Berriak

odolki web

 

ORDIZIA
ASTEAZKENA , Azaroak 25, PLAZA NAGUSIA 11.00etan
GIPUZKOAKO XVII. ODOLKI LEHIAKETA

Gipuzkoako odolki egile eta harakinek hitzordua dute asteazken honetan, azaroaren 25ean, Ordizian. Txerri-harakin eta, oro har, harakinen gremioak Ordiziako Udalarekin batera Gipuzkoako XVII. Odolki lehiaketa antolatu baitute. Irabazleak txapela, garaikurra eta diploma jasoko du, eta bigarren eta hirugarren tokian sailkatzen direnei diploma eta garaikurra bana emango zaie; laugarren eta bosgarren sailkatuei diploma.

Odolki onena zein den erabakiko duen epaimahaia gastronomia arloko adituez osatuko da. Aurtengoan, Ordizian izango dira: sukaldarien ordezkari, Aizpea Oihaneder (Xarma jatetxea, Donostia) Joxean Eizmendi (Ilarra Jatetxea, Donostia); Roberto Ruiz (Frontón jatetxea, Tolosa), Eukene Navío (Hotel Castillo, Olaberria), Eneko Azurmendi (Lazkaoetxe jatetxea, Zaldibia), Ander Etxebeste (Oiangu Baserria, Ordizia), eta Imanol Gaztañaga (Zubibi Jatetxea, Ordizia); Jose Antonio Mujika eta Juan Garmendia harakin ohiak (Ordizia), Sonia Tapia (aholkulari gastronomikoa) eta Luis Mocoroa (Gastronomiaren Euskal Anaiarteko Lehendakaria).

Odolkia dastatzerakoan, azken batean, txiki-txiki eginda doazen osagaien artean oreka behar du: osagaien tamaina, zenbat gantz, tipula edo odol nahasketa duen. Barazkiek berdin samar txikituta egon behar dute.

Lehiaketa honen bitartez, betiko produktu honen kontsumoa bultzatu eta zabaldu nahi da. Halaber, kontsumitzaileari aukeran zer nolako produktua duen erreferentzia argi bat eman nahi zaio, baita gipuzkoar odolkiaren kalitatea zein den jakiteko parametro zehatzak eskaini ere
Honez gain, Ordiziako Azokaren 12 produktu 12 hilabete ekimenaren baitan odolkiaren ekoizpen prozesua Plaza Nagusian ikusteko aukera egongo da Juanita Murgiondo baserritarraren eskutik.

Gipuzkoako XVII. Odolki lehiaketa
- OINARRIAK -
1.- Lehiaketa honetan odolkia barazkiz, hau da Gipuzkoako odolkia egiten duen Euskadiko edozein herritan lizentzia fiskala duen odolki egile txikizkari, txerri-harakin eta harakinek har dezake parte. Beti ere 2. puntuan zehazten dena erabat betetzen badu.
2.- Gipuzkoako Odolkia bakarrik honako osagai hauek dituena da: tipula, porrua, odola, txerri gantza eta dagokion espeziak. Eta, noski, dena heste naturala erabiliz.
3.- Izena emateko hil honen 24a (asteartea) baino lehen nahitaez deitu behar dute honako telefono zenbaki hauetako batera: 943.272128 edo 943.27 76 62 (Txerri-harakin eta harakinen gremioaren Donostiako egoitza). Bertan hartuko zaizkio parte hartu nahi duenari izen-abizenak eta helbidea.
4.- Parte hartzaile bakoitzak lehiaketa bezperan BOST ODOLKI emango dizkie antolatzaileei. Harakinen gremioak mezularia bidaliko die parte hartzaileei odolkiak jasotzeko.
5.- Epaimahaiak dagokion dastaketa taula erabiliko du bere erabakia emateko.
6.- Epaimahaia sukaldaritza alorreko adituek osatuko dute.
7.- Irabazlea punturik gehien biltzen dituena izango da eta lehen saria ezin izango da hutsik geratu.
8.- Antolatzaileek sari hauek banatuko dituzte: Lehenengo saria, txapela , garaikura eta diploma. Eta bigarren eta hirugarren tokian sailkatzen direnek diploma eta garaikurra izango dute. Laugarren eta bosgarrenak diploma
9.- Lehiaketa 2015eko azaroaren 25ean da, goizeko 11.00etan, Ordiziako plaza Nagusian.

