Goiko Etxeberri Baserria

Plaza Nagusi barneko goialdeko postu batean kokatzen da asteazkenero Arantxa Zurutuza aramarra. 4. belaunaldia da azokan, eta gaur egun soilik Ordiziako azokara etortzen da hurbiltasunagatik, Zumarragan eta Tolosan ere ibili eta gero. Bere ustez urte guztian salgai izaten duen produktuetatik erregularrena porrua da. Izaten dituen produktu taldeak garaian garaiko barazkiak, lekaleak eta fruituak dira, bere baserriko baratzan hazitakoak.