Zaldibian, Arkaka bidean, errepidearen eskuinetara dagoen lore mintegiaren jabe dira Azanza anaiak. Ordizian bizi dira Paco eta Iñaki, eta txirrindularitza zale amorratuak dira. Txirrindularitza probak direla eta, denboraldi luzeak egiten dituzte atzerrian eta euren beste pasio bat ere lantzen dute horrela: argazkilaritza. Mintegitik garaiaren arabera ekarritako mota guztietako lore, landare eta zuhaitzekin ematen diote bizipoza Ordiziako azokari asteazkenero.