 

ganadulehiaketa2012web

 

Lehiaketak. Irabazleen zerrenda

ARTZAINEK LATXA ETA KARRANTZANA ARDI-ESNEZ EGINDAKO XLII. GAZTA-LEHIAKETA

1.- Saria.1.700 euro, Kutxaren Gaikurra. 12.000 etiketa honako esaldi honekin: "ORDIZIAKO TXAPELDUNA 2015" eta ardiak larratzen diren mendiaren izena. Diploma.
Jon Etxebarria (Zeanuri, Bizkaia)

2. Saria.825 euro, Garaikurra eta Diploma.
Patxi López de Uralde (Larrea, Araba)

3. Saria.475 euro eta Diploma.
Francisco Javier Muñoa (Zerain, Gipuzkoa)

4. Saria.225 euro eta Diploma.
Joseba Insausti (Ordizia, Gipuzkoa)

5. Saria.190 euro eta Diploma.
Patxi Otaegi (Beizama, Gipuzkoa)

FRUITU ETA BARAZKI LEHIAKETA

FRUITUAK

1.- MADDI IRADI ZABALOENE BASERRIA (Hernani)
2.- RAMON ASEGINOLAZA KALBARIO BASERRIA (Idiazabal)

BARAZKIAK:

1.- PEIO RUBIO (BIOLUR) TXILLARRE (Elgoibar)
2.- MAITE ARANZABAL AKULEBI ETXEA (Villabona)
3.- JONE IRIZAR MUÑO BASERRIA (Donostia)

PERRETXIKU LEHIAKETA. AIPAMEN BEREZIA

1. ZUÑIGA ANAIAK
2. MADDI IRADI

EUSKO OILOAREN LEHIAKETA:

- Lehenengo saria. Beltza
Hutsik geratu da

- Lehenengo saria. Gorria
Maria Jesus Lejardi (Markina)

- Lehenengo saria. Lepasoila
Mikel Albizuri. Abeletxe Baserria (Getaria)

- Lehenengo saria. Marraduna
Igor Garmendia (Zaldibia)

- Lehenengo saria. Zilarra
Jon Urbieta (Markina)

- Lehenengo saria. Lotea
Mikel Albizuri (Getaria)

- Bigarren saria. Lotea
Igor Garmendia (Zaldibia)

- Lehenengo saria. Goierriko lotea
Igor Garmendia (Zaldibia)

GANADU LEHIAKETA

SAILA : 1.go atala: -12-18 hilabete bitarteko bigantxak
1. IÑAKI ALKORTA EIZAGIRRE Garagartza Gain Baserria AZPEITIA
2. PRUDENCIO URKIA ARANA Urbizu Berri Baserria IDIAZABAL

SAILA : 2.go atala: -18-24 hilabete bitarteko bigantxak
1. JUAN JOSE URTEAGA ZUBIA Zokolo Berri Baserria ZESTOA
2. LOURDES URKIA ARANA Zubeldi-erdi Baserria ABALTZISKETA

SAILA : 3.go atala: -24-30 hilabete bitarteko bigantxak
1. LOURDES URKIA ARANA Zubeldi-erdi Baserria ABALTZISKETA
2. AITOR ARANA Urkimendi Baserria ARRASATE

SAILA : 4. atala: 30-42 hilabete bitarteko behiak
1. JUAN JOSE URTEAGA ZUBIA Zokolo Berri Baserria ZESTOA
2. IÑAKI ALKORTA EIZAGIRRE Garagartza Gain Baserria AZPEITIA

SAILA : 5 atala: 42-60 hilabete bitarteko behiak
1. IÑAKI ALKORTA EIZAGIRRE Garagartza Gain Baserria AZPEITIA
2. LOURDES URKIA ARANA Zubeldi-erdi Baserria ABALTZISKETA

SAILA : 6 atala: 60-96 hilabete bitarteko behiak
1. JUAN JOSE URTEAGA ZUBIA Zokolo Berri Baserria ZESTOA
2. LOURDES URKIA ARANA Zubeldi-erdi Baserria ABALTZISKETA

SAILA : 7 atala: 96 hilabete baina gehiagoko behiak
1. PRUDENCIO URKIA ARANA Urbizu Berri Baserria IDIAZABAL
2. DOLAETXE ELKARTEA Dolaetxe Baserria OÑATI

