA ZUBIA Zokolo Berri Baserria ZESTOA

HAZITIK SORTUTAKO URRIXA ONENA ( ABEREKINGO SARIA )

DOLAETXE ELKARTEA Dolaetxe Baserria OÑATI

BURU DOTOREENA DUEN BEHIA ( HEBEKO SARIA )

PRUDENCIO URKIA ARANA Urbizu Berri Baserria IDIAZABAL

GARIKOITZ NAZABAL Izar baserria ZALDIBIA

Uztaila eta Abuztua: Udako barazkiak, baratzetik platerara!

Ordiziako Azokak Martxoan jarri zuen ekimenari jarraiki, uztaila eta abuztuan udan ugariak diren bertako baserrietako garaiko barazkiak izango dira protagonista: tomatea, piparrak, piperminak, berenjenak, luzokerrak, kuiatxoak, lekak...Uztaila eta abuztuan, asteazkenero Goierri eskualdeko sukaldari gonbidatu bat etorriko da Ordiziako Plazara, baserritar batek utzitako produktuak sukaldatu eta dastatzera ematera. Asteazken honetan, Aramako Toki Alai Jatetxeko Ane Otegik Aramako Iturrioz Baserriko Patxi Arizmendik ekarritako barazkiak sukaldatuko ditu.

Apirilaren 23an Artzain Eguna ospatuko du Ordiziak

• 2.000 ardik baino gehiagok zeharkatuko dute herria
• Ruben Trincado, Donostiako Mirador de Ulia Jatetxeko jabea eta sukaldariak moztuko du gazta eta Ardiekin hazi-jartze eta latxa arrazaren errekuperazio zentroa omenduko da.
• Erregulartasun-kalitate sariak Santi Etxezarreta (Olaberria, Gipuzkoa) eta Luis Vicente Larrarteren Gaztandegiak (Sunbilla, Nafarroa) jasoko dituzte.

Ordizian 2014ko azoka berezien egutegiari hasiera emango dion Artzain Eguna ospatuko da apirilaren 23an Ordizian. Artzainak eta gazta dira protagonista goiz horretan. Besteak beste, Idiazabal gaztaren denboraldi berriaren aurkezpen ofiziala egingo da, Ruben Trincado, Donostiako Mirador de Ulia jatetxeko jabe eta sukaldariaren eskutik.

Ordiziako Udalak honako erakunde hauekin batera antolatu du azoka: ELE Latxa-ardiaren Gipuzkoako Elkartea, Lurgintza, Idiazabal Gaztaren Jatorri Izendapena, eta Ordiziako Idiazabal Gaztaren Kofradia.

Goizean goiz ekingo zaio egunari, Plaza Nagusian eta inguruetan egingo den asteroko azoka izango da protagonista. Horrez gain, gazta, Goierriko produktu eta Gipuzkoako artisauen saltokiak jarriko dira.

Aharien erakus- lehiaketa
Aurten, Garagartza plazan, 9:00etan hasita, latxa arrazako 50 bat artzainen aharien erakusketa-lehiaketa eta salmenta egingo da. Bertan, 200 abelburu inguru izango dira ikusgai, zalantzarik gabe, Euskal Herriko erakusleiho garrantzitsuena gai horren inguruan, kalitate eta kopuruz Euskal Herriko bakarra.
Bi motako animaliak izango dira lehiaketa-erakusketa horretan: latxa mutur-gorriak eta latxa mutur-beltzak.
Mutur-gorrien kasuan Aralar, Ernio, Izarraitz, Gabiria, Azpeitia edo Donostialdeko animaliak izango dira ikusgai. Mutur-beltzetan, berriz, Urbia, Elgoibar, Legazpi, Ordizia, Zerain eta Oñati ingurukoak.

Latxaren lehiaketa morfologikoa izango da. Baina, animali horien arraza estandarrean oinarrituko dira epaileak ardi latxaren hautapen-eskeman sartu gabeko animaliak puntuatzean. Era berean, hautapen-eskemako animalietan, genealogia-balioak izango du lehentasuna (gurasoak, kumeak), morfologiaren gainetik.

Garagartza Plazan gazta egingo da zuzenean haurren gozamenerako, nagusiki. Baina oso erakargarriak diren beste ekintzak ere izango dira. Esaterako, mamie dastaketa eta eguerdi partean ardien ile-mozketa, makinaz zein eskuz.

