Bedaioko Balerdi mendiaren magalean sortutako proiektua da hau. Mattinek 2019an ekin zion ibilbideari, erle beltzaren bizitza ezagutzeko asmoz; natura hurbilagotik ezagutzeko jakin-minak Inaxioren interesa piztu zuen. Ordutik, erlezaintza gazte batean ari gara lanean, "eztia baino zerbait gehiago" egin nahian.
Erleak munduan eta gure gizartean duen garrantzia ezagutzen joan gara: erlezaintzak kulturan, gastronomian, paisaian, kosmetikan eta osasunean eragiten du. Erlea izateak dakartzan onurek mundu honetan sakontzen jarraitzera bultzatu gaituzte.
Euskal Herriko erle autoktonoa da Balerdipeko protagonista nagusia "erle beltza". Hiruron artean ematen diogu zentzua amets ero honi, batzuk hegan, batzuk oinak lurrean.