HAZITIK SORTUTAKO URRIXA ONENA ( ABEREKINGO SARIA )
PRUDENCIO URKIA ARANA Urbizu Berri Baserria IDIAZABAL

BURU DOTOREENA DUEN BEHIA ( HEBEKO SARIA )
GARIKOITZ NAZABAL Izar baserria ZALDIBIA

ASTEROKO AZOKAKO POSTU HOBERENEI AIPAMENAK
Anttoni Murgiondo (Gabiria)
Montes etxea (Ibarra)
Edurne Jauregi (Baliarrain)
Maria Jesus Mujika (Orendain)

 

erdiarokoazoka2015

ERDI-AROKO XX. AZOKA - ORDIZIA

Aurten ere, urtero egiten den moduan, ekainaren 6an eta 7an Erdi Aroko Azoka izango da. Oraingoan, "AURTEN ERE BAI" maiuskulaz idatzi behar dugu, izan ere, hogeigarren urteurrena ospatzen dugu. Ekitaldi batek hogei urte betetzen dituenean esan dezakegu ondo errotua dagoela eta 30 urtez azpiko guztiek gordetzen dute beraien oroimenean, beraiena izango balitz bezala, bizi guztikoa, eta etorkizunean ere beraien usadioan gordeko dena. Horregatik guztiagatik garrantzitsua da azoka kalitate-parametroetan sendotzea, eta gure artisautza eta lurraldea azokako postuetan agertzea.

Pozez oroitzen dugu lehenengo urtean (1996ko abuztuaren 6an eta 7an) errepidean ipini genituela postuak... Eta herriko plazan zeuden ekoizleekin batera egon zirela; azoka eguna zen, asteazkena, eta hurrengo urtean... ordurako plaza okupatu genuen! Ordutik hona barre-algara asko egin dugu herrian. Gai jakinen inguruko ospakizunak antolatu ditugu, besteak beste Andres Urdanetaren mendeurrena ospatzeko antolatu genuen espeziakin lotutako azoka... eta burdineria, falkoneria eta abarrekin lotutakoak. Garai bateko lanbideak erakutsi ditugu eta baserri eta landa-eremuetatik atera ditugu gure ekoizle asko Ordiziara ekartzeko. Pixkanaka antzerki-taldea, banda, errondaila, Ordiziako beste talde batzuk,... izan ditugu azoka berezi honetan eta abeslariak, zaldiak eta abar. Horiek guztiek osotasuna eman diote azokari, kanpotik etorritako eta herriko artisauen bateratzeari esker.

Artisau moduan eskerrak eman nahi ditugu ostalariek, udalak eta jendeak orokorrean oso harrera ona egin digulako eta guretzako nahiz Nafarroako Artisau-elikagaien Elkarteko kide gisa garrantzitsua delako bertako produktua merkaturatzen duten eta artisauen-lana zabaltzen duten kalitatezko azokak sustatzea. Izan ere, globalizazioagatik zailtasun handiagoak dituzte beraien produktuak saltzeko.

Aurten berriro entzun nahi dugu musika, azokako usainak hartu, ekoizlearen eta herritarraren arteko harreman zuzena partekatu eta kolorezko mundu batera bidaiatu asteburu ederraz gozatuz .

Azokan, gainera, Nafarroako Artisau Elikagai batzuetako (gaztak, hestebeteak, txokolateak, pastak, ahate-produktuak, barkilloak, almendra garrapiñatuak...) postuak egongo dira, eta beti bezala garai bateko lanbideen ordezkaritza egongo da: zeramika, larrua, gaztainondo-saskiak, sendabelarrak eta ukenduak, loreak, jolas tradizionalak, artilea, olibondoa, mineralak, larruzko pilotak, zilarra, beira... eta erdi aroko azoka; bertan txistorra, hirugiharra... eta gure produktuak jan ahal izango dituzu.

Gurekin izango ditugu honako hauek: Teatracalakalle animazio taldea, falkoneria, lore eta zeramikari buruzko erakusketa-tailerrak, egurrezko jolas tradizionalak eta abar.

Berriro, azoka garrantzitsua izango dugu Ordizian. Zuekin guztiekin azokaz gozatzea espero dugu.