Transhumantzia birgogoratuz
Goizeko 11.00ak aldera, garai batean artaldeak negua bukatzen zenean mendira joateko herri barrutik igarotzen ziren bezala, Ordiziako Herri Zaharretik barrena ibiliko dira 2.000 ardi baino gehiago. Era horretan, gaur egun, garraioak ematen dituen aukerei esker ahaztua dugun pasadizoa bizi ahal izango dugu.

Ruben Trincado eta ARDIEKIN
11:15etan, Ordiziako Udaletxeko Batzar aretoan, Ruben Trincado, Donostiako Mirador de Ulia jatetxeko jabe eta sukaldariak Idiazabal gazta gaztea ebakiko du. Baina, aldez aurretik, ARDIEKIN hazi-jartze eta latxa arrazaren errekuperazio zentroari omenaldia egingo zaio, bere 25. urteurrenean latxa eta karrantzana arrazak hobetzeko egindako lanagatik. Baita, gaztaren erregulartasun-kalitate sariak banatuko zaizkie Olaberriako Santi Etxezarreta artzainari eta Sunbillako (Nafarroa) Luis Vicente Larrarteren gaztandegiari ere.

Ohitura den moduan, goiz guztian zehar Garagartza Plazan 40 Euskolabel arkume burruntzian prestatuko ditu Karlos Ibarrondok. 11.30etatik aurrera arkume pintxoak salgai jarriko dira eta bildutako dirua ASPANOGIrentzat, Gipuzkoako Haur Minbizidunen Gurasoen Elkartearentzat, izango da.

Bisitariek Idiazabal Pakete Gastronomikoaz gozatzeko aukera izango dute, non herriko 5 jatetxek "Idiazabal Menu" paregabe bat + D´elikatuz Elikadura eta Gastronomia Zentrorako sarrera bat eskainiko duten, guztia 23€tan.

Honetaz gain, Astigarragako "Sagardun" partzuergoarekin dagoen elkarlanaren baitan, D´elikatuz Zentroa bisitatzen duen orok aukera izango du Idiazabal Gazta eta Sagardoaren Lurraldeetako pasaporte gastronomikoa lortzeko. Honen bitartez, beste hiru museo ezagutzeko aukera izango du bisitariak, Astigarragako Sagardoetxea, Idiazabalgo Gaztaren Interpretazio Zentroa eta Ezkio-Itxasoko Igartubeiti. Behin pasaportea osatutakoan asteburuko egonaldi baten eta beste zenbait sariren zozketan parte hartzeko aukera izango du bisitariak.
Artzain eguneko programari D´elikatuz Zentroan emango zaio amaiera, hurrengo egunean, apirilak 24, goizeko 11.00tan 6-9 urte bitarteko haurrei zuzenduta egingo den Idiazabal Gazta dastaketarekin. Izen ematea ezinbestekoa izango da.

EGITARAUA

9:00- Ahari eta ardien erakusketa-lehiaketa Garagartza plazan.
Eusko Labela duten esne bildotsak burruntzi eran erreketa Garagartza Plazan.
11:00- Artaldeak igaroko dira gune Historikoan barrena.
11:15- Idiazabal gaztaren denboraldi berriaren aurkezpen ofiziala, Udaletxeko Batzar aretoan. Ruben Trincado, Donostiako Mirador de Ulia jatetxeko jabe eta sukaldariak ebakiko du gazta berria.
Aldez aurretik, Ardiekin hazi-jartze eta latxa arrazaren errekuperazio zentroa omenduko da, eta gazta kalitatearen eta erregulartasunaren sariak emango dira.
11:30- Gazta egitea eta mamie dastaketa, Garagartza plazan.
11:30- Eusko Labela duten burruntzian erretako esne bildotsen dastatzea, Garagartza plazan, ASPANOGIren, Gipuzkoako Haur Minbizidunen Gurasoen Elkartearen, alde.
12:15- Ile-mozte erakustaldia, Garagartza Plazan.
13:00- Lehiaketen garaikur-banaketa, Garagartza Plazan.

***Goizean asteroko ohiko feria egingo da, gazta-salmentarako eta Goierriko artisautza produktuen saltokiak ere jarriko dira. Trikitilariek eta dultzaina-joleek alaituko dute herria.