ERDI AROKO AZOKA
EGITARAUA

Ekainak 6, larunbata
11:00 .- Barrena Kultur Etxetik azokako segizioaren desfilea: Juglareen kalejira, errege segizioa, Urrup Antzerki taldea, Musika Eskolako banda eta Urdaneta eta Jakintza dantza taldeak
Azokako saltokiak eta tailerrak zabalduko dira
12:00.- Pilotaleku txikian arku-tiraketa. Laguntasuna Rondailaren saioa.
17:00.- Barrena Kultur Etxetik, azokako segizioaren desfilea: Juglareen kalejira, errege segizioa, Urrup antzerki taldea, Musika Eskolako banda eta Urdaneta eta Jakintza dantza taldeak. Azokako saltokiak eta tailerrak zabalduko dira.
18:30tatik aurrera: Beti Argi Banda eta "Larrun-Arri" abesbatzaren saioak.

Igandea, ekainak 7
11:00 .- Azokako saltokiak eta tailerrak zabalduko dira.
11:30 .- Barrena Kultur Etxetik, azokako segizioaren desfilea.
13:00.- Garagartza Plazan: Beti Argi Bandaren Korpus eguneko kontzertua
17:00 - Azokako saltokiak zabalduko dira.

Egunero eta ordu desberdinetan, hainbat saio egingo da azokako inguruan: Juglareak, antzerkia, , dantza-taldeak, musikariak...

Laguntzaileak: Beti Argi Musika Banda, Rondalla Laguntasuna, Ordiziako Arku-tiraketa Taldea, Ordiziako Musika Eskola, Amets Bide eta Urdaneta Dantza Taldeak, "Larrun-Arri" abesbatza, Urrup Antzerki Taldea.

 

ordiziatxapeldun2015

 

 

ZEANURIKO "IPIÑABURU" GAZTANDEGIKO JON ETXEBERRIA ETA PUY ARRIETAK IRABAZI DUTE "ORDIZIA TXAPELDUN" XXVIII. GAZTA LEHIAKETA
Gaur larunbata, urriak 31, XXI. Arabar Errioxako Azokarekin batera, Ordizia Txapeldun gazta lehiaketaren XXVIII. ekitaldia ospatu da Ordiziako Plaza Nagusian. Aurtengoan Ordiziako iraileko gazta lehiaketa irabazi zuten Zeanuriko "Ipiñaburu" gaztandegiko Jon Etxebarria eta Puy Arrieta, izan dira oraingoan ere irabazle. Bere gaztak 8,29 puntu atera ditu eta Urrezko Gazta eramateko atetan gelditu da 8,5eko puntuazioa gainditzeko oso gutxi falta izan baitzaio.
Txapeldunen txapeldunaren XXVIII. ekitaldia
azken hamar urteetako (2006etik 2015era) irabazleak lehiatu dira haien artean. Ekitaldia Ordiziako Idiazabal Gaztaren kofradiak eta Udalak antolatu dute, Idiazabal Jatorri Izendapenaren laguntzaz.
Honako gaztagileak aritu dira lehian gaurkoan: 2007 eta 2009ko irabazle Jesus Ansola Juaristi (Mausitxa baserria-Elgoibar); 2006 eta 2010eko irabazle J. Aranburu Elkartea (Idiazabal); 2008, 2011 eta 2013ko irabazle Ricardo Remiro Aguirre (Eulate), 2014ko irabazlea Ondarreko Karmele Murua (Segura) eta 2012 eta 2015ean irabazle izan den Jon Etxebarria (Zeanuri).


Ongorengoa izan da azken sailkapena:
1. Saria. Jon Etxebarria "Ipiñaburu" (Zeanuri)
2. Saria. Jesus Ansola, Mausitxa (Elgoibar)
3. Saria. Jesus Ansola, Mausitxa (Elgoibar)
4. J. Aranburu Elkartea (Idiazabal)
5. Ricardo Remiro Agirre (Eulate).
6. Ricardo Remiro Agirre (Eulate).
7. J. Aranburu Elkartea (Idiazabal)
8. Jon Etxebarria "Ipiñaburu" (Zeanuri)
9. Ricardo Remiro Agirre (Eulate).
10. Karmele Murua "Ondarre" (Segura)


Hiru lote hoberenak diru-saria jaso dute: 300 euro irabazleak, 200 bigarrenak eta 100 hirugarrenak. Hamarretik zazpiko puntuazioa gainditu dutenez, urrezko, zilarrezko eta brontzezko dominak eskuratu dituzte lehen hiru sailkatuek.Lenengoa, Urrezko Gazta irabazteko atetan gelditu da zortzi puntu eta erdi gainditu ez dituelako 8,29 punturekin.


Epaimahaia honakoek osatu dute: Dani Lopez (Kokotxa Jatetxea, Donostia), Joxi Urkiola (Urkiola Erretegia, Beasain), Marta Albisu eta Patxi Perez Elortondo (Idiazabal Jatorri Izendapena), Tito Irazusta eta Felix Ibargutxi (Kazetariak) eta Ordiziar entzutetsu bezala Joxe Mari Goenaga "Loreak" filma sarituaren zuzendaria.
Lehiaketaren presidente bezala Jose Juan Castillo aritu da.

 

gaztalehiaketa1web

JON ETXEBARRIAREN GAZTAK IRABAZI DU ORDIZIAKO IDIAZABAL GAZTAREN LEHIAKETA
Catalana OccidenteK 7.600 euro ordaindu du irabazi duen gazta erdiarengatik

Bigarren saria Larreako Patxi Lopez de Uraldek eraman du eta hirugarrena Goierrin geratu da, Zeraingo Francisco Javier Muñoaren eskutan

 

 

Zeanuritik ekarri dute Jon Etxebarria eta Puy Arrietak Ipiñaburu gaztandegian familian egindako XLII. edizioko gazta hoberena. Larreako Patxi Lopez de Uralderena izanda bigarrena eta Francisco Javier Muñoa zeraindarra hirugarren. Laugarren tokian, berriz azken txanpara iritsi den Joseba Insausti (Ordizia) eta bosgarrenean Patxi Otaegi (Beizama). Enkantean Catalana Occidente aseguru etxeak 7.600 euro ordainduta irabazi du.

Catalana Occidentek duela hiru urte ere enkantea irabazi zuen eta, kasualitatez, orduan ere artzain bera izan zen lehiaketako irabazlea, Jon Etxebarria. Juanjo del Caño, aseguru etxeko ordezkariak esan duenez, 'gure tradizioei laguntzeko' ahalegina egiten dute horrela eta ontzat ematen dute, halaber, ordaindutako diruak duen erabilera soziala.

'Ordiziak dardarizoa sortarazten du'

Pozik zeuden lehiaketaren irabazleak, Jon Etxebarria eta Puy Arrieta, Ordizian berriz irabazi eta gero. Eskerrak luzatzeko aprobetxatu dute, batez ere 'honetaz bizitzea posible egiten digun guztiei' eta gogoan izan dituzte beste hainbat ganaduzale, 'oso gaizki pasatzen ari baitira', esan dute.

Eguzkia lagun, giro jatorrean ospatu da gaur Ordiziako Euskal Jaietako aparteko azoka. Asteazkeneroko azokaz eta gazta lehiaketa entzutetsuz gain, fruitu eta barazki lehiaketa, perretxiko erakusketa, euskal oiloen lehiaketa eta Gipuzkoako Piriniar Arrazako Behi-Azienden lehiaketa ere izan dira Ordizian. Kalean jendearen joan etorria etengabekoa izan da, eta Goierriko produktu onenak bertatik bertara ikusi, erosi eta dastatzeko aukera izan dute feriara inguratu direnek. Asteazkeneroko azoka ere apain zegoen Plaza Nagusian.

Arratsaldean, pilota eta herri kirolak
Arratsaldean (17:30) festak jarraitu egingo du. Profesionalen arteko eskuzko bi pilota partida jokatuko dira Beti-Alai pilotalekuan, eta 19:30ean, Joxemiel Barandiaran plazan, Herri Kiroletako erakustaldia egingo da: aizkolariak, harrijasotzaileak, trontza, txingak, lasto jaurtiketa, ingude jasotzea, motozerra froga... Ordiziako Euskal Jaiak igandean bukatuko dira, Lazkao Txiki XXIV. Bertsopaper Lehiaketaren sari ematearekin.

 

 

hitzarmena20150505web

 

Ordiziako zein Tolosako azoken ezaugarri eta antzekotasunak, hauen dinamizazio – gogoetak premiak, ondoriozko lankidetza proiektua dakar.
Ordiziako eta Tolosako herri guneetan antolatzen diren azoketan Gipuzkoa osoko ekoizleek hartzen dute parte bide emanez populazio gehiago kontzentratzen den espazio horietara iritsiz.
Lankidetza- Hitzarmenarekin, Ordiziako azoka eta Tolosako azoken, promozioa, etengabeko hobekuntza eta azoka egitura berri bateratua du helburu, ondare inmaterialean oinarriturik.
Azokak normalizatzera, erreferentzi bat izatea, gure herrietan eta kanpotarren aurrean, bertako eta kalitatezko produktuez hornitutako lehengaien saltoki nagusi direnez, nekazaritzaren eta herri nortasunean jomugatako bat izaten jarrai dezaten.
Aipu diren azokak, bertan parte hartzen duten eragile zein azpiegituren saretzearekin bat, beren garapenerako, lanaren dinamizazioa, proiektu bakar eta komun batean bilakatzea da, zuzenean inplikaturik dabiltzan lau erakunde hauen aldetik. Ordiziako udala, Tolosako udala, Goimen eta Tolomendi.

irakurri gehiago

 

ArabarErrioxakoardoenXXIazoka

 

 

ARABAR ERRIOXAKO ARDOEN XXI. AZOKA OSTIRAL ETA LARUNBATEAN ETA XXVIII. ORDIZIA TXAPELDUN GAZTA LEHIAKETA

Larunbat eguerdian 28. 'Ordizia Txapeldun' gazta lehiaketa jokatuko da

Datorren ostiral eta larunbatean, urriak 30 eta 31, Arabar Errioxako ardoen 21. azoka ospatuko da Ordiziako Plaza Nagusian. Ardoa ez ezik, hainbat herrialdetako gazta dastatu eta erosteko aukera ere izango da, eta plazaren inguruan artisauak ere izango dira, "Betiko market" ekitaldi berrian eta Domu Santu Egunerako ohikoak diren lore eta erramuen saltokiak ere plazaren inguruan izango dira. Azokak honako ordutegia izango du: ostiralean 18:30-21:30 eta larunbatean 11:30-14:30 eta 18:30-21:30. Azokarekin bat, 'Ordizia Txapeldun' gazta lehiaketa jokatuko da larunbatean, 12:30ean hasita.

Ardoak dastatzeko aukera izango da Plaza Nagusian, Arabar Errioxako ardoak alde batetik eta bestetik upategi gonbidatuak izango dira. Horien artean segidako bodegak izango ditugu Ordizian asteburu honetan: Lar de Paula eta Viña Laguardia (El Villar herrikoak), González Bocos (Laguardia), Señorio de la Viñas (Laserna), Cordoba Martinez (La Puebla), Rioja Vega (Biana), Iñurrieta (Falces)... Gonbidatuen artean, Tomas eta Leire Bosque aita-alaba ordiziarrek sortutako "El catador de venenos" kluba dago, baita Basoa banaketak ere.

Dastagai egongo diren gazten artean, Idiazabal Gazta ez ezik, Erronkari, Kantabria, Asturias eta Zamorako gaztak izango dira. Horiekin batera, olio, kontserba eta hestebeteak ere egongo dira bisitarien eskura. Ordiziako Siglo XX Harategiak aurrez prestatutako jakiak izango ditu salgai.

Azoka hau antolatuta hiru helburu lortu nahi ditu Ordiziako Udaleko Jai eta Azoka delegazioak: kalitatezko ardoak aurkeztea eta ezagutaraztea; upategiei haien ekoizpena ezagutarazten laguntzea; eta kontsumitzaileek kalitatezko produktuak estimatzea.

TXAPELDUNEN TXAPELDUNA
Azokarekin bat, XXVIII. 'Ordizia Txapeldun' gazta lehiaketa ere ospatuko da larunbat eguerdian, 12:30ean hasita. Bertan, Euskal Jaietako Ardi Latxaren esnearekin egindako gazta lehiaketaren azken hamar urteetako (2006etik 2015era) irabazleak lehiatuko dira haien artean. Ekitaldia Ordiziako Idiazabal Gaztaren kofradiak eta Udalak antolatzen dute, Idiazabal Jatorri Izendapenaren laguntzaz.
Honako gaztagileak arituko dira lehian larunbatean: 2007 eta 2009ko irabazle Jesus Ansola Juaristi (Mausitxa baserria-Elgoibar); 2006 eta 2010eko irabazle J. Aranburu Elkartea (Idiazabal); 2008, 2011 eta 2013ko irabazle Ricardo Remiro Aguirre (Eulate), 2014ko irabazlea Ondarreko Karmele Murua (Segura) eta 2012 eta 2015ean irabazle izan den Jon Etxebarria (Zeanuri).
Hiru gazta hoberenak diru-saria jasoko dute: 300 euro irabazleak, 200 bigarrenak eta 100 hirugarrenak. Hamarretik zazpiko puntuazioa gainditzen badute, urrezko, zilarrezko eta brontzezko dominak eskuratzeko aukera izango dute. Lehenengoak, Urrezko Gazta irabaziko luke zortzi puntu eta erdi baino gehiago lortuz gero.
Luxuzko Epaimahaia dugu oraingo honetan ere, Jose Juan Castillo lehendakari dutela zortzi lagunek osatuko dutena: Ruben Trincado sukaldaria (Mirador de Ulia Jatetxea, Donostia), Dani Lopez (Kokotxa Jatetxea, Donostia), Marta Albisu eta Patxi Perez Elortondo (Idiazabal Jatorri Izendapena), Tito Irazusta eta Felix Ibargutxi (Kazetariak) eta Ordiziar entzutetsu bezala Joxe Mari Goenaga "Loreak" filma sarituaren zuzendaria.

BETIKO MARKET eta 2. ESKUKO AZOKA

Ardo eta gazta azokarekin bat eginez, Betiko Market eta Bigarren eskuko produktuen azokak antolatuko dira.
Mondragon Unibertsitatean sortutako Kimmu ikasle elkartetik datorren proiektua da Betiko Market. Honen helburua artista, diseinatzaile eta sortzaileen artean komunitate bat sortzea da. Horretarako azokak eta beste hainbat ekintzak antolatzen dituztelarik.
Oraingo honetan, Ordiziako Udal merkataritza eta kultura arloen babesarekin, Plaza Nagusiaren inguruan kokatuko da Betiko Market azoka eta bertan 13 artisau merkatari egongo dira beraien produktuak aurkeztuz eta hauek lantzeko moduak azalduz.
Parte hartzaileak hauek izango dira: Amonagoran, Kukamana, Rhoterisko, Una mama en las nubes, Te lo pinto, Bidasoa Vintage, Xaboi punpuila, Maridomingi, A&J Jewellery, Gozoegia, Espacio de interiorismo, Mattiren txokoa, Kimmu, eta Marta Art.
Betiko Market azokaren ordutegia urriaren 30ean, ostirala, 16:30tik 20:30ra eta urriaren 31n, larunbata, 11:00tik 14:30ra eta 16:30tik 20:30ra izango da.
Artisau merkatari hauez gain bi musikarien emanaldiak ekarriko ditu Betiko Market azokak. Urriaren 30ean 19:00tan Olatz Salvador eta urriaren 31n 19:30tan LIHER izango dira musika saio hauetaz gozatzeko aukera emango digutenak.
Betiko Market azokako artisau merkatariekin batera, herri desberdinetan bigarren eskuko produktuak aurkezten duen saltzaile talde batek ere parte hartuko du aste bukaerako ekimen honetan eta guztira 11 izango dira Bigarren Eskuko produktuen azoka osatuko dutenak, Plaza Nagusiaren inguruan eta Betiko Market azokaren ordutegi berdinean.

 

euskaljaiakaurkezpena2015web

EUSKAL JAIAK 2015 - ORDIZIA

Ostiral honetan, irailak 4, hasi eta hurrengo igandera arte, hilaren 13ra arte, iraungo du aurtengo Euskal Jaiak Ordizian. Aurreko urteetan bezala, egitaraua oparoa izango da. Besteak beste, datorren asteazkenean, irailak 9a, egingo den aparteko azoka eta latxa eta karrantzana ardiaren esne gordinez artzaiek egindako gazta-lehiaketa azpimarratu behar ditugu.

Informazio gehiagorako

 

 

 

Artzaineguna2015corte

 

"Osasungarria, naturala, kultura baten esentzia, tradizio baten errotzea. Produktu magiko bat " moztu du Josean Alijak
" Osasungarria, naturala, kultura baten esentzia, tradizio baten errotzea. Produktu magiko bat ", Josean Alija, Nerua Guggenheim Bilbao jatetxeko sukaldariak pleno aretoan egindako gazta mozketa ekitaldian esan bezala. Idiazabal gazta gaztearen ale bat zatikatu du Alijak eta horrela gazta denboraldi berria zabaldu du.
Ekitaldi bertan, Eroski Taldea ere omendu dute Euskal Herrian naiz Euskal Herritik kanpo Idiazabal Gaztaren banaketa eta difusioan egindako lanagatik
Artzain egunaren babesean erregulartasun-kalitate sariak eman zaizkie Lazkaoko Isidro Sukia artzaiari eta Nafarroako Sunbillako Lizun gaztandegiari.


Ekitaldi nagusian egon dira:
Bittor Oroz, Eusko Jaurlaritzako Nekazaritza, Arrantza eta Elikagaien Politikako sailburuordea.
Jon Peli Uriguen, Foru Aldundiko Berrikuntza, Landa Garapena eta Turismo departamentuko diputatua.
Koldo Lizarralde, Nekazaritzako eta Landa Garapeneko Zuzendari Nagusia.
Igor Eguren, Ordiziako alkatea
Jose Mari Ustarroz Idiazabal Gaztako jatorri izendapeneko Lehendakaria.
Josean Alija, Nerua Guggenheim Bilbao jatetxeko sukaldaria eta gazta moztu duena.
Isidro Sukia (Lazkao, Gipuzkoa) eta Lizun Gaztandegia (Sunbilla, Nafarroa), erregulartasun-kalitate gaztagile sarituak.
Gotzon Elizburu, Eroski Taldeko elkarlan komertzialetarako arduraduna.
J. J. Castillo, J. Eizmendi, Ahizpea Oihaneder, Nikolas Ramirez eta Tristán Montenegro, sukaldariak.
Karmele Murua, Felix Goiburu, Jesus Ansola (Mausitxa), Nicolas Remiro eta Juanjo Aranburu artzainak.
Ordiziako Idiazabal Gaztaren kofradiako kofradeak
Ordizia jendez gainezka
Hala ere, egunak ekitaldi nagusirako baino gehiagorako ere eman du. Ahari erakus-lehiaketara gerturatu direnek Gipuzkoako puntu desberdinetatik etorritako ahari eta ardi buruak ikusteko aukera izan dute. Baita bildots erreak dastatzeko ere. Horretarako ilara luzeak egin behar baziren ere.
Eta hamaiketan puntuan, tradizioak agintzen duen moduan, 2.000 ardik baino gehiagok Ordiziako kaleak zeharkatu dituzte, neguan, aspaldiko garaietan, egiten zen moduan.


AHARIEN LEHIAKETA-ORDIZIA 2015 -- ARTZAIN EGUNA
2015ko apirilaren 8an
ESNE KONTROLEKO AHARIEN TXAPELKETA
Emaitzak
MUTUR BELTZAK
Arkumetan
Olalde Elkartea.Olalde Baserria (Legorreta)
Bildotsetan
Makatza baserria (Legazpi)
Zaharretan
Aizpea Elkartea. Aizpea Baserria (Olaberria)
MUTUR GORRIAK
Arkumetan
Armuino Artegia (Berastegi)
Bildotsetan
Galtzata Baserria (Oiartzun)
Zaharretan
Oraa baserria (Zumarraga)

ERRAPE ERAKUSKETA-TXAPELKETA
Mutur Beltza
Errape onena arditan:
Aizpea baserria (Olaberria)
Errape onena bildotsetan:
Aizpea baserria (Olaberria)
Mutur Gorria
Errape onena arditan:
Gomiztegi baserria (Oñati)
Errape onena bildotsetan:
Gomiztegi baserria (Oñati)

AHARIEN XVII LEHIAKETA MORFOLOGIKOA- MUTUR BELTZA ETA MUTUR GORRIA, ORDIZIA
GORRITAN
Arkumeak (urte bat baino gazteagoak):
1º Julian Beloki. Ointzabal baserria (Beizama)
2º Miguel Amiano (Altzo)
3º Resu Balerdi (Altzo)
Bildotsak (bat eta bi urte bitartekoak):
1º Julian Beloki. Ointzabal baserria (Beizama)
2º Olabide Elkartea (Zerain)
Ahari zaharrak (bi urtetik gorakoak):
1º Julian Beloki. Ointzabal baserria (Beizama)
2 º Resurrección Balerdi. Etxeluze Baserria (Altzo)
3 º Julian Beloki. Ointzabal baserria (Beizama)
MUTUR BELTZA
Lote bakarra aurkeztu da.

 

Orrialdea 8/19